यूहन्‍ना 15:7 - नेवाः बाइबल

⁷ छिपिं जिके च्‍वनाच्‍वन धाःसा व जिगु वचनयात नुगलय् तया तल धाःसा छिमिसं न्‍ह्यागु फ्‍वंसां छिमित बी।

यूहन्‍ना 15:7 ပူးပေါင်းရင်းမြစ်များ

१ राजा 3:5

गिबोनय् परमप्रभु परमेश्‍वर चान्‍हय् म्‍हगसय् खनेदय्‌क झायाः वयात धयादिल, “छन्‍त छु माल? फ्‍वँ, व जिं बी। छन्‍त छु यः?”

अय्‍यूब 22:26

अले छितः दक्‍व शक्ति दुम्‍ह परमेश्‍वरपाखें सुख दइ। छिं थःगु मिखा परमेश्‍वरपाखे ल्‍ह्वनी।

अय्‍यूब 23:12

वय्‌कःया म्‍हुतुं पिहां वःगु आज्ञायात जिं ‘म्‍हां’ मधया। जिगु न्‍हियान्‍हिथंया नसा स्‍वयाः वय्‌कलं धयादीगु खँ जिं नुगलय् मुंकातःयागु दु।

भजनसंग्रहया सफू 119:11

छिगु विरोधय् पाप याये म्‍वालेमा धकाः छिगु बचं जिं थःगु नुगलय् तया तयागु दु।

भजनसंग्रहया सफू 37:4

परमप्रभुनापं लय्‌ताया च्‍वँ! परमप्रभुं छं मनंतुंगु पूवंकादी।

हितोपदेश 10:24

धर्मीतय्‌सं मनंतुंगु खँ पूवनी, दुष्‍टत छु खँय् ग्‍याइगु खः, व हे इमित जुइ।

हितोपदेश 4:4

जिमि बौनं जितः थथे धकाः स्‍यनादिल, “जिं धयागु खँ लुमंका ति, गुबलें ल्‍वःमंके मते। जिं धया थें या। छन्‍त जीवन दइ।

यशैया 58:8

अले छिमिगु जः सुथय्‌सियागु थें पिहां वइ, अले छिपिं याकनं हे लनावनी। अनंलि छिमिगु धार्मिकता छिमिगु न्‍ह्यः न्‍ह्यः वनी, अले परमप्रभुया महिमा धाःसा छिमित रक्षा यायेत ल्‍यूल्‍यू वइ।

यर्मिया 15:16

छिगु वचन वःबलय् जिं उपिं वचन नया। छिगु वचनं यानाः जितः न्‍ह्यइपुल, अले जिगु नुगलय् लसतां भय्‌बिल। हे दक्‍व शक्ति दुम्‍ह परमप्रभु परमेश्‍वर, मनूतय्‌सं जितः छिकपिनि मनू धाइगु।

मत्ती 7:7

“फ्‍वँ, अले छिमित बी, माला स्‍व, अले छिमिसं लुइके फइ, सः ब्‍यु, अले लुखा चाय्‌काबी।

यूहन्‍ना 14:13

जिगु नामय् छिमिसं न्‍ह्यागु फ्‍वंसां जिं छिमित बी। थुकथं काय्‌नं यानाः बाः तःधनी।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 16:23

अबलय् छिमिसं जिके छुं हे न्‍यनी मखु। जिं छिमित खःगु खँ धाये – छिमिसं जिमि बाःयाके जिगु नामं न्‍ह्यागु फ्‍वंसां छिमित बियादी।

यूहन्‍ना 8:31

येशूं थःत विश्‍वास याःपिं यहूदीतय्‌त धयादिल – “जिं धया थें छिपिं च्‍वंसा छिपिं धात्‍थें जिम्‍ह चेला जुइ।

यूहन्‍ना 8:37

छिकपिं अब्राहामया सन्‍तान खः धकाः जिं स्‍यू। अय्‌नं जिं धयागु खँ छिकपिनिगु मनय् दुहां मवंगुलिं छिकपिन्‍सं जितः स्‍यायेत स्‍वःगु खः।

गलाती 4:2

अबुम्‍हय्‌सिनं मधातले इपिं इमित सुसाःकुसाः यायेत तयातःम्‍हय्‌सिनं धाःथें च्‍वनेमाः।

गलाती 5:16

पवित्र आत्‍मां धाःथें याना जूसा छिमिसं थः यःथें यानाजुइगु त्‍वःते फइ।

व्‍यवस्‍था 6:6

जिं थौं छिमित बीत्‍यनागु आज्ञा छिमिगु नुगलय् दया हे च्‍वनेमाः।

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

१ यूहन्‍ना 2:14

मस्‍तय्‌सं नं झी परमेश्‍वर बाःयात म्‍हस्‍यूगुलिं छिमित नं जिं थ्‍व खँ च्‍वयाच्‍वनागु खः। बौपिन्‍सं न्‍हापांनिसें दुम्‍ह परमेश्‍वर बाःयात म्‍हस्‍यूगुलिं जिं थ्‍व खँ च्‍वयाच्‍वना। बल्‍लाःपिं ल्‍याय्‌म्‍ह व ल्‍यासेपिं, छिमिगु नुगः परमेश्‍वरयागु वचनं जायाच्‍वंगु दु। उकिं छिमिसं शैतानयात त्‍याके फत। उकिं जिं छिमित नं च्‍वयाच्‍वनागु दु।

१ यूहन्‍ना 2:27

अय्‌नं ख्रीष्‍टं छिमिगु नुगलय् पवित्र आत्‍मायात तयादीगु दु, उकिं सुनानं छिमित स्‍यने माःगु मदु। पवित्र आत्‍मां छिमित फुक्‍कं स्‍यनादी। वय्‌कः सत्‍य खः, गुबलें मखुगु खँ ल्‍हानादी मखु। पवित्र आत्‍मां गथे स्‍यनादिल, अथे हे यानाः छिपिं ख्रीष्‍टनाप च्‍वनाच्‍वँ।

१ यूहन्‍ना 3:22

वय्‌कलं धयादीगु मानय् जुयाः वय्‌कःयात यःयःगु जक याना जूसा वय्‌कःयाके न्‍ह्यागु फ्‍वंसां झीत बियादी।

१ यूहन्‍ना 5:14

वय्‌कःया इच्‍छा कथं झीसं न्‍ह्यागु फ्‍वंसां वय्‌कलं बियादी धकाः झीसं स्‍यू। उकिं झीपिं वय्‌कःया न्‍ह्यःने वनेत ग्‍याये माःगु मदु।