यूहन्‍ना 13:24 - नेवाः बाइबल

²⁴ उकिं सिमोन पत्रुसं वयात मिखा भाय् यानाः धाल – “वय्‌कलं धयादीम्‍ह मनू सु खः, छं स्‍यू ला?”

यूहन्‍ना 13:24 ပူးပေါင်းရင်းမြစ်များ

लूका 1:22

पिहां वःबलय् जकरियां नवाय् मफु। थ्‍व खनाः इमिसं देगलय् दुने परमेश्‍वरं वयात दर्शन बिल जुइ धकाः थुइकाकाल। वं इमित ल्‍हाःभाय् यानाक्‍यन। अबलय् निसें व पाकः हे जुयाच्‍वन।

लूका 5:7

अय्‌जूगुलिं इमिसं पासापिन्‍त ग्‍वाहालि याः वा धकाः ल्‍हाःभाय् यानाः सःतल। इपिं वयाः जाः साला काःबलय् निगः नांचा जाय्‌क न्‍या दत। न्‍या यक्‍व दुगुलिं नांचा निगलं लखय् तुना वनी थें च्‍वन।

यूहन्‍ना 13:23

वय्‌कलं यक्‍व माया यानादीम्‍ह छम्‍ह चेला नयाच्‍वंबलय् वय्‌कःयागु छातिइ लिधनाच्‍वंगु दु।

यूहन्‍ना 13:25

अले येशूयागु छातिइ लिधना च्‍वंम्‍ह चेलां वय्‌कःयाके न्‍यन “प्रभु, व मनू सु खः?”

प्रेरित 12:17

अले वं इमित हाले मते धकाः ल्‍हाःभाय् यानाः प्रभुं वयात गुकथं झ्‍यालखानां पित ब्‍वना हयादिल धयागु खँ फुक्‍क कन। वं इमित – “थ्‍व खँ याकूब व मेपिं विश्‍वासीतय्‌त नं धयाब्‍यु” धकाः धयाः अनं मेथाय् वन।

प्रेरित 13:16

अले पावलं दनाः ल्‍हाःभाय् यानाः थथे धाल – “इस्राएली दाजुकिजापिं व परमेश्‍वरयात मानय् याइपिं, जिगु खँ न्‍यनादिसँ।

प्रेरित 21:40

तःधंम्‍ह कप्‍तानं “नवा” धकाः धाःगुलिं पावलं त्‍वाथलय् दनाः सकसितं सुम्‍क च्‍वनेत ल्‍हाःभाय् यात। इपिं सुम्‍क च्‍वनेवं वं हिब्रू भाषां थथे धाल –