यूहन्‍ना 14:1 - नेवाः बाइबल

¹ “छिमिसं नुगः मछिंके मते, परमेश्‍वरयात विश्‍वास याःथें जितः नं विश्‍वास या।

यूहन्‍ना 14:1 ပူးပေါင်းရင်းမြစ်များ

भजनसंग्रहया सफू 43:5

हे जिगु मन छाय् थपाय्‌सकं क्‍वतुंगु? जि छाय् थपाय्‌सकं नुगः मछिंगु? जिं परमेश्‍वरयाके आशा तये, हाकनं जिं थः परमेश्‍वर व थःत बचय् याइम्‍हय्‌सित तःधंके।

भजनसंग्रहया सफू 77:10

अले जिं बिचाः याना, “थ्‍व हे जिगु दुःख खः। दक्‍वसिबय् तःधंम्‍हय्‌सिया जव ल्‍हाः जिगु छेनं चिला वन।”

यशैया 26:3

परमप्रभु, सुनां सुनां थःगु मन क्‍वातुकी इमित पूवंक शान्‍ति बियादी छाय्‌धाःसा इमिसं छिके भलसा तइ।

यर्मिया 8:18

हे जितः दुःखबलय् सान्‍त्‍वना ब्‍यूपिं, जिगु नुगः दुने कमजोर जुयावंगु दु।

यूहन्‍ना 11:33

थुकथं मरियम अले व नाप वःपिं यहूदीत ख्‍वयाच्‍वंगु खनाः वय्‌कःयात तसकं नुगः मछिन।

यूहन्‍ना 12:27

“जिगु नुगलय् तसकं दुःख जुयाच्‍वंगु दु। उकिं जिं छु धाये? ‘बाः, थ्‍व इलं जितः बचय् यानादिसँ’ धायेगु ला? मखु, थुलि हे जुइकेत जि वयाच्‍वनागु खः।

यूहन्‍ना 12:44

येशूं तस्‍सलं धयादिल – “जितः विश्‍वास याःपिन्‍सं जितः जक विश्‍वास याःगु मखु, बरु जितः छ्वया हयादीम्‍हय्‌सित विश्‍वास याःगु खः।

यूहन्‍ना 13:19

जुइ न्‍ह्यः हे जिं थथे जुइ धकाः धयागुलिं थथे जुल धाय्‌वं जि व हे खः धकाः छिमिसं विश्‍वास याइ।

यूहन्‍ना 16:24

आः तक छिमिसं जिगु नामं छुं हे मफ्‍वंनि। फ्‍वँ, अले छिमित दइ, थुकथं छिपिं आनन्‍दं जाइ।”

यूहन्‍ना 16:3

बाःयात व जितः म्‍हमस्‍यूगुलिं हे इमिसं थथे याइ।

यूहन्‍ना 16:6

जिं थथे धयागुलिं छिमित नुगः मछिन जुइ।

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

यूहन्‍ना 6:40

काय्‌यात खंपिं व विश्‍वास याःपिन्‍त अनन्‍त जीवन बीगु हे जिमि बाःयात यःगु खँ खः। अले जिं इमित दकलय् लिपायागु दिनय् म्‍वाका बी।”

२ कोरिन्‍थी 2:7

न्‍ह्यागु हे जूसां आः छिमिसं वयात क्षमा यानाः साहस ब्‍यु। थथे मयाःसा वं झन तसकं नुगलय् स्‍याकी।

एफिसी 1:15

छिमिसं येशू ख्रीष्‍टयात क्‍वात्तुक विश्‍वास यानाच्‍वंगु व फुक्‍क विश्‍वासीतय्‌त दया माया यानाच्‍वंगु खँ न्‍यनाः

२ थेसलोनिकी 2:2

जिमिसं छिमित बिन्‍ति यानाच्‍वना – सुनानं झी प्रभु झाइगु ई वये धुंकल धाल धायेवं छिपिं आछु-आछु कने मते, अले ग्‍याये मते। गुम्‍हय्‌सिनं अगमवक्तां धाःथें च्‍वंक, गुम्‍हय्‌सिनं वचनपाखें धाःथें च्‍वंक, अले गुम्‍हय्‌सिनं जिमिसं पौ च्‍वया थें च्‍वंक थथे धायेफु।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।