यूहन्‍ना 14:8 - नेवाः बाइबल

⁸ उकिं फिलिपं वय्‌कःयात धाल – “प्रभु, जिमित बाः छकः क्‍यनादिसँ। जिमित थुलि दयेवं गाः।”

यूहन्‍ना 14:8 ပူးပေါင်းရင်းမြစ်များ

अय्‍यूब 33:26

वं प्रार्थना याइबलय् परमेश्‍वर व खनाः लय्‌तायादी। वं परमेश्‍वरयागु ख्‍वाः खनी अले लय्‌लय्‌तातां हाली। परमेश्‍वरं वयागु अवस्‍था हाकनं न्‍हापा थें बांलाकादी।

भजनसंग्रहया सफू 17:15

जिं धाःसा छुं मभिंगु मयानागुलिं छिगु ख्‍वाः खनी। जि दनावयेबलय् छितः स्‍वयेदयाः तसकं लय्‌ताये।

भजनसंग्रहया सफू 63:2

जिं छितः पवित्र थासय् खनागु दु। अले छिगु शक्ति व महिमा नं खना।

मत्ती 5:8

नुगः यचुपिं मनूत धन्‍यपिं खः, इमिसं परमेश्‍वरयात स्‍वये खनी।

यूहन्‍ना 1:48

वं धाल – “छिं जितः गथे म्‍हसिल?” वय्‌कलं लिसः बियादिल – “फिलिपं छन्‍त सःते न्‍ह्यः हे जिं छन्‍त यःमरिमाया क्‍वय् खना।”

यूहन्‍ना 16:25

“थ्‍व खँ फुक्‍कं जिं छिमित चाःहिकाः मेकथं धयाच्‍वना। व ई नं वइ गुबलय् जिं छिमित बाःयागु खँ चाःहिकाः मकंसे ध्‍वाथुइक कनाबी।