यूहन्‍ना 16:30 - नेवाः बाइबल

³⁰ आः जिमिसं सिल, छिं फुक्‍कं स्‍यू, छिं मस्‍यूगु छुं हे मदु। जिमिसं न्‍यनेमाःगु छुं हे मन्‍त। थुकिं यानाः नं छितः परमेश्‍वरं छ्वयाहयादीम्‍ह खः धकाः जिमिसं विश्‍वास याना।”

यूहन्‍ना 16:30 ပူးပေါင်းရင်းမြစ်များ

१ राजा 17:24

अले विधवा मिसां एलियायात धाल, “छि परमेश्‍वरया मनू खः, अले छिगु म्‍हुतुं पिहां वःगु परमप्रभुया वचन सत्‍य खः धकाः आः जिं सिल!”

यूहन्‍ना 16:17

वय्‌कःया चेलात मध्‍ये गुम्‍ह गुम्‍हय्‌सिनं थःथवय् थथे धकाः खँ ल्‍हात – “वय्‌कलं – ‘छुं ई लिपा छिमिसं जितः खनी मखुत,’ अले ‘छुं ई लिपा हे छिमिसं जितः हानं खनी,’ अले हानं – ‘जिमि बाःयाथाय् वनेत्‍यना’ धकाः छु धयादीगु?”

यूहन्‍ना 16:23

अबलय् छिमिसं जिके छुं हे न्‍यनी मखु। जिं छिमित खःगु खँ धाये – छिमिसं जिमि बाःयाके जिगु नामं न्‍ह्यागु फ्‍वंसां छिमित बियादी।

यूहन्‍ना 16:26

उबलय् छिमिसं थःपिन्‍सं हे जिगु नामं बाःयाके फ्‍वनी। छिमिगु निंतिं जिं बाःयाके फ्‍वना बी माली मखु।

यूहन्‍ना 16:31

वय्‌कलं लिसः बियादिल – “आः तिनि छिमिसं जितः विश्‍वास यानागु ला?

यूहन्‍ना 17:8

छिं जितः बियादीगु खँ जिं इमित बी धुन। अले इमिसं नं ग्रहण यात। जि छिथासं वयागु खः धकाः इमिसं बांलाक सीके धुंकल, अले छिं जितः छ्वयाहयादीगु खः धकाः नं इमिसं विश्‍वास यानाच्‍वंगु दु।

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 21:17

वय्‌कलं हानं स्‍वक्‍वः खुसि धयादिल – “यूहन्‍नाया काय् सिमोन, छं जितः माया याना ला?” “छं जितः माया याना ला” धकाः वय्‌कलं स्‍वकः तक न्‍यनादीगुलिं पत्रुसं नुगः मछिंकाः थथे धाल – “प्रभु, छिं फुक्‍कं स्‍यू, जिं छितः माया याः धकाः नं छिं स्‍यू।” अले वय्‌कलं धयादिल – “जिमि फैचातय्‌त ज्व।

यूहन्‍ना 5:20

बाःनं काय्‌यात माया यानादीगुलिं बाःनं यानादीगु फुक्‍कं काय्‌यात क्‍यनादी। थ्‍व स्‍वयाः नं तःधंगु ज्‍या बाःनं काय्‌यात क्‍यनादी, गुकिं यानाः छिपिं छक्‍क जुइ।

यूहन्‍ना 8:42

वय्‌कलं धयादिल – “परमेश्‍वर छिकपिनि बाः खः धयागु जूसा छिकपिन्‍सं जितः माया यानादी माःगु खः, छाय्‌धाःसा जितः वय्‌कलं छ्वया हयादीगुलिं जि वयाच्‍वनागु खः। जि थःगु हे इच्‍छां वयागु मखु, बरु वय्‌कलं हे जितः छ्वयाहयादीगु खः।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।