यूहन्‍ना 15:10 - नेवाः बाइबल

¹⁰ जिगु आज्ञा मानय् याःसा छिपिं जिगु मायाय् च्‍वनाच्‍वंनी, गथे जिं नं बाःयागु आज्ञा मानय् यानाः वय्‌कःयागु मायाय् च्‍वनाच्‍वना।

यूहन्‍ना 15:10 ပူးပေါင်းရင်းမြစ်များ

२ शमूएल 22:22

छाय्‌धाःसा जि परमप्रभुया लँय् जुयाच्‍वनागु दु। अले जि जिम्‍ह परमेश्‍वरपाखें गुबलें नं फहिलामवना।

२ राजा 18:6

व परमप्रभुया भक्त जुया हे च्‍वन। वय्‌कःनापं जुइगु त्‍वःमतू। वं परमप्रभुं मोशायात बियादीगु फुक्‍क उजं पालन यात।

प्रस्‍थान 7:6

अले मोशा व हारूनं परमप्रभुं उजं बियादी थें हे यात।

यशैया 50:5

परमप्रभु परमेश्‍वरं जिगु न्‍हाय्‌पं चाय्‌कादीगु दु अथे जुयाः जि विद्रोही जुयागु मदु। अले जि वय्‌कःपाखें फहिला वनागु मदु।

यूहन्‍ना 10:18

जितः सुनानं स्‍याये फइ मखु, बरु जि थःयसें सिना बीत्‍यनागु खः। जि थथःम्‍हं तुं सीगु नं व हानं म्‍वाना वयेगु नं जिके अधिकार दु। जितः जिमि बाःनं बियादीगु आज्ञा नं थ्‍व हे खः।”

यूहन्‍ना 12:49

जिं नवानाच्‍वनागु वचन जिगु थःगु हे मखु, बरु जिं छु छु धायेमाःगु व नवाये माःगु खः जितः छ्वयाहयादीम्‍ह बाःनं हे उजं बियादीगु खः।

यूहन्‍ना 14:15

“छिमिसं जितः माया याःसा जिगु आज्ञा नं मानय् यानाच्‍वनी।

यूहन्‍ना 14:21

जिगु आज्ञा न्‍यनाः मानय् याःम्‍हय्‌सिनं जितः माया याइ। जितः माया याःम्‍हय्‌सित बाःनं नं माया यानादी। जिं नं वयात माया याये, अले जिं हे वयात सु खः धकाः क्‍यनाबी।”

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

यूहन्‍ना 14:31

जिं बाःयात माया यानाच्‍वनागु दु धकाः संसारं सीमा धकाः बाःनं आज्ञा यानादी थें जिं यानाच्‍वनागु खः। दँ, आः झी थनं वनेनु।”

यूहन्‍ना 17:4

छिं जितः याके बियादीगु ज्‍या सिधय्‌काः जिं छितः पृथ्‍वीइ तःधंकागु दु।

यूहन्‍ना 4:34

वय्‌कलं धयादिल – “जितः छ्वयाहया दीम्‍हय्‌सिगु ज्‍या सिधय्‌केगु, अले वय्‌कलं धाःथें यानाजुइगु हे जिगु नसा खः।

यूहन्‍ना 8:29

जितः छ्वयाहयादीम्‍ह जि नाप दी, जिं न्‍ह्याबलें वय्‌कःयात यःथें जक यानाजुयागुलिं वय्‌कलं जितः याकःचा त्‍वःतामदी।”

यूहन्‍ना 8:55

वय्‌कःयात छिकपिन्‍सं म्‍हमस्‍यूनि, जिं धाःसा म्‍हस्‍यू। जिं वय्‌कःयात म्‍हमस्‍यू धकाः धाल धाःसा जि नं छिकपिं थें तुं मखुगु खँ ल्‍हाइम्‍ह जुइ। जिं वय्‌कःयात म्‍हस्‍यूगुलिं वय्‌कःयागु वचन मानय् यानाच्‍वना।

१ कोरिन्‍थी 7:19

परमेश्‍वरया न्‍ह्यःने चिं तःसां मतःसां छुं मपाः। तःधंगु खँ ला परमेश्‍वरयागु आज्ञा मानय् यायेगु खः।

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

२ पत्रुस 2:21

थज्‍याःपिं मनूतय्‌सं थःपिन्‍त बियातःगु पवित्र आज्ञायात सीक सीकं त्‍वःताछ्वयेगु स्‍वयाः ला गुब्‍सं हे मन्‍यंगु जूसा तसकं बांलाइगु खः।

१ यूहन्‍ना 2:3

परमेश्‍वरयागु आज्ञा मानय् याना च्‍वंसा जक वय्‌कःयात बांलाक म्‍हस्‍यू धकाः झीसं धाये फइ।

१ यूहन्‍ना 2:5

परमेश्‍वरयागु वचन मानय् यानाच्‍वंम्‍ह मनू जक धात्‍थें परमेश्‍वरया मायां जाःम्‍ह जुइ। थुकिं हे झीपिं परमेश्‍वरया मनू खः धकाः सी दइ।

१ यूहन्‍ना 2:6

परमेश्‍वरया मनू खः धकाः धया जुइम्‍ह मनुखं येशू ख्रीष्‍ट थें जुइ फय्‌केमाः।

१ यूहन्‍ना 5:3

परमेश्‍वरयागु आज्ञा मानय् यायेगु हे वय्‌कःयात माया यायेगु खः। वय्‌कःयागु आज्ञा मानय् यायेत थाकु मजू।

प्रकाश 22:14

थथःगु वसः हियाः यचुसे च्‍वंक च्‍वना च्‍वनीपिं धन्‍यपिं खः। जीवनयागु सिमाय् सःगु फल इमिसं नयेखनी, अले इपिं ध्‍वाखां दुने शहरय् नं वने खनी।