13 पासायागु निंतिं सीगु ति तःधंगु माया मेगु मदु।
“यःपिं पासापिं, जिं छिमित धाये – म्हयात जक स्याइपिं खनाः ग्याये माःगु मदु। थुलिं अप्वः इमिसं मेगु छुं नं याये फइ मखु।
“जि भिंम्ह फैजवाः खः। भिंम्ह फैजवालं फैतय्गु निंतिं सीत तकं लिफः स्वइ मखु।
गथे बाःनं जितः म्हस्यू, अथे हे जिं नं बाःयात म्हस्यू। अले फैतय्गु निंतिं जि थः हे तुं सिना बी।
सत्यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”
ख्रीष्ट येशूं झीत माया यानादी थें छिमिसं नं थःथवय् माया यानाः च्वनेगु यायेमाः। ख्रीष्टं झीत माया यानाः नस्वाःगु देछा व बलिकथं थःत परमेश्वरयाथाय् छायादिल।
थुकथं झीसं माया धयागु छु खः धकाः स्यू – झीगु निंतिं ख्रीष्ट सिनादिल, उकिं झीसं नं झी दाजुकिजापिनिगु निंतिं सीत तकं लिफः स्वये मज्यू।
