यूहन्‍ना 13:3 - नेवाः बाइबल

³ बाःनं फुक्‍कं वय्‌कःयागु ल्‍हातय् बियादीगु दु, अले वय्‌कः परमेश्‍वरयाथासं झाःगु खः, अले परमेश्‍वरयाथाय् तुं वने त्‍यइन धकाः वय्‌कलं स्‍यू।

यूहन्‍ना 13:3 ပူးပေါင်းရင်းမြစ်များ

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

लूका 10:22

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू। बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका बीपिन्‍सं जक बाःयात म्‍हसी।”

यूहन्‍ना 1:18

परमेश्‍वरयात सुनानं गुबलें हे खंगु मदु। अय्‌नं बाः नाप च्‍वंम्‍ह याकः काय्‌नं हे वय्‌कःयात क्‍यनादीगु दु।

यूहन्‍ना 13:1

छुत्‍काराया नखः न्‍ह्यः येशूं थ्‍व संसारं बाःयाथाय् वनेगु ई वल धकाः सीकाः संसारय् च्‍वंपिं थः चेलातय्‌त माया यानादिल। वय्‌कलं अन्‍ततक हे इमित माया यानादिल।

यूहन्‍ना 17:2

छिं काय्‌यात बियादिक्‍व मनूतय्‌त अनन्‍त जीवन बीत फुक्‍क मनूतय्‌त वयागु ल्‍हातय् तयादीगु दु।

यूहन्‍ना 3:13

स्‍वर्गं क्‍वहां वःम्‍ह मनूया काय् बाहेक सुं नं स्‍वर्गय् थाहां वंगु मदुनि।

यूहन्‍ना 3:35

परमेश्‍वर बाःनं थःकाय्‌यात माया यानादीगुलिं फुक्‍कं वय्‌कःयागु ल्‍हातिइ बियादीगु दु।

यूहन्‍ना 7:29

जिं वय्‌कःयात म्‍हस्‍यू, छाय्‌धाःसा जि वय्‌कःयाथासं हे वयागु खः। वय्‌कलं हे जितः छ्वयाहयादीगु खः।”

यूहन्‍ना 7:33

येशूं इमित धयादिल – “छुं ई तक जक जि छिमिथाय् दइतिनि, अले लिपा जि जितः छ्वया हयादीम्‍हय्‌सिथाय् तुं वने।

यूहन्‍ना 8:14

वय्‌कलं इमित लिसः बियादिल – “जिं जिगु हे खँय् साक्षी बियाच्‍वना सां जिगु साक्षी सत्‍य खः, छाय्‌धाःसा जि गनं वयाम्‍ह खः, अले गन वने त्‍यनाम्‍ह खः धकाः जिं स्‍यू, अय्‌नं छिकपिन्‍सं धाःसा जि गनं वइ, अले गन वनी धकाः सी मखु।

यूहन्‍ना 8:42

वय्‌कलं धयादिल – “परमेश्‍वर छिकपिनि बाः खः धयागु जूसा छिकपिन्‍सं जितः माया यानादी माःगु खः, छाय्‌धाःसा जितः वय्‌कलं छ्वया हयादीगुलिं जि वयाच्‍वनागु खः। जि थःगु हे इच्‍छां वयागु मखु, बरु वय्‌कलं हे जितः छ्वयाहयादीगु खः।

प्रेरित 2:36

“उकिं छिकपिन्‍सं यख्‍खानाः स्‍याःम्‍ह येशूयात हे परमेश्‍वरं प्रभु व मुक्ति बीम्‍ह ख्रीष्‍ट यानादिल धयागु खँ फुक्‍क इस्राएलीतय्‌सं सीकेमाः।”

१ कोरिन्‍थी 15:27

धर्मशास्‍त्रय् नं थथे च्‍वयातःगु दु – “परमेश्‍वरं फुक्‍कं ख्रीष्‍टयागु पालि तःले तयादी।” “फुक्‍कं” धाल धकाः परमेश्‍वरयात धाःगु मखु, छाय्‌धाःसा फुक्‍कं ख्रीष्‍टयागु पालि तःले तयादीम्‍ह ला वय्‌कः हे खः।

हिब्रू 1:2

तर आः दक्‍वसिबय् लिपा वय्‌कः थः काय्‌पाखें झीपिंलिसें नवानादीगु दु। काय्‌यात हे वय्‌कलं फुक्‍क सृष्‍टिया हामा यायेत ल्‍ययादिल। वय्‌कःपाखें हे थ्‍व संसारयागु सृष्‍टि यानादिल।