यूहन्‍ना 17:12 - नेवाः बाइबल

¹² संसारय् इपिं नाप च्‍वंतले जिं छिगु नामय् इमित बचय् याना तया। छिं जितः बियादीपिं सुं नं जिं तंकागु मदु। अय्‌नं धर्मशास्‍त्रय् च्‍वया तः थें नाश जुइमाःम्‍ह छम्‍ह जक नाश जुयावन, मेपिं सुं नं नाश मजू।

यूहन्‍ना 17:12 ပူးပေါင်းရင်းမြစ်များ

भजनसंग्रहया सफू 41:9

छपाः हे भुइ नयाम्‍ह जिमि छम्‍ह स्‍याःन्‍याःम्‍ह पासा तकं जिगु विरोधय् वन। वयात जिं तसकं विश्‍वास यानातयागु खः।

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 17:6

“छिं जितः बियादीपिं संसारय् च्‍वंपिं मनूतय्‌त छिगु नां जिं म्‍हसीका बिया। इपिं छिकपिनि हे मनूत खः, अले इपिं छिं जितः बियादिल। इमिसं नं छिगु वचन मानय् यानाच्‍वंगु दु।

यूहन्‍ना 18:9

वय्‌कलं थथे धयादीगु खँ पूवनेमा धकाः थथे जूगु खः – “छिं जितः बियादीपिं सुयातं जिं तंकागु मदु।”

यूहन्‍ना 6:37

बाःनं जितः बियादीपिं फुक्‍कं जिथाय् वइ। अले जिथाय् वःपिन्‍त जिं गुबलें हे त्‍वःते मखु।

प्रेरित 1:25

यहूदा थ्‍व ज्‍या त्‍वःताः गन वनेमाःगु खः अन वने धुंकूगुलिं वया थासय् ज्‍याय् तयेत व प्रेरित यायेत गुम्‍ह मनू ज्‍यू, धयादिसँ?”

फिलिप्‍पी 2:9

अय्‌जूगुलिं परमेश्‍वरं वय्‌कःयात फुक्‍क स्‍वयाः नं तःधंकादिल, अले दक्‍वसिबय् तःधंगु नां नं छुनादिल।

२ थेसलोनिकी 2:3

सुनानं छिमित मिखाय् धुलं छ्वाके मफयेमा। मनूतय्‌सं धर्म यायेगु मत्‍वःतुतले, अले नाश जुइमाःम्‍ह पापयाम्‍ह मनू खनेदय्‌कः मवतले प्रभु झाइ मखु।

हिब्रू 2:13

अले थथे नं च्‍वयातःगु दु – “परमेश्‍वरयाके हे जिं भरोसा तयाच्‍वने।” अले थथे नं च्‍वयातःगु दु – “स्‍व, परमेश्‍वरं जितः बियादीपिं वय्‌कःया काय्‌म्‍ह्याय्‌पिं नाप जि च्‍वनाच्‍वनागु दु।”

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।

प्रकाश 19:12

वय्‌कःयागु मिखा मित्‍याः थें च्‍वं। वय्‌कःयागु छेनय् यक्‍व हे श्रीपेच दु। वय्‌कःयागु म्‍हय् च्‍वयातःगु नां सुनानं हे मस्‍यू, वय्‌कलं जक स्‍यू।