यूहन्‍ना 15:1 - नेवाः बाइबल

¹ “धात्‍थेंयागु दाखमा जि हे खः, अले दाखमायात स्‍वइम्‍ह जिमि बाः खः।

यूहन्‍ना 15:1 ပူးပေါင်းရင်းမြစ်များ

श्रेष्‍ठगीत 7:12

झीपिं सुथ न्‍हापां हे दाखक्‍यबय् वनेनु, दाखमाय् मुखू ह्वयाच्‍वंगु दु, अले धालय्‌माय् स्‍वां ह्वये त्‍यंगु स्‍वःवनेनु, अन जिं छन्‍त तसकं माया याये।

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

यर्मिया 12:10

यक्‍व फैजवाःतय्‌सं जिगु दाखया क्‍यबयात स्‍यंकाब्‍यूगु दु। इमिसं जिगु बुँयात न्‍हुत्तुन्‍हुगु दु, इमिसं जिगु न्‍ह्याइपुगु बुँयात मरुभूमि थें छुं नं मसइगु थाय् यानाब्‍यूगु दु।

यर्मिया 2:21

थःत तसकं यःगु दाखया कचा थें भिंगु माचा कयाः छन्‍त पिनागु खः। तर स्‍व, आः छु जुल? छ छमा ध्‍वग्‍गीगु ज्‍यालगे मजूगु दाखमा जक जूगु दु।

इजकिएल 19:10

“‘छिमि मां लःया लिक्‍क पिनातःगु छंगु दाखक्‍यबया दाखया मा थें खः, गुगु यक्‍व लः दुगुलिं फल व कचां जाःगु दु।

होशे 10:1

इस्राएल न्‍यनावनाच्‍वंगु छमा दाखमा खः। वं ला थःगु हे लागि फल सय्‌कल। गुलि यक्‍व वं फल सय्‌कल उलि हे वं वेदीत दय्‌कल। थःगु देशय् गुलि अन्‍न सल उलि हे वं थः पुजा यायेगु ल्‍वहंया थांत बांलाकल।

जकरिया 3:8

“‘हे यहोशू, दकलय् तःधंम्‍ह पुजाहारी व छंगु न्‍ह्यःने च्‍वनीपिं मेपिं पुजाहारी, गुपिं वइतिनिगु खँया चिं खः, सकसिनं थ्‍व खँ न्‍यँ– जिं जिमि दास, कचायात हये।

मत्ती 15:13

वय्‌कलं धयादिल – “स्‍वर्गय् च्‍वनादीम्‍ह जिमि बाःनं पिना मदीगु फुक्‍क मायात लिनाछ्वयादी।

मत्ती 20:1

“स्‍वर्गयागु राज्‍य थथे च्‍वं – छन्‍हु छम्‍ह मनू सुथ न्‍हापां थःगु दाखक्‍यबय् ज्‍या याकेत ज्‍यामि माः वन।

मत्ती 21:33

येशूं इमित धयादिल – “मेगु छगू उखान नं न्‍यनादिसँ – छम्‍ह तःसिं दु। वं थःगु क्‍यबय् दाख पित। अले प्‍यखें वालं चिनाबिल। वं अन दाख तिसीगु साः नं तयाबिल। अले क्‍यबय् स्‍वयेत छगू बल्‍चा नं दय्‌का थकल। क्‍यब म्‍हय्‌तय्‌त त्‍वःताः व मेगु देशय् वन।

मर्कूस 12:1

थुलि धयादी धुंकाः वय्‌कलं इमित छपु उखान छुनादिल। “छम्‍ह तःसिं दु। वं थःगु क्‍यबय् दाख पित। अले प्‍यखें वालं चिनाबिल। वं अन दाख तिस्‍सिगु साः नं तयाबिल। अले क्‍यब स्‍वयेत छखा बल्‍चा नं दय्‌का थकल। क्‍यबय् ज्‍याकाः व मेगु देशय् वन।

लूका 13:6

अले येशूं इमित उखान छगू छुनादिल – “छम्‍ह मनुखं थःगु दाखया क्‍यबय् यःमरिमा पिनातःगु दु। छन्‍हु वं सिमाय् यःमरि सयाच्‍वंगु दु ला धकाः माः वन, तर यःमरि छगः हे सयाच्‍वंगु मखन।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 1:9

फुक्‍क मनूतय्‌गु नुगलय् थीगु धात्‍थेंयागु जः ला संसारय् झायाच्‍वंगु दु।

यूहन्‍ना 15:2

जिके च्‍वंगु दाख मसःगु कचायात बाःनं ध्‍यनाः छ्वइ। अले सयाच्‍वंगु कचायात अझ यक्‍व सयेमा धकाः न्‍हायादी।

यूहन्‍ना 6:32

वय्‌कलं धयादिल – “जिं छिमित खःगु खँ धाये – मनूतय्‌त नकेत स्‍वर्गं मरि ब्‍यूम्‍ह मोशा मखु। जिमि बाःनं जक छिमित स्‍वर्गं धात्‍थेंयागु मरि बियादी।

यूहन्‍ना 6:55

जिगु म्‍ह धात्‍थें हे नसा खः, अले जिगु हि धात्‍थें हे त्‍वनेगु खः।

रोमी 11:17

अथे हे गुलि कचात त्‍वधुला वं थें यहूदीत नं गुम्‍हं गुम्‍हं परमेश्‍वरयात त्‍वःताः वन। छिपिं यहूदीमखुपिं धाःसा जंगली जैतूनमा लिसे कचा स्‍वाःथें स्‍वाये धुंकल। उकिं जैतूनमायागु हा व रस छिमिसं नं काये खन।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

१ यूहन्‍ना 2:8

अय्‌नं थन धाःसा जिं छिमित छगू न्‍हूगु हे आज्ञा च्‍वयाच्‍वनागु दु। थ्‍व सत्‍य खः धकाः ख्रीष्‍टपाखें हे सी दःवःगु दु, छाय्‌धाःसा खिउँ तना वनाच्‍वंगु दु, अले धात्‍थेंगु जः लुयावःगु दु।