यूहन्‍ना 13:34 - नेवाः बाइबल

³⁴ छगू न्‍हूगु आज्ञा जिं छिमित बीत्‍यना। छिपिं थःथवय् माया याना च्‍वँ। गथे जिं छिमित माया यानागु खः, अथे हे छिमिसं थःथवय् माया यानाच्‍वनेमाः।

यूहन्‍ना 13:34 ပူးပေါင်းရင်းမြစ်များ

भजनसंग्रहया सफू 119:63

छिगु भय काइपिं व छिगु उपदेश पालन याइपिं सकसिया जि छम्‍ह पासा खः।

भजनसंग्रहया सफू 16:3

देशय्‌ दुपिं पवित्र मनूत फुक्‍कं तःधंके बहःपिं जू, इपिंलिसे च्‍वनेदयाः जि लय्‌ताः।

लेवी 19:18

“‘थः मनूतलिसे बदला कायेगु स्‍वये मते, अले इबि नं तये मते, तर थः जलाःखलाःतय्‌त थःत थें हे माया या। जि परमप्रभु खः।

लेवी 19:34

छिपिंनापं च्‍वनाच्‍वंम्‍ह परदेशीयात थःगु देशयाम्‍ह मनूयात थें हे व्‍यवहार यायेमाः। छिमिसं वयात थःत थें हे माया या, छाय्‌धाःसा छिपिं नं न्‍हापा मिश्रय् परदेशी जुयाच्‍वंगु खः। जि परमप्रभु छिमि परमेश्‍वर खः।

मत्ती 5:44

तर जिं छिमित धाये – शत्रुयात माया या, थःत दुःख बीपिनिगु निंतिं प्रार्थना या।

यूहन्‍ना 15:17

छिमिसं थःथवय् माया याना च्‍वँ – थ्‍व हे जिगु आज्ञा खः।”

यूहन्‍ना 17:21

इपिं नं छप्‍पँ जुयाच्‍वनेमा। यःम्‍ह बाः, गथे छि जिके, अले जि छिके दु, अथे हे इपिं नं झीके छप्‍पँ जुयाच्‍वनेमा। थुकथं जूसा जक छिं जितः छ्वयाहःगु खः धकाः संसारं विश्‍वास याइ।

रोमी 12:10

छिपिं विश्‍वासी दाजुकिजापिं थःथवय् दुनुगलंनिसें माया याना च्‍वँ। थःथवय् हनाबना तया च्‍वँ।

रोमी 13:10

मायां मेपिन्‍त स्‍यंकी मखु, उकिं माया यायेगु हे व्‍यवस्‍था पूवंकेगु खः।

रोमी 13:8

थःथवय् माया यायेगु बाहेक सुयाकें छुं त्‍याये काये मते। मेपिन्‍त माया याइपिन्‍सं व्‍यवस्‍था पूवंकी।

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

गलाती 5:6

झीपिं ख्रीष्‍टनाप मिलय् जुइ धुन धाःसा म्‍हय् चिं तःसां मतःसां छुं नं पाइ मखु। झीत माःगु ला विश्‍वास खः। थ्‍व हे विश्‍वासं यानाः झीसं माया याये फइ।

गलाती 6:10

अय्‌जूगुलिं मौका दुबलय् हे झीसं मेपिन्‍त भिंगु यानाबीमाः। अप्‍वः यानाः विश्‍वासी दाजुकिजापिन्‍त यानाबीमाः।

गलाती 6:2

छम्‍हय्‌सिनं मेम्‍हय्‌सित दुःखबलय् ग्‍वाहालि यायेगु या। थुकथं छिमिसं ख्रीष्‍ट येशूयागु आज्ञा पूवंकी।

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

कलस्‍सी 1:4

छाय्‌धाःसा छिमिसं येशू ख्रीष्‍टयात विश्‍वास यानाच्‍वंगु व परमेश्‍वरया मनूतय्‌त दया माया यानाच्‍वंगु खँ जिमिसं न्‍यना तयागु दु।

१ थेसलोनिकी 3:12

जिमिसं छिमित माया याना थें प्रभुं छिमित नं थःथवय् व मेपिन्‍त माया यानाः न्‍ह्यज्‍याये फय्‌कादीमा।

२ थेसलोनिकी 1:3

छिमिगु विश्‍वास यक्‍व अप्‍वयावनाच्‍वंगु दु, अले छिमिसं थःथवय् माया यायेगु नं अप्‍वय्‌का हयाच्‍वंगु दु। थुकिया निंतिं परमेश्‍वरयात सुभाय् मब्‍यूसे मगाः।

हिब्रू 13:1

दाजुकिजापिं, थःथवय् माया यायेगु त्‍वःते मते।

याकूब 2:8

जःलाखःलातय्‌त नं थःत थें माया यायेमाः धकाः धर्मशास्‍त्रय् च्‍वयातःगु परमेश्‍वरया राज्‍ययागु व्‍यवस्‍था छिमिसं मानय् याना च्‍वंसा बां हे लात।

१ पत्रुस 1:22

सत्‍ययात मानय् याःगुलिं छिपिं आः शुद्ध जूगु दु। अय्‌जूगुलिं छिमिसं दाजुकिजापिन्‍त माया याना च्‍वँ। अज्‍जं थःथवय् दुनुगलंनिसें माया याना च्‍वँ।

२ पत्रुस 1:7

परमेश्‍वरयात मानय् यानाः जक मगाः, विश्‍वासीतय्‌त दया माया याये फय्‌केमाः। अले हानं विश्‍वासीतय्‌त जक मखु, विश्‍वासी मखुपिन्‍त नं माया याये फय्‌केमाः।

१ यूहन्‍ना 3:11

थःथवय् माया यानाच्‍वनेमाः धकाः धाःगु खँ ला छिमिसं न्‍हापांनिसें हे न्‍यनातःगु दु।

१ यूहन्‍ना 3:23

वय्‌कलं झीत आज्ञा यानादीगु थ्‍व हे खः – वय्‌कःया काय् येशू ख्रीष्‍टयात झीसं विश्‍वास यायेमाः। दाजुकिजापिन्‍त माया यानाच्‍वनेमाः। थथे हे याना च्‍वँ धकाः ख्रीष्‍टं नं झीत धयादीगु दु।

१ यूहन्‍ना 4:21

अय्‌जूगुलिं ख्रीष्‍टं झीत थथे याना च्‍वँ धकाः धयाथकूगु खः – “परमेश्‍वरयात माया याइम्‍ह मनुखं थः दाजुकिजापिन्‍त नं माया यायेमाः।”

२ यूहन्‍ना 1:5

अय्‌जूगुलिं नं आम्‍कन मण्‍डलीइ च्‍वंपिन्‍सं थःथवय् माया याना च्‍वँ धकाः जिं छिमित बिन्‍ति याना हयागु खः। न्‍हापांनिसें हे झीत थःथवय् माया यानाच्‍वनेमाः धकाः धयातःगु खः, उकिं थ्‍व न्‍हूगु खँ मखु।