यूहन्‍ना 16:17 - नेवाः बाइबल

¹⁷ वय्‌कःया चेलात मध्‍ये गुम्‍ह गुम्‍हय्‌सिनं थःथवय् थथे धकाः खँ ल्‍हात – “वय्‌कलं – ‘छुं ई लिपा छिमिसं जितः खनी मखुत,’ अले ‘छुं ई लिपा हे छिमिसं जितः हानं खनी,’ अले हानं – ‘जिमि बाःयाथाय् वनेत्‍यना’ धकाः छु धयादीगु?”

यूहन्‍ना 16:17 ပူးပေါင်းရင်းမြစ်များ

यूहन्‍ना 16:16

“छुं ई लिपा छिमिसं जितः खनी मखु, अले छुं ई लिपा हे छिमिसं जितः हानं खनी।”

यूहन्‍ना 16:5

“अय्‌नं आः जि जितः छ्वया हयादीम्‍हय्‌सिथाय् तुं वनेत्‍यनागु दु। जि वनेत्‍यना नं छिपिं सुनानं हे ‘गन वनेत्‍यना’ धकाः मन्‍यं।

मर्कूस 9:32

इमिसं धाःसा वय्‌कलं धयादीगु खँ बांलाक मथू, अय्‌सां न्‍यनेत ग्‍यात।

यूहन्‍ना 16:19

वय्‌कलं इमिसं छुं खँ न्‍यनेत्‍यंगु दु धकाः सीकाः थथे धयादिल – “छुं ई लिपा छिमिसं जितः खनी मखुत, अले छुं ई लिपा छिमिसं जितः हानं खनी धकाः जिं धयागु खँय् छिमि थःथवय् खँ ल्‍हाना च्‍वनागु ला?

यूहन्‍ना 14:5

थोमां वय्‌कःयात धाल – “प्रभु, छि गन झायादी त्‍यना धकाः हे जिमिसं मस्‍यू धाःसा गथे यानाः छि झाइगु लँपु सीके फइ?”

यूहन्‍ना 12:16

न्‍हापां ला वय्‌कःया चेलातय्‌संनापं थ्‍व खँ थुइके मफु। येशू सिनाः म्‍वानाः स्‍वर्गय् झाये धुंकाः तिनि इमिसं धर्मशास्‍त्रय् च्‍वयातःगु थ्‍व खँ व लसकुस याःगुया अर्थ थुल।

लूका 18:34

वय्‌कलं धयादीगु खँ इमिसं छुं हे थुइके मफुत। इमिगु नुगलय् छुं हे खँ दुहां वने मफुत। उकिं इमिसं वय्‌कःयागु खँ थुइके मफुत।

मर्कूस 9:10

थथे धयादीगुलिं इमिसं सुयातं मसीकुसे मनय् जक तया तल। अय्‌सां इमिसं सिनाः म्‍वायेगु धाःगु छु जुइ धकाः थःथवय् खँ ल्‍हानाच्‍वन।

यूहन्‍ना 16:1

“छिपिं स्‍यना मवनेमा धकाः जिं थथे धयागु खः।

यूहन्‍ना 14:22

यहूदां (इस्‍करियोत मखु) वय्‌कःयात धाल – “प्रभु, छु जुइत्‍यंगु दु धकाः छिं थःत संसारयात मखु, बरु जिमित जक म्‍हसीकादी धकाः धयादियागु?”

लूका 9:45

वय्‌कलं अथे धयादीगु इमिसं थुइके मफुत। थुइके मफयेमा धकाः हे थ्‍व खँ त्‍वपुयातःगु खः। अय्‌नं इमिसं वय्‌कःयाके थ्‍व खँ न्‍यनेत ग्‍यात।

यूहन्‍ना 16:18

इमिसं धाल – “वय्‌कलं – ‘छुं ई लिपा’ धकाः धयादीगु मतलब छु जुइ? वय्‌कलं छु धयादीगु खः झीसं छुं हे ध्‍वाथुइके मफुत।”