यूहन्‍ना 15:2 - नेवाः बाइबल

² जिके च्‍वंगु दाख मसःगु कचायात बाःनं ध्‍यनाः छ्वइ। अले सयाच्‍वंगु कचायात अझ यक्‍व सयेमा धकाः न्‍हायादी।

यूहन्‍ना 15:2 ပူးပေါင်းရင်းမြစ်များ

अय्‍यूब 17:9

थ्‍व फुक्‍क जूसां तबि धर्मी मनूत थःगु लँय् वना हे च्‍वनी, अले सुयागु ल्‍हाः शुद्ध जू, व बल्‍लानावनी।

भजनसंग्रहया सफू 92:14

इपिं न्‍ह्याबलें वाउँसे च्‍वनी अले बल्‍लाना च्‍वनी। इमिसं बुरा जुयाः नं फल बी।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

यशैया 27:9

थुकिं याकूबया अर्धम्‍हयात पुइकायंकी, वय्‌कलं इमिगु पाप चिकाः छ्‌इबलय् थ्‍व लिच्‍वः जुइ– इमिसं वेदीया फुक्‍क ल्‍वहंत भ्‍वसाभ्‍वसा वंगु तुयुगु ल्‍वहं थें चुंचुं याइबलय् अशेरा द्यःमय्‌जुया थां व धुपाँय् च्‍याकीगु वेदीत हाकनं थनी मखु।

यशैया 29:19

क्‍वमिलुपिन्‍सं हाकनं परमप्रभुयाके लसता हनी, अले मगाःमचाःपिन्‍सं परमप्रभु इस्राएलया पवित्र परमेश्‍वरयाके हे लय्‌तायाच्‍वनी।

दानिएल 11:35

अन्‍तया ई तक शुद्ध जुइमा, यचुसे च्‍वनेमा अले ख्‍वं मदुपिं जुइमा धकाः छुं बुद्धि दुपिं नायःतय्‌सं दुःख सी। परमेश्‍वरं क्‍वःछिनादीगु अन्‍तया ई मवतले थुपिं खँ जुया हे च्‍वनी।

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

मलाकी 3:3

वय्‌कः वहः शुद्ध याइम्‍ह थें च्‍वनादी। वय्‌कलं लेवीतय्‌त शुद्ध यानादी, अले लुँ व वहःयात थें यचुकादी। अले परमप्रभुयाथाय् पाय्‌छिगु देछा हइपिं मनूत दइ।

मत्ती 13:12

दुम्‍हय्‌सित अज्‍जं तनाबी, अले वयाके झन यक्‍व दइ। मदुम्‍हय्‌सिके दुगु नं लाका काइ।

मत्ती 13:33

वय्‌कलं इमित हानं मेगु उखान छुनादिल – “स्‍वर्गयागु राज्‍य थथे च्‍वं – छम्‍ह मिसां सोडा कयाः स्‍वफा छ्वचुंलय् ल्‍वाकछ्यानाः फुक्‍क थासय् मन्‍यंतले न्‍हायाच्‍वन। अले छ्वचुं फुक्‍कं फ्‍वंगाना वल।”

मत्ती 15:13

वय्‌कलं धयादिल – “स्‍वर्गय् च्‍वनादीम्‍ह जिमि बाःनं पिना मदीगु फुक्‍क मायात लिनाछ्वयादी।

मत्ती 21:19

लँ सिथय्‌सं यःमरिमायात खनाः वय्‌कः सिमा लिक्‍क झाल। हः सिबय् मेगु छुं हे मदुगुलिं वय्‌कलं व सिमायात थथे धयादिल – “आवंलि छंके गुबलें हे फल धयागु मसयेमा।” अबलय् हे व सिमा गना वन।

मत्ती 25:29

दुम्‍हय्‌सित अज्‍जं तनाबी, अले वयाके झन यक्‍व दइ। मदुम्‍हय्‌सिके दुगु नं लाका काइ।

मत्ती 3:10

सिमायागु हाप्‍वलय् पा लाये हे त्‍यंगु दु। उकिं भिंगु फल मसःगु सिमा पालाः छ्वय्‌काछ्वइ।

मत्ती 3:12

वय्‌कलं ल्‍हातिइ हासा ज्‍वना तयादीगु दु। वय्‌कलं फुक्‍क छ्व हायाः थःगु धुकुतिइ स्‍वथनादी। अले छ्वस जुक्‍व गुबलें मसीगु मिइ छ्वय्‌कादी।”

मत्ती 7:19

अय्‌जूगुलिं भिंगु फल मसःगु सिमायात पालाः छ्वय्‌काछ्वइ।

मर्कूस 4:20

गुलिं मनूत भिंगु चाय् लाःगु पुसा थें खः। इमिसं वचन नं न्‍यनी, अले मानय् नं याइ। इमिसं स्‍विदुगं, खुइदुगं, व सछिदुगं अप्‍वः अन्‍न सय्‌की।”

लूका 8:13

ल्‍वहं दुथाय् लाःगु पुसा परमेश्‍वरयागु वचन न्‍यनाः लय्‌लय्‌तायाः विश्‍वास याइपिं मनूत खः। अय्‌नं वचन इमिगु दुनुगलय् थ्‍यंक दुहां मवंगुलिं इमिसं छुं ई तक जक विश्‍वास याइ। दुःखकष्‍ट वयेवं इमिसं विश्‍वास यायेगु त्‍वःताछ्वइ।

यूहन्‍ना 15:1

“धात्‍थेंयागु दाखमा जि हे खः, अले दाखमायात स्‍वइम्‍ह जिमि बाः खः।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 15:3

जिगु वचनं यानाः छिपिं न्‍हापा हे शुद्ध जुइ धुंकल।

यूहन्‍ना 15:6

जिके मच्‍वनीम्‍ह मनूयात त्‍वधूगु कचायात थें वांछ्वइ, अले व गनावनी। वयात मुंकाः मिइ तयाः च्‍याकाछ्वइ।

यूहन्‍ना 15:8

छिमिसं यक्‍व फल सय्‌कल धाःसा उकिं हे जिमि बाः तःधनी। अले छिपिं जिमि चेलात जुइ।

यूहन्‍ना 17:12

संसारय् इपिं नाप च्‍वंतले जिं छिगु नामय् इमित बचय् याना तया। छिं जितः बियादीपिं सुं नं जिं तंकागु मदु। अय्‌नं धर्मशास्‍त्रय् च्‍वया तः थें नाश जुइमाःम्‍ह छम्‍ह जक नाश जुयावन, मेपिं सुं नं नाश मजू।

रोमी 11:17

अथे हे गुलि कचात त्‍वधुला वं थें यहूदीत नं गुम्‍हं गुम्‍हं परमेश्‍वरयात त्‍वःताः वन। छिपिं यहूदीमखुपिं धाःसा जंगली जैतूनमा लिसे कचा स्‍वाःथें स्‍वाये धुंकल। उकिं जैतूनमायागु हा व रस छिमिसं नं काये खन।

रोमी 11:22

थुकथं यानादीम्‍ह परमेश्‍वर दया माया यानादीम्‍ह नं खः, अले सजाँय बियादीम्‍ह नं खः। स्‍यना वंपिन्‍त वय्‌कलं सजाँय बियादी, छिमित धाःसा दया माया यानादी। छिमिसं नं वय्‌कःयागु दया माया मयय्‌काः मच्‍वँसे वास्‍ता मयाःसा छिमित नं ध्‍यनाः छ्वइ।

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

१ कोरिन्‍थी 13:1

मनूतय्‌गु थीथी भाषां व स्‍वर्गदूततय्‌गु भाषां हे नवाये सःसां जिं कर्पिन्‍त माया मयात धाःसा जिं अथे नवाःगु खँ भुस्‍याः व गं थाःगु थें जक जुइ।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 12:15

होश या, सुनानं परमेश्‍वरयागु दया माया काये मखंकाः च्‍वने म्‍वाःलेमा। मखुसा, बिख मां नुगलय् हा कयाः छिमित स्‍यंकाबी।

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।

प्रकाश 3:19

जिं माया यानापिन्‍त कजय् नं याये, ब्‍वः नं बी, उकिं जिगु वचन बांलाक मानय् यायेमाः व पश्‍चाताप नं यायेमाः।