यूहन्‍ना 14:18 - नेवाः बाइबल

¹⁸ “जिं छिमित मांबौ मदुपिं थें त्‍वःतावने मखु, जि छिमिथाय् हानं लिहां वये।

यूहन्‍ना 14:18 ပူးပေါင်းရင်းမြစ်များ

भजनसंग्रहया सफू 101:2

जिगु पहःचहः द्वं मदुगु जुइ छि जिथाय् गुबलय् झायेगु? जिं थःगु छेँय् शुद्ध जीवन हने।

भजनसंग्रहया सफू 23:4

न्‍ह्याथे हे तसकं खिउँसे च्‍वंगु लं वनेमाःसां जि छतिं हे ग्‍याये मखु, प्रभु! छाय्‌धाःसा छि जिलिसें दी, छिगु कथिं व तुतामं नं जितः ब्‍वलंकाबी।

यशैया 43:1

तर आः, हे याकूब, छन्‍त सृष्‍टि यानादीम्‍ह, हे इस्राएल, छन्‍त आकार ब्‍यूम्‍ह परमप्रभुं थथे धयादी, “ग्‍याये मते, छाय्‌धाःसा जिं छन्‍त मू पुलाः त्‍वःतकागु दु। जिं छन्‍त छंगु नां कयाः सःतागु दु, छ जिम्‍ह हे खः।

यशैया 51:12

“छिमित सान्‍त्‍वना बीम्‍ह जि हे खः। सीनावनीपिं मनूतपाखें, घाँय् थें गनावनीपिं मनूतय् सन्‍तान खनाः छ छाय् ग्‍याये माःगु?

विलाप 5:3

जिपिं मांबौ मदुपिं व हाना मदुपिं जूगु दु, जिमि मांपिं भाःत मदुपिं थें जूगु दु।

होशे 14:3

अश्‍शूरं जिमित बचय् याये फइ मखु, जिपिं सल गयाः लडाइँ याः वने मखु। जिमिसं हाकनं गुबलें थःगु ल्‍हातं दय्‌कागु मूर्तियात ‘जिमि द्यःत’ धकाः धाये मखु, छाय्‌धाःसा छिपाखें मांबौ मदुपिन्‍त कृपा दइ।”

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

मत्ती 18:20

गन जिगु नामय् निम्‍ह स्‍वम्‍ह मनू मुनी, अन जि इपिं नाप दइ।”

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

यूहन्‍ना 14:16

जिं छिमित ग्‍वाहालि याइम्‍ह मेम्‍ह छ्वयादिसँ धकाः बाःयाके बिन्‍ति यानाबी। अले व छिपिंनाप सदां च्‍वनी।

यूहन्‍ना 14:3

जि वनाः छिमित थाय् दय्‌के धुंकाः हानं वयाः छिमित जि च्‍वनेथाय् ब्‍वनायंके। अले छिपिं जिनापं च्‍वनी।

यूहन्‍ना 16:16

“छुं ई लिपा छिमिसं जितः खनी मखु, अले छुं ई लिपा हे छिमिसं जितः हानं खनी।”

यूहन्‍ना 16:33

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

२ थेसलोनिकी 2:16

प्रभु येशू ख्रीष्‍टं हे व झीत माया यानादीम्‍ह व दया माया याना गुबलें सिना मवनीगु साहस व भिंगु आशा बियादीम्‍ह परमेश्‍वर बाःनं

हिब्रू 2:18

वय्‌कः थःम्‍हं नं जाँचय् लानादीबलय् यक्‍व दुःखकष्‍ट सियादीगुलिं जाँचय् लाःपिन्‍त नं ग्‍वाहालि यानादी फु।