यूहन्‍ना 15:25 - नेवाः बाइबल

²⁵ व्‍यवस्‍थाय् थथे च्‍वयातःगु खँ पूवंकेत हे थथे जूगु खः – ‘छुं म्‍वाय्‌क हे इमिसं जितः हेला यात।’

यूहन्‍ना 15:25 ပူးပေါင်းရင်းမြစ်များ

भजनसंग्रहया सफू 109:3

इमिसं जिगु बारे मभिंगु खँ ल्‍हाइगु। म्‍वाय्‌कं म्‍वाय्‌कं जिलिसे ल्‍वाःवइगु।

भजनसंग्रहया सफू 35:19

जिमि शत्रुतय्‌त जि बूगुलिइ लय्‌ताय्‌के बियादी मते। म्‍वाय्‌कं म्‍वाय्‌कं जितः महीपिं मनूतय्‌त जिगु दुःखय् लाय्‌बुइके बियादी मते।

भजनसंग्रहया सफू 69:4

जितः म्‍वाय्‌कं म्‍वाय्‌कं मयय्‌काच्‍वंपिं जिगु छेनय् च्‍वंगु सँ स्‍वयाः अप्‍वः दु। इमिसं मखुगु मखुगु द्वपं बियाः जितः स्‍यंकेत स्‍वयाच्‍वंगु दु। जिं का हे मकयागु नं लित हिँ धकाः जिलिसें ल्‍वापु थःवयाच्‍वन।

भजनसंग्रहया सफू 7:4

थः पासायात जिं मभिं यानागु दुसा, छुं म्‍वायेक जिं थः विरोधीतय्‌त हय्‌कयागु दुसा, जिं थज्‍याःगु छुं यानागु दुसा

मत्ती 10:8

उसाँय् मदुपिन्‍त लाय्‌कि, सीपिन्‍त म्‍वाकी, कोह्रितय्‌त लाय्‌कि, अले भूत पितिनाछ्व। थ्‍व शक्ति छिमित सितिं दुगुलिं छिमिसं नं सितिं हे या।

लूका 24:44

अले वय्‌कलं इमित धयादिल – “जिं छिपिंनाप दुबलय् जिगु बारे धर्मशास्‍त्रय् अर्थात मोशाया व्‍यवस्‍था, अगमवक्ता व भजनया सफुलिइ च्‍वयातःगु फुक्‍क खँ पूवनेमाः धकाः न्‍हापा हे धयागु खः।”

यूहन्‍ना 10:34

वय्‌कलं लिसः बियादिल – “छिकपिनिगु व्‍यवस्‍थाय् नं थथे च्‍वयातःगु, मदु ला– ‘परमेश्‍वरं धयादिल – “छिपिं फुक्‍कं द्यः खः?”’

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 19:36

धर्मशास्‍त्रय् च्‍वयातःगु थ्‍व खँ पूवनेमा धकाः थथे जूगु खः – “वय्‌कःयागु क्‍वँय् छकुचा हे नं त्‍वधुली मखु।”

रोमी 3:19

आः झीसं थ्‍व खँ सिल, व्‍यवस्‍थाय् च्‍वया तक्‍व फुक्‍कं व्‍यवस्‍था पालन याःम्‍हय्‌सित जक धयातःगु खः। अय्‌जूगुलिं सुनानं छुं धाय्‌थाय् मदु। जिं हानं धाये – संसारयापिं फुक्‍क मनूत परमेश्‍वरया न्‍ह्यःने दोषी ठहरय् जुइ धुंकल।

रोमी 3:24

अय्‌नं परमेश्‍वर दयादुम्‍ह जूगुलिं वय्‌कलं ख्रीष्‍टयात छ्वयाहयाः झीत सितिकं धर्मी यानादिल।

२ कोरिन्‍थी 11:7

परमेश्‍वरयागु भिंगु खँ न्‍यंकः वयाबलय् जिं छिमिके छुं नं कयागु मदु। छिमित तःधं यायेत जि चिधं जुया बिया। छु जिं द्वंकागु जुल ला?

गलाती 2:21

परमेश्‍वरयागु दया माया जिं सितिं छ्वये मखु। व्‍यवस्‍था मानय् यानाः मनूत धर्मी ठहरय् जुइगु जूसा ख्रीष्‍ट सिनादीगु सितिं वन।

२ थेसलोनिकी 3:8

जिमिसं सुयाकें सितिं कयाः नयागु मदु, बरु छिमित थाकु मजुइमा धकाः जिमिसं चां न्‍हिं सिनाः सिनाः ज्‍या याना।

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।