यूहन्‍ना 14:2 - नेवाः बाइबल

² जिमि बाःयागु छेँय् च्‍वनेत यक्‍व थाय् दु। अथे मखुसा जिं छिमित धाये हे मखुनि। जि छिमित थाय् दय्‌केत वनाच्‍वना।

यूहन्‍ना 14:2 ပူးပေါင်းရင်းမြစ်များ

लूका 14:22

अले मालिकं धाःथें याये धुंकाः च्‍यलं वयाः वयात थथे धाल – ‘हजुर, छिं धयादी थें याये धुन, अज्‍ज नं थाय् दनि।’

यूहन्‍ना 13:33

जि यःपिं मस्‍त, जि छिपिंनाप छुं ई तक जक दइ। अले जितः छिमिसं मात्तुमाली। जिं यहूदीतय् नायःतय्‌त धया थें छिमित नं धाये – ‘जि वनेत्‍यनाथाय् छिपिं वये फइ मखु।’

यूहन्‍ना 13:36

सिमोन पत्रुसं वय्‌कःयात धाल – “प्रभु, छि गन झायादी त्‍यना?” वय्‌कलं लिसः बियादिल – “जि गन वनेत्‍यनागु खः छ आः ला अन जिगु ल्‍यूल्‍यू वये फइ मखु, लिपा ला व हे वइ।”

यूहन्‍ना 14:28

‘जि वनाः हानं छिमिथाय् तुं वये’ धकाः जिं धयागु खँ ला छिमिसं न्‍यंगु हे दु। छिमिसं जितः माया यानागु खःसा जि बाःयाथाय् वने धकाः धयागु खँ न्‍यनाः, छिपिं लय्‌ताय् माःगु खः, छाय्‌धाःसा बाः जि स्‍वयाः तःधं।

यूहन्‍ना 16:4

इमिसं थथे याइ धकाः जिं धयागु खँ छिमिसं लुमंकेमा धकाः जिं थ्‍व खँ धयाच्‍वनागु खः। न्‍हापांनिसें हे जि छिपिंलिसे दुगुलिं जिं थ्‍व खँ मकनागु खः।”

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

प्रेरित 9:16

अले हानं जिं वयात जिगु नांया निंतिं गुलि तक वं दुःखकष्‍ट सी मालीतिनि धकाः क्‍यनेतिनि।”

२ कोरिन्‍थी 5:1

झीगु थ्‍व म्‍ह झीपिं च्‍वनेगु संसारयागु छेँ थें खः। गुबलय् झीपिं सी अबलय् परमेश्‍वरं झीत मेगु न्‍हूगु म्‍ह बियादी। न्‍हूगु म्‍ह मनूतय्‌सं दय्‌कातःगु छेँ थें मखु। सदां दयाच्‍वनीगु स्‍वर्गयागु छेँ थें खः।

१ थेसलोनिकी 5:9

परमेश्‍वरं झीत सजाँय बीत सःतादीगु मखु, बरु झी प्रभु येशू ख्रीष्‍टपाखें मुक्ति बीत सःतादीगु खः।

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

हिब्रू 11:10

अब्राहाम ला सदां दयाच्‍वनीगु जगय् परमेश्‍वरं हे दय्‌कादीगु शहरय् च्‍वनेत पियाच्‍वंम्‍ह खः।

हिब्रू 13:14

झीगु निंतिं थन सदां दयाच्‍वनीगु शहर मदु। झीपिं ला लिपा वइगु शहरयागु लँ स्‍वया च्‍वनापिं खः।

हिब्रू 6:20

झीगु निंतिं येशू न्‍ह्यः हे मल्‍कीसेदेक थें सदांया लागि दकलय् तःधंम्‍ह पुजाहारी जुयाः अन दुहां झाये धुंकल।

हिब्रू 9:8

न्‍हापांगु पाल दयाच्‍वंतले महा-पवित्रगु थासय् दुहां वनेगु लँ चाइ मखु धकाः पवित्र आत्‍मां क्‍यनादीगु दु।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 21:2

न्‍हूगु पवित्रगु यरूशलेम शहर स्‍वर्गं परमेश्‍वरपाखें क्‍वहां वयाच्‍वंगु जिं खना। थ्‍वयात बिया छ्वयेत्‍यंम्‍ह भम्‍चायात थें समाः यानातःगु दु।

प्रकाश 3:12

त्‍याःम्‍हय्‌सित जिमि परमेश्‍वरयागु देगःया थां यानाबी। अले अनं व गुबलें हे पिहां वनेमाली मखु। अले जिं उकी जिमि परमेश्‍वरयागु नां च्‍वयाबी, स्‍वर्गं जिमि परमेश्‍वरयागु थासं क्‍वहां वयाच्‍वंगु न्‍हूगु यरूशलेम धाःगु शहरयागु नां व जिगु हे न्‍हूगु नां नं उकी च्‍वयाबी।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।