यूहन्‍ना 16:7 - नेवाः बाइबल

⁷ न्‍ह्यागु जूसां जिं सत्‍य खँ धाये, जि वनेगु हे छिमिगु निंतिं भिं जुइ। जि मवंकं छिमित ग्‍वाहालि बीम्‍ह छिमिथाय् झायादी मखु। अय्‌जूगुलिं जिं वनाः वय्‌कःयात छ्वयाहया बी।

यूहन्‍ना 16:7 ပူးပေါင်းရင်းမြစ်များ

भजनसंग्रहया सफू 68:18

हे परमप्रभु परमेश्‍वर, छि तःजाःथाय् थाहां झाःबलय् छिं कैदीतय्‌त ज्‍वनाः झाल। छिं मनूतय्‌गु देछा कयादिल, विद्रोहीतय्‌गु देछा तकं कयादिल, हे परमप्रभु परमेश्‍वर, छि अन सदांया निंतिं च्‍वनादी।

लूका 24:49

“न्‍यँ, छिमित जिमि बाःनं बी धकाः धयादीगु छिमिथाय् छ्वयाहये। अय्‌नं परमेश्‍वरयागु शक्ति छिमिके मवतले थ्‍व हे शहरय् पियाच्‍वँ।”

लूका 4:25

“अय्‌नं जिं छिकपिन्‍त धात्‍थें जूगु खँ कने, न्‍यनादिसँ – एलिया दुबलय् इस्राएलय् यक्‍व यक्‍व हे भाःत मदुपिं मिसात दु। अबलय् छकः स्‍वदँ व खुलातक वा मवःगुलिं इस्राएलय् दक्‍वभनं हे अनिकाल जुल।

लूका 9:27

जिं छिमित धात्‍थें धाये – परमेश्‍वरयागु राज्‍य मखंतले थन दुपिं मध्‍ये गुम्‍हं गुम्‍हं ला सी तकं मखुनि।”

यूहन्‍ना 14:26

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

यूहन्‍ना 14:28

‘जि वनाः हानं छिमिथाय् तुं वये’ धकाः जिं धयागु खँ ला छिमिसं न्‍यंगु हे दु। छिमिसं जितः माया यानागु खःसा जि बाःयाथाय् वने धकाः धयागु खँ न्‍यनाः, छिपिं लय्‌ताय् माःगु खः, छाय्‌धाःसा बाः जि स्‍वयाः तःधं।

यूहन्‍ना 14:3

जि वनाः छिमित थाय् दय्‌के धुंकाः हानं वयाः छिमित जि च्‍वनेथाय् ब्‍वनायंके। अले छिपिं जिनापं च्‍वनी।

यूहन्‍ना 15:26

“जिं छिमिथाय् बाःयापाखें ग्‍वाहालि याइम्‍ह सत्‍य आत्‍मायात छ्वयाहये। वय्‌कलं हे छिमित जिगु साक्षी बी।

यूहन्‍ना 16:8

वय्‌कः झाये धुंकाः पाप छु खः, धार्मिकता छु खः व परमेश्‍वरया न्‍याय छु खः धयागु खँय् संसारय् च्‍वंपिनिगु दोष क्‍यनादी।

यूहन्‍ना 7:39

वय्‌कलं पवित्र आत्‍मायागु खँ धयादीगु खः। वय्‌कःयात विश्‍वास याःपिन्‍त आत्‍मा बियादी। वय्‌कलं आः तक सीम्‍ह म्‍वाका मदीनि सुयातं आत्‍मा बियादीगु मदुनि।

प्रेरित 10:34

अले पत्रुसं धाल – “धात्‍थें खः खनी, परमेश्‍वरं सुयातं ख्‍वाः स्‍वयाः ज्‍या यानामदी।

प्रेरित 2:33

परमेश्‍वर बाःनं नं वय्‌कःयात थःगु जवय् तयाः तःधंकादिल। अले परमेश्‍वरं बियादी धकाः धयादीगु पवित्र आत्‍मा वय्‌कःयात बियादिल। थथे वय्‌कलं हे जिमित नं पवित्र आत्‍मा बियादिल। छिकपिन्‍सं ताःगु व खंगु फुक्‍कं पवित्र आत्‍मायागु हे ज्‍या खः।

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

२ कोरिन्‍थी 4:17

छुं ई तक जक जिमिसं थन भचा जक दुःखकष्‍ट स्‍यूसां परमेश्‍वरं स्‍वर्गय् जिमित सदां दयाच्‍वनीगु आनन्‍द बियादी।