यूहन्‍ना 13:19 - नेवाः बाइबल

¹⁹ जुइ न्‍ह्यः हे जिं थथे जुइ धकाः धयागुलिं थथे जुल धाय्‌वं जि व हे खः धकाः छिमिसं विश्‍वास याइ।

यूहन्‍ना 13:19 ပူးပေါင်းရင်းမြစ်များ

यशैया 41:23

आः जू वइगु खँ जिमित धयाब्‍यु, गुकिं यानाः जिमिसं छिपिं हे द्यः खः धकाः सीके फइ। भिं व मभिंगु न्‍ह्यागु सां छुं या, कि जिपिं ग्‍याये माली अले भय कयाः च्‍वनेमाली।

यशैया 43:10

परमप्रभुं धयादी, “अय् इस्राएलया मनूत, छिपिं जिगु साक्षी व जिं ल्‍ययापिं दास खः।” छिमिसं जितः म्‍हसीकेगु व विश्‍वास याये फयेमा, अले जि परमेश्‍वर खः धकाः थुइके फयेमा। मेपिं द्यःतय्‌त दय्‌के न्‍ह्यः हे जि दु, मेपिं फुक्‍क द्यःत मदये धुंकाः नं जि दइ।

यशैया 48:5

अथे जुयाः जिं छन्‍त थुपिं खँत न्‍हापा हे धया। अले जिं छन्‍त न्‍हापा हे थ्‍व जुइ न्‍ह्यः हे धयाबियागु खः, छं थथे धाये मफयेमा धकाः, ‘जिगु द्यःतय्‌सं थुपिं याःगु खः। जिगु सिँ व ढलोटं दय्‌काः तःगु मूर्तितय्‌गु आज्ञां थथे जूगु खः।’

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

मत्ती 11:3

“झायादी माःम्‍ह छि हे खः ला कि जिमिसं मेम्‍हय्‌सिगु लँ स्‍वयाच्‍वनेमाः नि?”

मत्ती 24:25

स्‍व, थथे जुइतिनि धकाः जिं छिमित न्‍हापां हे धयाबियागु दु।”

लूका 21:13

थुकथं छिमिसं इमिगु न्‍ह्यःने जिगु साक्षी बी खनी।

यूहन्‍ना 1:15

वय्‌कःयागु खँ कँकं यूहन्‍नां थथे धाल – “जि स्‍वयाः लिपा झाइम्‍ह जि स्‍वयाः नं तःधंम्‍ह खः छाय्‌धाःसा वय्‌कः जि बुइ न्‍ह्यःनिसें दुम्‍ह खः। अले जिं धयाम्‍ह वय्‌कः हे खः।”

यूहन्‍ना 14:29

जुइ न्‍ह्यः हे थथे जुइ धकाः जिं छिमित धयाबिया, उकिं थथे जुल कि जिं धयागु खँ छिमिसं विश्‍वास याइ।

यूहन्‍ना 16:4

इमिसं थथे याइ धकाः जिं धयागु खँ छिमिसं लुमंकेमा धकाः जिं थ्‍व खँ धयाच्‍वनागु खः। न्‍हापांनिसें हे जि छिपिंलिसे दुगुलिं जिं थ्‍व खँ मकनागु खः।”

यूहन्‍ना 4:26

वय्‌कलं धयादिल – “छनापं नवाना च्‍वनाम्‍ह जि, व हे खः।”

यूहन्‍ना 8:28

उकिं वय्‌कलं थथे धयादिल – “गुबलय् छिमिसं मनूया काय्‌यात यख्‍खाइ, अबलय् तिनि छिमिसं जि सु खः धकाः सी। जिं थःयसें छुं नं मयाना, बरु बाःनं गुकथं स्‍यनादिल उकथं हे नवाना वन धकाः नं छिमिसं थुइ।

यूहन्‍ना 8:58

वय्‌कलं इमित लिसः बियादिल – “जिं छिकपिन्‍त खःगु खँ धाये – अब्राहाम स्‍वयाः न्‍हापांनिसें हे जि दु।”