यूहन्‍ना 16:32 - नेवाः बाइबल

³² ई वइ, अले वये नं धुंकल, आः छिपिं फुक्‍कं जितः त्‍वःताः छ्यालब्‍याल जुयाः थथःगु थासय् वनी। थुकथं जि याकःचा जुइ, अय्‌नं जि याकःचा जुइ मखु, छाय्‌धाःसा जि नाप बाः दी।

यूहन्‍ना 16:32 ပူးပေါင်းရင်းမြစ်များ

जकरिया 13:7

“दक्‍व शक्ति दुम्‍ह परमप्रभुं धयादी, हे तरवार, दनाः जिम्‍ह फैजवाःयात हमला या, जिनापं दनाच्‍वनीम्‍ह मनूयात हमला या। वयात स्‍या, अले फैत उखेलाः थुखेलाः जुइ। अले जिं थःगु ल्‍हाः चीधिकःपिं भ्‍याचातय्‌गु विरोधय् ल्‍ह्वने।”

मत्ती 26:31

अले येशूं इमित धयादिल – “थौं चान्‍हय् छिपिं फुक्‍कं जितः त्‍वःताः बिस्‍युं वनी। धर्मशास्‍त्रय् नं थथे च्‍वयातःगु दु – “‘जिं फैजवाःयात स्‍यानाबी, अले फैचात उखेलाः थुखेलाः जुइ।’

मत्ती 26:56

अगमवक्तातय्‌सं धर्मशास्‍त्रय् च्‍वया थकूगु पूवनेमा धकाः हे थथे जूगु खः।” अले चेलात फुक्‍कं वय्‌कःयात त्‍वःताः उखेलाः थुखेलाः मदय्‌क बिस्‍युं वन।

मर्कूस 14:27

येशूं इमित धयादिल – “छिपिं फुक्‍कं जितः त्‍वःताः बिस्‍युं वनी। धर्मशास्‍त्रय् नं थथे च्‍वयातःगु दु – “‘जिगु ज्‍या याइम्‍ह फैजवाःयात हमला या, वयात स्‍या। अले फैत उखेलाः थुखेलाः जुइ।’

मर्कूस 14:50

अले चेलात फुक्‍क उखेलाः थुखेलाः मदय्‌क बिस्‍युं वन।

यूहन्‍ना 12:23

अले वय्‌कलं इमित लिसः बियादिल – “मनूया काय्‌यात तःधंकीगु ई वल।

यूहन्‍ना 16:2

इमिसं छिमित धर्मशास्‍त्र स्‍यनीगु छेँनं पितिनाहइ। अले मनूतय्‌सं छिमित स्‍यानाः परमेश्‍वरयागु सेवा याना धकाः मतिइ तया जुइगु ई नं वइतिनि।

यूहन्‍ना 16:25

“थ्‍व खँ फुक्‍कं जिं छिमित चाःहिकाः मेकथं धयाच्‍वना। व ई नं वइ गुबलय् जिं छिमित बाःयागु खँ चाःहिकाः मकंसे ध्‍वाथुइक कनाबी।

यूहन्‍ना 16:31

वय्‌कलं लिसः बियादिल – “आः तिनि छिमिसं जितः विश्‍वास यानागु ला?

यूहन्‍ना 19:27

अले चेलायात नं वय्‌कलं धयादिल – “स्‍व, व छिमि मां खः!” अबलय् निसें व चेलां वय्‌कःया मांयात थःगु छेँय् यंकल।

यूहन्‍ना 20:10

अले चेलात थथःगु छेँय् लिहां वन।

यूहन्‍ना 4:21

वय्‌कलं वयात धयादिल – “मय्‌जु, विश्‍वास यानाः बांलाक न्‍यना का। ई वयाच्‍वंगु दु, गुबलय् छिमिसं परमेश्‍वर बाःयात आराधना यायेत न यरूशलेमय् न थ्‍व पहाडय् हे वनेमाली।

यूहन्‍ना 4:23

अय्‌नं ई वयाच्‍वंगु दु, व आः हे खः, बाःयात आराधना याइपिन्‍सं आत्‍मां व सत्‍यं याइ। वय्‌कःयात नं थुकथं आराधना याइपिं जक यः।

यूहन्‍ना 5:25

“जिं छिमित खःगु खँ धाये – ई वयाच्‍वंगु दु, अले व ई थ्‍व हे खः – सीपिन्‍संनापं परमेश्‍वरया काय्‌यागु सः ताइ, अले सुनां न्‍यनी, इपिं म्‍वाइ।

यूहन्‍ना 5:28

थ्‍व खँय् अजू चाये मते, सी धुंकूपिन्‍संनापं वय्‌कःयागु सः ताइगु ई वयाच्‍वंगु दु।

यूहन्‍ना 8:16

जिं न्‍याय या हे याःसां जिगु न्‍याय सत्‍यगु जुइ, छाय्‌धाःसा न्‍याय याइम्‍ह जि याकःचा जक मखु, जिनापं जितः छ्वयाहयादीम्‍ह बाः नं दी।

यूहन्‍ना 8:29

जितः छ्वयाहयादीम्‍ह जि नाप दी, जिं न्‍ह्याबलें वय्‌कःयात यःथें जक यानाजुयागुलिं वय्‌कलं जितः याकःचा त्‍वःतामदी।”

प्रेरित 21:6

थथे इपिं नाप बिदा जुयाः जिपिं लःजहाजय् च्‍वं वना। इपिं छेँय् तुं लिहां वन।

प्रेरित 8:1

थथे स्‍तिफनसयात स्‍याःगुलिइ शाऊलयागु नं ल्‍हाः दु। अबलय् हे यरूशलेमय् च्‍वंपिं विश्‍वासीतय्‌त फयां फये मफय्‌क दुःख जूवल। थथे दुःख जूगुलिं फये मफयाः फुक्‍क विश्‍वासीत यहूदिया व सामरिया न्‍यंक उखेंथुखें छ्यालब्‍याल जुयाः वन। प्रेरितत धाःसा गनं मवँसे यरूशलेमय् हे च्‍वनाच्‍वन।