यूहन्‍ना 17:20 - नेवाः बाइबल

²⁰ “थुमिगु निंतिं जक जिं बिन्‍ति यानाच्‍वनागु मखु, इमिगु खँ न्‍यनाः विश्‍वास याःपिनिगु निंतिं नं जिं बिन्‍ति यानाच्‍वनागु खः।

यूहन्‍ना 17:20 ပူးပေါင်းရင်းမြစ်များ

यूहन्‍ना 10:16

जिमि फैत थ्‍व फैगलय् जक मखु, मेथाय् नं दु। इमित नं जिं हयेमानि। इमिसं नं जिगु सः ताइ। थुकथं फुक्‍क फैत छथ्‍वः जुइ, अले इमि फैजवाः नं छम्‍ह हे जुइ।

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

यूहन्‍ना 17:21

इपिं नं छप्‍पँ जुयाच्‍वनेमा। यःम्‍ह बाः, गथे छि जिके, अले जि छिके दु, अथे हे इपिं नं झीके छप्‍पँ जुयाच्‍वनेमा। थुकथं जूसा जक छिं जितः छ्वयाहःगु खः धकाः संसारं विश्‍वास याइ।

प्रेरित 2:41

वयागु खँय् विश्‍वास यानाः यक्‍वसिनं हे बप्‍तिस्‍मा काल। उखुन्‍हु हे जक बप्‍तिस्‍मा काःपिं मनूत स्‍वद्वः ति दु।

प्रेरित 4:4

अथेसां इमिगु खँ न्‍यनाः यक्‍वसिनं हे विश्‍वास यात। थथे विश्‍वास याःपिं मिजंत जक हे न्‍याद्वः ति दत।

रोमी 16:26

थ्‍व हे गुप्‍त खँ आः फुक्‍क मनूतय्‌त सीके बीत अगमवक्तातय्‌सं च्‍वया थकूगु दु। सदां दयाच्‍वनीम्‍ह परमेश्‍वरं फुक्‍क जात जातियापिन्‍त सीके बीत, अले विश्‍वास यानाः वय्‌कःयात मानय् यायेत थ्‍व भिंगु खँ बय्‌बय् यायेमाः धकाः आज्ञा बियादीगु दु।

एफिसी 4:11

वय्‌कलं हे गुम्‍हय्‌सितं प्रेरित, गुम्‍हय्‌सितं अगमवक्ता, गुम्‍हय्‌सितं भिंगु खँ न्‍यंक जुइम्‍ह, गुम्‍हय्‌सितं मण्‍डलीइ हेरचाह याइम्‍ह, गुम्‍हय्‌सितं वचन स्‍यनेकने याइम्‍ह यानादिल।

२ तिमोथी 1:2

जि यःम्‍ह काय् तिमोथीयात थ्‍व पौ च्‍वयाच्‍वना। झी परमेश्‍वर बाः व प्रभु ख्रीष्‍ट येशूं छन्‍त दया माया यानाः शान्‍ति बियादीमा।