यूहन्‍ना 17:21 - नेवाः बाइबल

²¹ इपिं नं छप्‍पँ जुयाच्‍वनेमा। यःम्‍ह बाः, गथे छि जिके, अले जि छिके दु, अथे हे इपिं नं झीके छप्‍पँ जुयाच्‍वनेमा। थुकथं जूसा जक छिं जितः छ्वयाहःगु खः धकाः संसारं विश्‍वास याइ।

यूहन्‍ना 17:21 ပူးပေါင်းရင်းမြစ်များ

यर्मिया 32:39

जिं इमिगु जीवनय् छगू हे मन व छगू हे बिचाः बी। अले इमिसं न्‍ह्याबलें थःगु भिं व थः सन्‍तानतय्‌गु भिंया निंतिं जिगु भय काइ।

सपन्‍याह 3:9

“उबले देश देशयापिं मनूतय्‌गु म्‍हुतुसि शुद्ध यानाबी, गुकिं यानाः इपिं फुक्‍कसिनं परमप्रभुया नां कयाः छगू हे मन जुयाः वय्‌कःयागु सेवा यायेमा।

जकरिया 14:9

उखुन्‍हु हे परमप्रभु फुक्‍क पृथ्‍वीयाम्‍ह जुजु जुयादी। सकल मनूतय्‌सं वय्‌कःयात परमप्रभु धकाः आराधना याइ अले व हे नामं वय्‌कःयात म्‍हसीकी।

मर्कूस 3:24

गुगुं नं देशय् थःथवय् हे ल्‍वापु जुल धाःसा व देश स्‍यनावनी।

यूहन्‍ना 10:16

जिमि फैत थ्‍व फैगलय् जक मखु, मेथाय् नं दु। इमित नं जिं हयेमानि। इमिसं नं जिगु सः ताइ। थुकथं फुक्‍क फैत छथ्‍वः जुइ, अले इमि फैजवाः नं छम्‍ह हे जुइ।

यूहन्‍ना 10:30

जि व जिम्‍ह बाः छम्‍ह हे खः।”

यूहन्‍ना 10:38

जिं परमेश्‍वरयागु ज्‍या यानाच्‍वनागु दुसा जितः विश्‍वास मयाःसां जिं यानागु ज्‍या यात विश्‍वास यानादिसँ। उकिं जिके बाः दी, अले जि बाःयाके दु धकाः छिकपिन्‍सं सीकादिसँ, थुइकादिसँ।”

यूहन्‍ना 11:42

छिं जिगु खँ न्‍ह्याबलें न्‍यनादी धकाः जिं स्‍यू। थन दना च्‍वंपिन्‍सं जितः छ्वयाहयादीम्‍ह छि हे खः धकाः विश्‍वास याये फयेमा धकाः जिं थथे धयागु खः।”

यूहन्‍ना 13:32

वयापाखें परमेश्‍वर तःधनिगुलिं परमेश्‍वरं वयात थःलिसे तःधंकादी, याकनं हे तःधंकादी।

यूहन्‍ना 13:35

छिपिं थःथवय् थथे माया याना च्‍वनाच्‍वन धाःसा छिपिं जिमि चेलात खः धकाः फुक्‍कसिनं सी।”

यूहन्‍ना 17:11

जि आः छिथाय् वयेत्‍यनागुलिं थ्‍व संसारय् दइ मखुत, थुपिं धाःसा थ्‍व संसारय् च्‍वनाच्‍वनी। पवित्रम्‍ह बाः, छिं जितः बियादीपिन्‍त छिगु हे नांयागु निंतिं बचय् यानातयादिसँ। झीपिं थें तुं इपिं नं छप्‍पँ जुयाच्‍वनेमा।

यूहन्‍ना 17:18

छिं जितः संसारय् छ्वया हयादीथें तुं जिं नं इमित संसारय् छ्वया।

यूहन्‍ना 17:20

“थुमिगु निंतिं जक जिं बिन्‍ति यानाच्‍वनागु मखु, इमिगु खँ न्‍यनाः विश्‍वास याःपिनिगु निंतिं नं जिं बिन्‍ति यानाच्‍वनागु खः।

यूहन्‍ना 17:25

“सत्‍यम्‍ह बाः, संसारं छितः म्‍हसीके मफुनि। तर जिं छितः म्‍हस्‍यू। छिं हे जितः छ्वयाहयादीगु खः धकाः थुमिसं स्‍यू।

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

यूहन्‍ना 17:8

छिं जितः बियादीगु खँ जिं इमित बी धुन। अले इमिसं नं ग्रहण यात। जि छिथासं वयागु खः धकाः इमिसं बांलाक सीके धुंकल, अले छिं जितः छ्वयाहयादीगु खः धकाः नं इमिसं विश्‍वास यानाच्‍वंगु दु।

यूहन्‍ना 3:17

परमेश्‍वरं संसारयात न्‍याय यायेत थःकाय्‌यात छ्वयाहयादीगु मखु, बरु वय्‌कःयापाखें संसार बचय् जुइमा धकाः खः।

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

प्रेरित 2:46

छगू हे मन यानाः न्‍हिं न्‍हिं फुक्‍कं देगलय् मुना च्‍वनेगु, हानं छेँय् छेँय् मरि कुचा थलाः फुक्‍कंनापं च्‍वनाः लय्‌तातां नयेगु यानाच्‍वन।

प्रेरित 4:32

फुक्‍क विश्‍वासीतय्‌गु मन व नुगः छगू थें जू। अथे जूगुलिं सुनानं थ्‍व जिगु व छंगु धकाः मधासे फुक्‍कं मंकाः याना तल।

रोमी 12:5

थथे हे झीपिं नं यक्‍व दसां ख्रीष्‍टयागु म्‍हय् ला छम्‍ह हे जक खः। अले थीथी म्‍हब्‍वत छगू छगू यानाः मिलय् यानातःपिं खः।

१ कोरिन्‍थी 1:10

यःपिं दाजुकिजापिं, झी प्रभु येशू ख्रीष्‍टया नामय् छिमित जिगु बिन्‍ति दु – छिपिं सकसिनं छगू हे खँ ल्‍हायेगु या। छिमिगु दथुइ ल्‍वापु मजुइमा बरु छिपिं फुक्‍कं मिलय् जुयाः छगू हे बिचाः व छगू हे मन जुयाच्‍वनेगु त्‍वःते मते।

१ कोरिन्‍थी 12:12

मण्‍डली म्‍ह थें खः। गथे तःता म्‍हब्‍व दःसां म्‍ह ला छगू हे जुइ। म्‍ह छगू हे जूसां तःता म्‍हब्‍व दइ। ख्रीष्‍ट नं अथे हे खः।

१ कोरिन्‍थी 6:17

अथे हे प्रभु नाप मिलय् जूम्‍ह मनू नं वय्‌कः नाप छगू हे आत्‍मा जुइ।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

१ यूहन्‍ना 1:3

जिमिसं न्‍यनागु व खनागु फुक्‍कं न्‍यंकागु दु। जिमिगु संगति बाः नाप व परमेश्‍वरया काय् येशू ख्रीष्‍टनाप दुगुलिं छिमिसं नं जिपिं नाप संगति याये फयेमा धकाः थथे धयाच्‍वनागु खः।

१ यूहन्‍ना 5:7

येशू परमेश्‍वरया काय् खः धकाः थ्‍व स्‍वतां बांलाक क्‍यं – पवित्र आत्‍मा, लः व हि।