यूहन्‍ना 13:31 - नेवाः बाइबल

³¹ यहूदा पिहां वने धुंकाः येशूं धयादिल – “आः मनूया काय् तःधन। वयापाखें परमेश्‍वर नं तःधनी।

यूहन्‍ना 13:31 ပူးပေါင်းရင်းမြစ်များ

मत्ती 8:20

वय्‌कलं लिसः बियादिल – “ध्‍वंतय् च्‍वनेत प्‍वाः दु, झंगःतय् च्‍वनेत स्‍वँ दु, मनूया काय्‌या धाःसा छ्यं दिकेत नं थाय् मदु।”

लूका 12:50

जिं छगू बप्‍तिस्‍मा काये मानि। व मकातले जिं यक्‍व दुःखकष्‍ट फये मानि।

यूहन्‍ना 11:4

थ्‍व न्‍यनाः वय्‌कलं धयादिल – “थ्‍व ल्‍वचं लाजरस सी मखु। परमेश्‍वरयागु महिमाया निंतिं व परमेश्‍वरया काय्‌यात तःधंकेत व थथे म्‍हंमफुगु खः।”

यूहन्‍ना 12:23

अले वय्‌कलं इमित लिसः बियादिल – “मनूया काय्‌यात तःधंकीगु ई वल।

यूहन्‍ना 12:28

‘बाः, छिगु नांयात तःधंकादिसँ।’” अले स्‍वर्गं थथे धयाहल – “जिं तःधंके धुन, आः हानं तःधंके तिनि।”

यूहन्‍ना 14:13

जिगु नामय् छिमिसं न्‍ह्यागु फ्‍वंसां जिं छिमित बी। थुकथं काय्‌नं यानाः बाः तःधनी।

यूहन्‍ना 16:14

वय्‌कलं जिगु खँयात कयाः छिमित थथे कनाः जितः तःधंकादी।

यूहन्‍ना 7:39

वय्‌कलं पवित्र आत्‍मायागु खँ धयादीगु खः। वय्‌कःयात विश्‍वास याःपिन्‍त आत्‍मा बियादी। वय्‌कलं आः तक सीम्‍ह म्‍वाका मदीनि सुयातं आत्‍मा बियादीगु मदुनि।

प्रेरित 2:36

“उकिं छिकपिन्‍सं यख्‍खानाः स्‍याःम्‍ह येशूयात हे परमेश्‍वरं प्रभु व मुक्ति बीम्‍ह ख्रीष्‍ट यानादिल धयागु खँ फुक्‍क इस्राएलीतय्‌सं सीकेमाः।”

प्रेरित 3:13

झी तापाःबाज्‍यापिं अब्राहाम, इसहाक व याकूबया परमेश्‍वरं वय्‌कःया सेवक येशूयात तःधंकादिल। न्‍हापा थ्‍व हे येशूयात छिकपिन्‍सं ज्‍वंकल। अले पिलातसं त्‍वःतेत्‍यंबलय् त्‍वःतके मब्‍यूसे स्‍याये यंकि धकाः धाल।

२ कोरिन्‍थी 3:18

थुकथं झीगु ख्‍वाः उलातःगुलिं प्रभुयागु जलं झल झल थिनाच्‍वंगु दु। प्रभुयागु जलं झीपिं नं न्‍हियान्‍हिथं प्रभु थें जुइत छगू जलं मेगु जलय् हिला वनाच्‍वनागु दु।

एफिसी 1:12

झीपिं ख्रीष्‍टयाके भरोसा तयापिं दक्‍वसिबय् न्‍हापां हे ल्‍ययातःपिं खः। उकिं परमेश्‍वरयात झीसं तःधंके।

एफिसी 2:7

झीत परमेश्‍वरं दया माया यानादी धकाः सीके बीत थथे यानादीगु खः। थ्‍व दया माया ख्रीष्‍ट येशूपाखें परमेश्‍वरं झीत न्‍ह्याबलेंया निंतिं क्‍यनादीगु दु।

एफिसी 3:10

आः ला मण्‍डलीपाखें आकाशय् राज्‍य याइपिं व अधिकार दुपिन्‍त परमेश्‍वरयागु तःधंगु ज्ञान सीके बीत थथे थ्‍व गुप्‍ति खँ उलादीगु खः।

फिलिप्‍पी 2:11

अले परमेश्‍वर बाःयात तःधंकेत फुक्‍कसिनं येशू ख्रीष्‍ट हे “प्रभु” खः धकाः थः नाला कायेमाः।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ पत्रुस 4:11

नवाइम्‍हय्‌सिनं परमेश्‍वरयागु खँ जक नवाना जुइमाः। कर्पिन्‍त ग्‍वाहालि यानाजुइपिन्‍सं परमेश्‍वरं बियादीगु बलं फक्‍व ग्‍वाहालि याना जुइमाः। येशू ख्रीष्‍टयापाखें छिमिसं फुक्‍क ज्‍यां परमेश्‍वरयात तःधंका जुइमाः। परमेश्‍वर न्‍ह्याबलें तःधना च्‍वनेमा। आमेन।