यूहन्‍ना 15:4 - नेवाः बाइबल

⁴ छिपिं जिके च्‍वनाच्‍वँ, जि नं छिमिके च्‍वने। गथे कचां दाखमाय् मच्‍वंकं दाख सय्‌के फइ मखु, अथे हे छिपिं नं जिके च्‍वना मच्‍वंसा फल सय्‌के फइ मखु।

यूहन्‍ना 15:4 ပူးပေါင်းရင်းမြစ်များ

श्रेष्‍ठगीत 8:5

थः प्रियनापं प्‍यपुनाः मरूभूमिपाखें वःम्‍ह व सु खः? स्‍याउमाया तलय् जिं छन्‍त थनाः, अन हे छिमि मांनं छन्‍त प्‍वाथय् दय्‌कूगु खः, अन हे छिमि मांया मचाबू ब्‍यथा जुल अले छन्‍त बुइकल।

होशे 14:8

अय् एफ्राइमया मनूत, मूर्तितनापं जिगु छुं हे ज्‍या मदु। जिं छिमिगु प्रार्थनाया लिसः बी अले छिमिगु सुसाःकुसाः याये। जि न्‍ह्याबलें वाउँसे च्‍वनीगु सल्‍लाया सिमा थें खः। जि हे छिमिगु आशिषया मूल खः।”

मत्ती 12:33

“भिंगु सिमाय् जक भिंगु फल सइ। मभिंगु सिमाय् मभिंगु हे फल सइ। थुकथं सिमाय् सःगु फल स्‍वयाः सिमा भिं मभिं सीके फइ।

लूका 8:15

अले भिंगु चा दुथाय् लाःगु पुसा इपिं खः – सुनां परमेश्‍वरयागु वचन भिंगु मतिं न्‍यनाः नुगलय् दुने थ्‍यंक स्‍वथना तइ। अले थुमिसं क्‍वात्तुक विश्‍वास यानाः फल सय्‌की।”

यूहन्‍ना 14:20

उबलय् हे जक जि बाःयाके, छिपिं जिके, अले जि छिमिके दु धकाः छिमिसं सी।

यूहन्‍ना 17:23

छि जिके, अले जि इमिके दुगुलिं इपिं नं फुक्‍क छप्‍पँ जुइमा। थुकिं यानाः संसारं छिं जितः छ्वयाहयादीगु खः धकाः सी, अले जितः थें इमित नं छिं माया यानादी धकाः नं सी।”

यूहन्‍ना 6:56

सुनां जिगु म्‍ह नइ अले हि त्‍वनी, व मनू जिके दइ, अले जि वयाके दइ।

यूहन्‍ना 8:31

येशूं थःत विश्‍वास याःपिं यहूदीतय्‌त धयादिल – “जिं धया थें छिपिं च्‍वंसा छिपिं धात्‍थें जिम्‍ह चेला जुइ।

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

२ कोरिन्‍थी 13:5

छिमिगु विश्‍वास गुलि बल्‍लाः धकाः स्‍वयेत छिमिसं थःम्‍हं थःत हे जाँचय् यानाः स्‍व। जाँचय् ताःलाःसा ख्रीष्‍ट छिपिंनाप दी धकाः छिमिसं सीमाःगु खः।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

एफिसी 3:17

उकिं विश्‍वासं यानाः ख्रीष्‍ट छिमिगु नुगलय् च्‍वनादी। छिमिगु नुगलय् मायां हा काय् फयेमा, अले छिपिं मायायागु लिधंसाय् च्‍वने फयेमा धकाः जिं प्रार्थना यानाच्‍वनागु दु।

फिलिप्‍पी 1:11

अले परमेश्‍वरया महिमा व प्रशंसाया निंतिं येशू ख्रीष्‍टपाखें वइगु धार्मिकताया फलं छिपिं जाइ।

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

कलस्‍सी 1:27

थथे व गुप्‍ति खँ मनूतय्‌त ध्‍वाथुइकादीगु परमेश्‍वरया ग्‍वसाः खः। अले गुप्‍ति खँ थ्‍व हे खः – “ख्रीष्‍ट छिपिं यहूदीमखुपिन्‍के नं दी। अले परमेश्‍वरलिसे छिपिं नं तःधनी।”

कलस्‍सी 2:6

गथे ख्रीष्‍ट येशूयात छिमिसं “प्रभु” धकाः मानय् यात, अथे हे वय्‌कलं धयादी थें याना च्‍वँ।

१ थेसलोनिकी 3:5

अय्‌जूगुलिं हे जिं थःत पी मफयाः शैतानं छिमित पापय् लाकाः जिमिगु ज्‍या सितिं वन ला धकाः ग्‍यानाः तिमोथीयात छिमिथाय् स्‍वके छ्वयाहयागु खः।

हिब्रू 10:39

झीपिं अथे विश्‍वासं लिचिलाः स्‍यना वनीपिं मनूत मखु, बरु विश्‍वासं म्‍वाका तःपिं खः।

१ यूहन्‍ना 2:6

परमेश्‍वरया मनू खः धकाः धया जुइम्‍ह मनुखं येशू ख्रीष्‍ट थें जुइ फय्‌केमाः।

२ यूहन्‍ना 1:9

सुनानं येशू ख्रीष्‍टं स्‍यनादीगु खँ मानय् मयासें मेमेगु हे याना जुल धाःसा अज्‍याःम्‍ह मनू नाप परमेश्‍वर च्‍वनादी मखु। तर येशू ख्रीष्‍टं स्‍यनादीगु खँ मानय् याना जूपिं नाप परमेश्‍वर व वय्‌कःया काय् येशू ख्रीष्‍ट निम्‍हं च्‍वनादी।