यूहन्‍ना 15:16 - नेवाः बाइबल

¹⁶ छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 15:16 ပူးပေါင်းရင်းမြစ်များ

उत्‍पत्ति 18:18

अब्राहाम छगू तःधंगु व बल्‍लाःगु जाति जुइ। अले पृथ्‍वीया फुक्‍क जातिं वयापाखें हे आशिष काइ।

भजनसंग्रहया सफू 145:4

छगू पुस्‍तां मेगु पुस्‍तांलिसें छिगु ज्‍याया प्रशंसा याइ, इमिसं छिगु बल्‍लाःगु ज्‍याया बारे कनी।

भजनसंग्रहया सफू 71:18

हे परमेश्‍वर, आः जि बुरा जुइ धुन जिगु सँ तुयुसे च्‍वने धुंकल। अय्‌नं आःया न्‍हू पुस्‍तायापिं मनूतय्‌त जिं छिगु अजू चायापुगु ज्‍यायागु खँ मन्‍यंकुतले जितः त्‍वःतादी मते।

हितोपदेश 11:30

भिंगु ज्‍याया पुसा हे जीवनया सिमा जुइ, बुद्धिमान मनुखं मनूतय्‌गु नुगः त्‍याकी।

यशैया 27:6

आः वइगु दिनय् याकूबया सन्‍तान इस्राएलया मनूतय्‌सं हा कयाच्‍वनी। अले इस्राएल मुखू ह्वयावइ व फल सय्‌की अले फुक्‍क पृथ्‍वी फलं जाइ।

मीका 5:7

यक्‍व मनूतय्‌गु दथुइ याकूबया ल्‍यंदुपिं परमप्रभुं छ्वयाहयादीगु सुतिलः व घाँसय् द्यःने लाःगु लः थें जुइ। इमिसं सुयात नं पियाच्‍वनी मखु, वा न मनूतय्‌के भलसा तइ।

मत्ती 21:22

अले विश्‍वास यानाः प्रार्थनाय्‌ न्‍ह्यागु फ्‍वंसां छिमित दइ।”

मत्ती 7:7

“फ्‍वँ, अले छिमित बी, माला स्‍व, अले छिमिसं लुइके फइ, सः ब्‍यु, अले लुखा चाय्‌काबी।

लूका 6:13

कन्‍हय् खुन्‍हु सुथय् थः चेलातय्‌त सःताः इपिं मध्‍ये झिंनिम्‍हय्‌सित ल्‍ययादिल। अले इमित प्रेरितत धकाः नां छुनादिल।

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 15:19

छिपिं संसारयापिं मनूत जूगु जूसा संसारं छिमित थःपिं धकाः माया याइगु, तर जिं छिमित संसारं ल्‍यये धुनागुलिं छिपिं संसारयापिं मखुत, उकिं इमिसं छिमित यय्‌की मखु।

यूहन्‍ना 15:5

“जि दाखमा खः, अले छिपिं दाखमाय् च्‍वंगु कचा खः। सु जिके च्‍वनाच्‍वनी, अले जि वयाके च्‍वने, वं हे जक यक्‍व दाख सय्‌की। जिलिसें तापानाः छिमिसं छुं नं याये फइ मखु।

यूहन्‍ना 6:70

वय्‌कलं इमित धयादिल – “छिपिं झिंनिम्‍हय्‌सितं जिं हे ल्‍ययागु, मखु ला? अय्‌नं छिपिं मध्‍ये छम्‍ह शैतानयाम्‍ह दु।”

प्रेरित 1:24

अले इमिसं थथे प्रार्थना यात – “मनूतय्‌गु नुगलय् दुने च्‍वंगु खँ स्‍यूम्‍ह प्रभु, थुपिं निम्‍हय् गुम्‍हय्‌सित छिं ल्‍ययादिया, जिमित क्‍यनादिसँ।

प्रेरित 1:8

पवित्र आत्‍मां छिपिं जायेवं छिमिके शक्ति दइ। अले छिपिं यरूशलेमय्, यहूदियाय् व सामरियांनिसें सारा संसार न्‍यंक जिगु साक्षी जुइ।”

प्रेरित 10:41

वय्‌कः फुक्‍क मनूतय्‌थाय् झाया मदी। परमेश्‍वरं जिमित थुकियागु साक्षी बीत ल्‍यया तःगुलिं जिमिथाय् झाल। अले जिमिसं वय्‌कः नाप नयेत्‍वने याना।

प्रेरित 22:14

“अनं लिपा वं जितः धाल – ‘परमेश्‍वरयागु इच्‍छा सीकेत, अले वय्‌कःया धर्मीम्‍ह मनूयात स्‍वयेत व वय्‌कःयागु हे म्‍हुतुं खँ न्‍यनेत झी तापाःबाज्‍यापिनि परमेश्‍वरं छितः ल्‍ययादीगु दु।

प्रेरित 9:15

तर प्रभुं वयात धयादिल – “छ हुँ छाय्‌धाःसा यहूदीमखुपिन्‍त, जुजुपिन्‍त व इस्राएलीतय्‌त नं जिगु नां न्‍यंके छ्वयेत जिं थ्‍व मनूयात ल्‍ययागु दु।

रोमी 1:13

यःपिं दाजुकिजापिं, जि छिमिथाय् वयेत तःकः मछि हे कुतः याये धुन। छुं खं यानाः वये मफया च्‍वन। जि वयाः मेथाय् च्‍वंपिं यहूदीमखुपिन्‍त थें छिमिथाय् नं परमेश्‍वरयात म्‍हमस्‍यूपिं मनूतय्‌त वय्‌कःयात म्‍हसीका बी।

रोमी 1:5

वय्‌कःयागु नां दक्‍व जात जातिया मनूतय्‌त न्‍यंकाः विश्‍वास याःपिन्‍सं वय्‌कःयात मानय् यायेमाः धकाः धया बीत वय्‌कलं हे जिमित दया माया यानाः प्रेरित दय्‌कादिल।

रोमी 15:4

न्‍हापा न्‍हापा जूगु च्‍वयातःगु फुक्‍क खँ झीत स्‍यनेत खः। धर्मशास्‍त्रय् च्‍वयातःगुपाखें ग्‍वाहालि कयाः सह यानाच्‍वन धाःसा झीत आशा दइ।

रोमी 9:21

छु छम्‍ह कुमाःयात न्‍हायातःगु चां बुत्ता तयातःगु थल दय्‌केगु व बुत्ता तया मतःगु थल दय्‌केगु अधिकार मदु ला?

१ कोरिन्‍थी 10:11

इमित अथे जूगु खँ झीसं नं सीके फयेमा धकाः व झीत ख्‍याच्‍वः बीत नं च्‍वयातःगु खः। झीपिं च्‍वनाच्‍वनागु संसार आः फुना वनिन।

गलाती 1:15

अय्‌नं दया यानादीम्‍ह परमेश्‍वरं जि बु हे मबूनिबलय् निसें जितः ल्‍ययादिल। अले थथे वय्‌कःयागु ज्‍या याके छ्वयाहयादिल।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

कलस्‍सी 1:23

उकिं छिमिसं भिंगु खँयागु आशा मत्‍वःतुसे दुनुगलंनिसें क्‍वात्तुक विश्‍वास याना च्‍वँ। थ्‍व हे भिंगु खँ संसारय् च्‍वंपिं फुक्‍कसितं न्‍यंकूगु दु। थ्‍व ज्‍याय् प्रभुं जि पावलयात च्‍यः यानादीगु खः।

कलस्‍सी 1:6

गथे छिमिसं सत्‍य वचन व परमेश्‍वरयागु धात्‍थेंयागु दया मायायात बांलाक थुइका काल, अथे हे थ्‍व भिंगु खँ फुक्‍कभनं न्‍यनावनाच्‍वंगु दु। अले थुकिं इमिगु नुगलय् बांलाक ज्‍या यानाच्‍वंगु दु।

१ तिमोथी 2:7

थ्‍व हे ज्‍या यायेत जितः भिंगु खँ न्‍यंकः जुइम्‍ह व प्रेरित यानादिल। जिं धात्‍थेंगु खँ धयाच्‍वनागु खः, मखुगु खँ ल्‍हानागु मखु। यहूदीमखुपिन्‍त थ्‍व हे धात्‍थेंगु खँ कनाः विश्‍वास याकेत जितः गुरु ल्‍ययातःगु खः।

२ तिमोथी 1:11

थ्‍व हे भिगुं खँ न्‍यंकेत व स्‍यनेत जितः प्रेरित दय्‌कादीगु खः।

२ तिमोथी 2:2

यक्‍व मनूतय्‌गु न्‍ह्यःने जिं नवानागु खँ छं नं मेपिं स्‍यनेकने यायेफुपिं विश्‍वास याये बहःपिन्‍त स्‍यना ब्‍यु।

तीतस 1:5

आम्‍कन ल्‍यंदनिगु ज्‍या पूवंकेत व शहर पतिकं मण्‍डलीइ थकालिपिं ल्‍ययेत जिं छन्‍त क्रेटय् हे त्‍वःता थकागु खः।

हिब्रू 11:4

विश्‍वासं हे हाबिलं परमेश्‍वरयात कयिनयागु स्‍वयाः भिंगु बलि छाल। विश्‍वास यानाः हे व परमेश्‍वरया न्‍ह्यःने ठीक ठहरय् जुल। अले वं छाःगु नं परमेश्‍वरं यय्‌कादिल। विश्‍वास यानाः हे हाबिल सी धुंकूसां झीपिंलिसे नवानाच्‍वंगु दु।

याकूब 3:18

शान्‍ति बीम्‍हय्‌सिनं मिलय् यायेगु ज्‍यां भिंगु फल सय्‌की।

१ पत्रुस 3:15

दुनुगलंनिसें ख्रीष्‍टयात छिमिसं “प्रभु” धकाः मानय् याना च्‍वँ। छिमिसं याना जूगु आशायागु खँ सुनानं न्‍यं वल धाःसा छिपिं लिसः बीत न्‍ह्याबलें न्‍ह्यचिला च्‍वँ।

१ पत्रुस 3:2

अले इमिसं छिमिगु भिंगु चालचलन व परमेश्‍वरयात भरोसा तयाच्‍वंगु खनाः हे छिपिं भिंपिं खः धकाः सीकी।

१ यूहन्‍ना 4:10

झीसं परमेश्‍वरयात माया यानागु मखु, बरु वय्‌कलं हे झीत माया यानादीगुलिं झीगु पाप क्षमा यानाबीत थः हे काय्‌यात बलिदान यायेत छ्वयाहयादिल – माया धयागु थ्‍व हे खः।

१ यूहन्‍ना 4:19

परमेश्‍वरं झीत न्‍हापालाक माया यानादीगुलिं झीसं नं वय्‌कःयात माया यानागु खः।