यूहन्‍ना 13:21 - नेवाः बाइबल

²¹ येशूं थथे धयादी धुंकाः तसकं नुगः मछिंकादिल, अले धयादिल – “जिं छिमित खःगु खँ धाये – छिपिं मध्‍ये छम्‍हय्‌सिनं जितः धोखा बी।”

यूहन्‍ना 13:21 ပူးပေါင်းရင်းမြစ်များ

मत्ती 26:21

नयाच्‍वंबलय् वय्‌कलं धयादिल – “जिं छिमित खःगु खँ धाये – छिपिं मध्‍ये हे छम्‍हय्‌सिनं जितः धोखा बी।”

मत्ती 26:38

वय्‌कलं इमित धयादिल – “नुगः मछिनाः जिगु छाति हे तज्‍याइ थें च्‍वनाच्‍वन। छिपिं मद्यंसे थन हे च्‍वनाच्‍वँ।”

मर्कूस 14:18

नयाच्‍वंबलय् वय्‌कलं थथे धयादिल – “जिं छिमित धात्‍थें धाये, छिपिं मध्‍ये हे जि नाप नयाच्‍वंम्‍ह छम्‍हय्‌सिनं जितः धोखा बी।”

मर्कूस 3:5

इमिगु नुगः छाःगु खनाः नुगः मछिंकाः तमं इमिथाय् मिखा ब्‍वयाः व मनूयात धयादिल – “ल्‍हाः तप्‍यंकी।” अले वं ल्‍हाः तप्‍यंकल। थथे गंगु ल्‍हाः लाल।

यूहन्‍ना 11:33

थुकथं मरियम अले व नाप वःपिं यहूदीत ख्‍वयाच्‍वंगु खनाः वय्‌कःयात तसकं नुगः मछिन।

यूहन्‍ना 11:35

येशू ख्‍वयादिल।

यूहन्‍ना 11:38

थुकथं तसकं नुगः मछिंकाः वय्‌कः चिहानय् झाल। थ्‍व चिहान छगू गुफाय् लाः। थुकियागु प्‍वाः ल्‍वहं छगलं तिनातःगु खः।

यूहन्‍ना 12:27

“जिगु नुगलय् तसकं दुःख जुयाच्‍वंगु दु। उकिं जिं छु धाये? ‘बाः, थ्‍व इलं जितः बचय् यानादिसँ’ धायेगु ला? मखु, थुलि हे जुइकेत जि वयाच्‍वनागु खः।

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 13:2

बहनी नयाच्‍वंबलय् येशूयात धोखा बीगु खँ सिमोनया काय् यहूदा इस्‍करियोतयागु मनय् शैतानं तयाबी धुंकल।

यूहन्‍ना 13:22

सुयात थथे धयादीगु खः धकाः थुइके मफुगुलिं चेलात थःथवय् ख्‍वाः स्‍वयाः वातां जुयाच्‍वन।

प्रेरित 17:16

एथेन्‍सय् सिलास व तिमोथीयात पियाच्‍वंबलय् पावलं अन मूर्तिया मूर्ति जक खनाः तसकं नुगः मछिंकल।

१ यूहन्‍ना 2:19

इपिं झीगु पुचलं पिहां वने धुंकल, छाय्‌धाःसा इपिं झी मनूत मखु। इपिं झी मनूत खःसा झीपिं नाप हे च्‍वनीगु खः। झीगु पुचलं पिहां वंगुलिं इपिं झी मनूत मखु धकाः सीदत।