यूहन्‍ना 13:22 - नेवाः बाइबल

²² सुयात थथे धयादीगु खः धकाः थुइके मफुगुलिं चेलात थःथवय् ख्‍वाः स्‍वयाः वातां जुयाच्‍वन।

यूहन्‍ना 13:22 ပူးပေါင်းရင်းမြစ်များ

उत्‍पत्ति 42:1

मिश्रय् अन्‍न दु धकाः सिसेंलि याकूबं थः काय्‌पिन्‍त धाल, “छिपिं छाय् छुं मयासें ल्‍हाः प्‍वःचिनाच्‍वनागु?

मत्ती 26:21

नयाच्‍वंबलय् वय्‌कलं धयादिल – “जिं छिमित खःगु खँ धाये – छिपिं मध्‍ये हे छम्‍हय्‌सिनं जितः धोखा बी।”

मत्ती 26:22

थ्‍व न्‍यनाः इमिसं तसकं नुगः मछिंकल। अले छम्‍ह छम्‍हय्‌सिनं थथे धाल – “छिं जितः हे धयादियागु ला मखु ला प्रभु?”

मर्कूस 14:18

नयाच्‍वंबलय् वय्‌कलं थथे धयादिल – “जिं छिमित धात्‍थें धाये, छिपिं मध्‍ये हे जि नाप नयाच्‍वंम्‍ह छम्‍हय्‌सिनं जितः धोखा बी।”

मर्कूस 14:19

थ्‍व न्‍यनाः इमिसं तसकं नुगः मछिंकल। अले छम्‍ह छम्‍हय्‌सिनं थथे धाल – “छिं जितः हे धयादियागु ला मखु प्रभु?”

लूका 22:21

“तर न्‍यँ, जितः ज्‍वंका छ्वइम्‍ह मनू जि नाप हे फ्‍यतुनाच्‍वंगु दु।

लूका 22:23

अले इपिं थःथवय् थथे धकाः खँ ल्‍हात – “झीगु पुचलय् अथे याइम्‍ह मनू सु जुइ?”

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 13:21

येशूं थथे धयादी धुंकाः तसकं नुगः मछिंकादिल, अले धयादिल – “जिं छिमित खःगु खँ धाये – छिपिं मध्‍ये छम्‍हय्‌सिनं जितः धोखा बी।”