यूहन्‍ना 15:18 - नेवाः बाइबल

¹⁸ “संसारं छिमित हेला याइ, छिमित स्‍वयाः न्‍हापालाक जितः हेला याःगु खः धकाः सीकि।

यूहन्‍ना 15:18 ပူးပေါင်းရင်းမြစ်များ

१ राजा 22:8

इस्राएलयाम्‍ह जुजुं यहोशापातयात धाल, “परमप्रभुयाके न्‍यनेत मेम्‍ह छम्‍ह मनू ला दु, तर व जितः तसकं मयः, छाय्‌धाःसा वं जिगु बारे भिंगु अगमवाणी ल्‍हाइ मखु। वं मभिंगु खँ जक धाइगु। व यिम्‍लाया काय् मीकाया खः।” यहोशापातं लिसः बिल, “जुजुं थथे धाये मज्‍यू।”

हितोपदेश 29:27

धर्मी मनूतय्‌सं दुष्‍ट मनूतय्‌त यय्‌की मखु, दुष्‍ट मनूतय्‌सं धर्मी मनूतय्‌त यय्‌की मखु।

यशैया 49:7

शासकतय् दासयात, सुयात जाति जातितय्‌सं तसकं घृणा याइ, परमप्रभु, उद्धार यानादीम्‍ह व इस्राएलया पवित्र परमेश्‍वरं थथे धयादी, “जुजुतय्‌सं छन्‍त खनी अले इपिं छन्‍थाय् न्‍ह्यःने दं वइ। छन्‍त शासकतय्‌सं नं खनी अले छंगु न्‍ह्यःने भ्‍वसू वइ। छाय्‌धाःसा परमप्रभु विश्‍वास याये बहःम्‍ह इस्राएलया पवित्र परमेश्‍वरं छन्‍त ल्‍ययादीगु दु।”

यशैया 53:3

वयात मनूतय्‌सं हेला यानाः मयय्‌कल, व दुःखय् लाःम्‍ह मनू खः, वं दुःख बांलाक स्‍यू। व खनाः मनूतय्‌सं थःगु ख्‍वाः फहीकीगु। वयात हेला यात, झीसं वयात छुं मू वंम्‍ह मतायेका।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

जकरिया 11:8

जिं लच्‍छिया दुने स्‍वम्‍ह फैजवाःतय्‌त पितिनाछ्वया। अले उगु फैबथानं जितः मयय्‌कल। जितः इपिं खनाः वाक्‍क वल।

मत्ती 10:22

थथे जिगु नामं यानाः छिमित फुक्‍कसिनं हेला याइ। दकलय् लिपा तकं क्‍वात्तुक विश्‍वास यानाः सह यानाच्‍वंम्‍ह बचय् जुइ।

मत्ती 24:9

“उबलय् मनूतय्‌सं छिमित ज्‍वनाः सजाँय बीकी, अले छिमित स्‍यानाछ्वइ। थथे जिगु नामं यानाः छिमित सकसिनं हेला याइ।

मत्ती 5:11

“जितः विश्‍वास याःगुलिं छिमित मनूतय्‌सं मभिंका जुइ, हेस्‍याना जुइ, दुःखकष्‍ट बियाजुइ। अय्‌जूगुलिं छिपिं धन्‍यपिं खः।

मर्कूस 13:13

थथे जिगु नामं यानाः छिमित फुक्‍कसिनं हेला याइ। लिपा तकं क्‍वात्तुक विश्‍वास यानाः सह यानाच्‍वंम्‍ह धाःसा बचय् जुइ।”

लूका 6:22

मनूया काय् नाप जुयाः मनूतय्‌सं घृणा याकाजुइपिं धन्‍यपिं खः, अले पितिना तःपिं, मभिंका तःपिं व दुष्‍ट धाय्‌का च्‍वनेमाःपिं धन्‍यपिं खः।”

यूहन्‍ना 16:1

“छिपिं स्‍यना मवनेमा धकाः जिं थथे धयागु खः।

यूहन्‍ना 16:33

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

यूहन्‍ना 3:20

दुष्‍ट ज्‍याखँ यानाजुइपिं मनूतय्‌सं जःयात हेला याइ, अले जलय् वइ मखु। जलय् वल कि इमिसं याना जूगु दुष्‍ट ज्‍याखँ खने दइ धकाः इपिं ग्‍याः।

यूहन्‍ना 7:7

संसारय् च्‍वंपिन्‍सं छिमित हेला याये फइ मखु। जिं संसारय् च्‍वंपिन्‍सं याना जूगु ज्‍याखँ मभिं धकाः धयागुलिं इमिसं जितः हेला याइ।

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।

१ यूहन्‍ना 3:1

स्‍व, परमेश्‍वर बाःनं झीत गुलि माया यानादीगु दु। उकिं हे झीत परमेश्‍वरया सन्‍तान धकाः धाःगु खः, धात्‍थें खः नं खः। अय्‌जूगुलिं हे थ्‍व संसारयापिं मनूतय्‌सं झीत म्‍हमस्‍यूगु, छाय्‌धाःसा इमिसं वय्‌कःयात म्‍हमस्‍यू।

१ यूहन्‍ना 3:13

यःपिं दाजुकिजापिं, उकिं थ्‍व संसारयापिं मनूतय्‌सं छिमित हेला यात धकाः छिपिं अजू चायेमाःगु मदु।

१ यूहन्‍ना 3:3

थथे ख्रीष्‍टयाके आशा यानाच्‍वंपिं वय्‌कः थें पवित्र जुयाः च्‍वनेमाः।