यूहन्‍ना 15:14 - नेवाः बाइबल

¹⁴ जिगु आज्ञा मानय् याःसा छिपिं धात्‍थें हे जिमि पासापिं खत।

यूहन्‍ना 15:14 ပူးပေါင်းရင်းမြစ်များ

१ राजा 4:5

नातानया काय् अजर्याह – जिल्‍लायापिं बडा-हाकिमतय् हाकिम। नातानया काय् जाबूद – पुजाहारी व जुजुयात सल्‍लाह बीम्‍ह।

२ राजा 18:6

व परमप्रभुया भक्त जुया हे च्‍वन। वय्‌कःनापं जुइगु त्‍वःमतू। वं परमप्रभुं मोशायात बियादीगु फुक्‍क उजं पालन यात।

२ इतिहास 20:7

हे जिमि परमेश्‍वर, छिकपिनि थः जाति इस्राएलया न्‍ह्यःने छु छिं थ्‍व देशयापिं मनूतय्‌त पितिना थुकियात छिकपिनि पासा अब्राहामया सन्‍तानतय्‌त न्‍ह्याबलेंया लागि बियादियागु मखु ला?

प्रस्‍थान 7:6

अले मोशा व हारूनं परमप्रभुं उजं बियादी थें हे यात।

हितोपदेश 18:24

गुलिं गुलिं पासापिं स्‍यंकाबीपिं नं दु। गुलिं पासापिं धाःसा दाजुकिजा स्‍वयाः नं स्‍याःन्‍याःपिं जुइ।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

यशैया 41:8

“तर छ! हे इस्राएल, जिमि दास, याकूब, सुयात जिं ल्‍ययागु दु। जिमि पासा अब्राहामया वंश,

यर्मिया 32:23

तर इपिं वयाः थ्‍व देश त्‍याकाकाये धुंकाः इमिसं छिगु आज्ञा पालन मयात, छिगु व्‍यवस्‍थाकथं इपिं मजुल। छिं इमित छु छु या धकाः आज्ञा बियादीगु खः व इमिसं छुं नं मयाः। उकिं छिं थ्‍व फुक्‍क विपत्ति इमिके हयादिल।

इजकिएल 12:7

उकिं जितः आज्ञा याःथें जिं याना। न्‍हिनय् देशं ज्‍वनायंकूम्‍ह मनुखं थें जिं थःगु सामान प्‍वःचिनाः पिकया। अले बहनी थःगु हे ल्‍हातं पखालय् ह्वः खना, अले सन्‍ध्‍याकाः इलय् इमिसं स्‍वयाच्‍वंबलय् हे जि थःगु सामान ब्‍वहलय् तयाः वना हे छ्वया।

मत्ती 12:50

छाय्‌धाःसा सुनां स्‍वर्गय् च्‍वनादीम्‍ह जिमि बाःनं धाःथें याना जुइ व हे जिमि किजा, जिमि केहेँ व जिमि मां खः।”

लूका 12:4

“यःपिं पासापिं, जिं छिमित धाये – म्‍हयात जक स्‍याइपिं खनाः ग्‍याये माःगु मदु। थुलिं अप्‍वः इमिसं मेगु छुं नं याये फइ मखु।

यूहन्‍ना 13:17

थ्‍व खँ छिमिसं सीकाः यात धाःसा छिपिं धन्‍यपिं जुइ।

यूहन्‍ना 14:15

“छिमिसं जितः माया याःसा जिगु आज्ञा नं मानय् यानाच्‍वनी।

यूहन्‍ना 14:21

जिगु आज्ञा न्‍यनाः मानय् याःम्‍हय्‌सिनं जितः माया याइ। जितः माया याःम्‍हय्‌सित बाःनं नं माया यानादी। जिं नं वयात माया याये, अले जिं हे वयात सु खः धकाः क्‍यनाबी।”

यूहन्‍ना 14:28

‘जि वनाः हानं छिमिथाय् तुं वये’ धकाः जिं धयागु खँ ला छिमिसं न्‍यंगु हे दु। छिमिसं जितः माया यानागु खःसा जि बाःयाथाय् वने धकाः धयागु खँ न्‍यनाः, छिपिं लय्‌ताय् माःगु खः, छाय्‌धाःसा बाः जि स्‍वयाः तःधं।

यूहन्‍ना 2:5

अय्‌नं वय्‌कःया मांनं च्‍यःतय्‌त धाल – “वय्‌कलं छु धयादी छिमिसं व हे या।”

याकूब 2:23

थुकथं धर्मशास्‍त्रय् च्‍वयातःगु थ्‍व खँ पूवन – “अब्राहामं परमेश्‍वरयात अथे विश्‍वास याःगुलिं हे वयात धर्मीम्‍ह मनू धकाः धयादिल।” “अब्राहाम जिम्‍ह पासा खः” धकाः परमेश्‍वरं हे धयादिल।

१ यूहन्‍ना 5:3

परमेश्‍वरयागु आज्ञा मानय् यायेगु हे वय्‌कःयात माया यायेगु खः। वय्‌कःयागु आज्ञा मानय् यायेत थाकु मजू।

रुथया सफू 3:6

अले व क्‍वय् खलय् वनाः वं थः माजुं धाःथें हे यात।