3 बाःयात व जितः म्हमस्यूगुलिं हे इमिसं थथे याइ।
“बाःनं हे फुक्क जिगु ल्हातय् तयादीगु खः। काय्यात सुनानं म्हमस्यू। बाःनं जक काय्यात म्हस्यू। अले बाःयात नं सुनानं म्हमस्यू, काय्नं जक स्यू। काय्नं म्हसीका बीपिन्सं जक बाःयात म्हसी।”
थुकथं जिगु नामं इमिसं छिमित सास्ती याइ। जितः छ्वया हःम्हय्सित म्हमस्यूगुलिं इमिसं थथे याना जूगु खः।
सुनां जितः हेला याइ वं जिमि बाःयात नं हेला याइ।
“सत्यम्ह बाः, संसारं छितः म्हसीके मफुनि। तर जिं छितः म्हस्यू। छिं हे जितः छ्वयाहयादीगु खः धकाः थुमिसं स्यू।
छि छम्ह हे जक सत्य परमेश्वरयात व छिं छ्वयाहयादीम्ह येशू ख्रीष्टयात म्हसीकेगु हे अनन्त जीवन खः।
अय्जूगुलिं इमिसं वय्कःयात थथे धाल – “छिमि बाः गन दु लय्?” वय्कलं लिसः बियादिल – “छिकपिन्सं न जितः म्हस्यू, न जिमि बाःयात म्हस्यू। छिकपिन्सं जितः म्हस्यूगु जूसा जिमि बाःयात नं म्हसी।”
वय्कःयात छिकपिन्सं म्हमस्यूनि, जिं धाःसा म्हस्यू। जिं वय्कःयात म्हमस्यू धकाः धाल धाःसा जि नं छिकपिं थें तुं मखुगु खँ ल्हाइम्ह जुइ। जिं वय्कःयात म्हस्यूगुलिं वय्कःयागु वचन मानय् यानाच्वना।
“न्ह्यागु हे जूसां दाजुकिजापिं, छिकपिन्सं व छिकपिनि शासकतय्सं मसीकं थथे यानादीगु खः धकाः जिं स्यू।
थ्व संसारया जुजुपिं छम्हय्सिनं हे थ्व ज्ञान मथू। इमिसं थ्व ज्ञान थूगु जूसा दकलय् तःधंम्ह प्रभुयात क्रूसय् नकिं तानाः स्याइ मखुगु।
वय्कलं च्यानाच्वंगु मित्याः ज्वना झायाः परमेश्वरयात म्हमस्यूपिन्त व झी प्रभु येशू ख्रीष्टयागु भिंगु खँ मन्यंपिन्त सजाँय बियादी।
न्हापा जिं प्रभुयात विश्वास मयानानिबलय् निन्दा यायेगु, वय्कःयात विश्वास याइपिन्त लिइगु व वय्कःयात क्वह्यंका जुइगु याना, तर जिं थुपिं मसीकं व अविश्वासय् यानागुलिं परमेश्वरं जितः दया यानादिल।
परमेश्वरया काय्यात मानय् मयाइम्ह मनुखं परमेश्वर बाःयात नं मानय् याइ मखु। अले वय्कःया काय्यात मानय् याइम्ह मनुखं परमेश्वर बाःयात नं मानय् याइ।
स्व, परमेश्वर बाःनं झीत गुलि माया यानादीगु दु। उकिं हे झीत परमेश्वरया सन्तान धकाः धाःगु खः, धात्थें खः नं खः। अय्जूगुलिं हे थ्व संसारयापिं मनूतय्सं झीत म्हमस्यूगु, छाय्धाःसा इमिसं वय्कःयात म्हमस्यू।
परमेश्वर प्रेम खः, उकिं माया याये मसःम्ह मनुखं वय्कःयात म्हसी मखु।
परमेश्वरया काय् झायाः झीत धात्थेंयाम्ह परमेश्वर म्हसीकादिल। थ्व खँ झीसं स्यू। धात्थेंयाम्ह परमेश्वरया काय् येशू ख्रीष्टनाप झीगु जीवन नं प्यपुनाच्वंगु दु। थ्व हे सत्य परमेश्वर खः, अले हानं थ्व हे परमेश्वर अनन्त जीवन नं खः।
