यूहन्‍ना 13:18 - नेवाः बाइबल

¹⁸ “जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 13:18 ပူးပေါင်းရင်းမြစ်များ

भजनसंग्रहया सफू 41:9

छपाः हे भुइ नयाम्‍ह जिमि छम्‍ह स्‍याःन्‍याःम्‍ह पासा तकं जिगु विरोधय् वन। वयात जिं तसकं विश्‍वास यानातयागु खः।

यर्मिया 41:2

नतन्‍याहया काय् इश्‍माएल व झिम्‍ह मनूतय्‌सं दनाः बेबिलोनयाम्‍ह जुजुं उगु देशया बडाहाकिम ल्‍यःम्‍ह शापानया छय्, अहीकामया काय् गदल्‍याहयात तरवारं पालाः स्‍यानाबिल।

मत्ती 10:36

मनूतय् शत्रुत थःगु छेँय् च्‍वंपिं हे जुइ।’

मत्ती 26:21

नयाच्‍वंबलय् वय्‌कलं धयादिल – “जिं छिमित खःगु खँ धाये – छिपिं मध्‍ये हे छम्‍हय्‌सिनं जितः धोखा बी।”

मत्ती 26:23

वय्‌कलं धयादिल – “जि नाप ख्‍वलाय् मरि थुनीम्‍हय्‌सिनं जितः धोखा बी।

मर्कूस 14:17

बहनी जूबलय् येशू झिंनिम्‍हं चेलात ब्‍वनाः झाल।

मर्कूस 14:18

नयाच्‍वंबलय् वय्‌कलं थथे धयादिल – “जिं छिमित धात्‍थें धाये, छिपिं मध्‍ये हे जि नाप नयाच्‍वंम्‍ह छम्‍हय्‌सिनं जितः धोखा बी।”

मर्कूस 14:20

वय्‌कलं धयादिल – “छिपिं झिंनिम्‍ह मध्‍ये छम्‍ह, जि लिसे भुइ मरि थुनाः नयाच्‍वम्‍ह।

लूका 22:21

“तर न्‍यँ, जितः ज्‍वंका छ्वइम्‍ह मनू जि नाप हे फ्‍यतुनाच्‍वंगु दु।

यूहन्‍ना 13:21

येशूं थथे धयादी धुंकाः तसकं नुगः मछिंकादिल, अले धयादिल – “जिं छिमित खःगु खँ धाये – छिपिं मध्‍ये छम्‍हय्‌सिनं जितः धोखा बी।”

यूहन्‍ना 13:22

सुयात थथे धयादीगु खः धकाः थुइके मफुगुलिं चेलात थःथवय् ख्‍वाः स्‍वयाः वातां जुयाच्‍वन।

यूहन्‍ना 13:26

वय्‌कलं लिसः बियादिल – “जिं थ्‍व मरि कुचा ख्‍वलाय् थुनाः सुयात बी, व हे खः।” अले वय्‌कलं मरि कुचा ख्‍वलाय् थुनाः सिमोन इस्‍करियोतया काय् यहूदायात बियादिल।

यूहन्‍ना 15:16

छिमिसं जितः ल्‍यःगु मखु, बरु जिं छिमित ल्‍ययागु खः, उकिं थाय् थासय् वनाः छिमिसं फल सय्‌कि। छिमिगु फल सदां सयाच्‍वनेमा धकाः जिं छिमित ल्‍ययाः छ्वयागु खः। अले छिमिसं जिगु नामं बाःयाके न्‍ह्यागु फ्‍वंसां छिमित बियादी।

यूहन्‍ना 15:19

छिपिं संसारयापिं मनूत जूगु जूसा संसारं छिमित थःपिं धकाः माया याइगु, तर जिं छिमित संसारं ल्‍यये धुनागुलिं छिपिं संसारयापिं मखुत, उकिं इमिसं छिमित यय्‌की मखु।

यूहन्‍ना 15:25

व्‍यवस्‍थाय् थथे च्‍वयातःगु खँ पूवंकेत हे थथे जूगु खः – ‘छुं म्‍वाय्‌क हे इमिसं जितः हेला यात।’

यूहन्‍ना 17:12

संसारय् इपिं नाप च्‍वंतले जिं छिगु नामय् इमित बचय् याना तया। छिं जितः बियादीपिं सुं नं जिं तंकागु मदु। अय्‌नं धर्मशास्‍त्रय् च्‍वया तः थें नाश जुइमाःम्‍ह छम्‍ह जक नाश जुयावन, मेपिं सुं नं नाश मजू।

यूहन्‍ना 18:32

थः गथे जुयाः सी मानि धकाः वय्‌कलं धयादीगु वचन पूवनेमा धकाः थथे जूगु खः।

यूहन्‍ना 19:24

उकिं इमिसं थथे धकाः सल्‍लाह यात – “थ्‍व लंयात मखुसे चिट्ठा तये माल, सुयात चिट्ठा लाइ वयागु हे जुइ।” धर्मशास्‍त्रय् थथे च्‍वयातःगु पूवनेमा धकाः इमिसं थथे याःगु खः – “इमिसं जिगु लं चिट्ठा तयाः थःथवय् इनाकाइ।”

यूहन्‍ना 19:36

धर्मशास्‍त्रय् च्‍वयातःगु थ्‍व खँ पूवनेमा धकाः थथे जूगु खः – “वय्‌कःयागु क्‍वँय् छकुचा हे नं त्‍वधुली मखु।”

यूहन्‍ना 21:17

वय्‌कलं हानं स्‍वक्‍वः खुसि धयादिल – “यूहन्‍नाया काय् सिमोन, छं जितः माया याना ला?” “छं जितः माया याना ला” धकाः वय्‌कलं स्‍वकः तक न्‍यनादीगुलिं पत्रुसं नुगः मछिंकाः थथे धाल – “प्रभु, छिं फुक्‍कं स्‍यू, जिं छितः माया याः धकाः नं छिं स्‍यू।” अले वय्‌कलं धयादिल – “जिमि फैचातय्‌त ज्व।

यूहन्‍ना 6:70

वय्‌कलं इमित धयादिल – “छिपिं झिंनिम्‍हय्‌सितं जिं हे ल्‍ययागु, मखु ला? अय्‌नं छिपिं मध्‍ये छम्‍ह शैतानयाम्‍ह दु।”

प्रेरित 1:16

“दाजुकिजापिं, येशूयात ज्‍वंकूम्‍ह यहूदाया खँय् न्‍हापां हे दाऊदया म्‍हुतुं पवित्र आत्‍मां नवाःगु खँ धर्मशास्‍त्रय् च्‍वयातःगु खः। थथे जुइ हे माःगु खः, अले जु नं जुल।

प्रेरित 1:2

वय्‌कलं ल्‍ययादीपिं प्रेरिततय्‌त पवित्र आत्‍मां आज्ञा बियादी धुंकाः स्‍वर्गय् झायादीगु खँ तक च्‍वयागु दु।

२ कोरिन्‍थी 4:5

थथे जिमिसं “जिपिं तःधं” धकाः न्‍यंकागु मखु, बरु येशू ख्रीष्‍ट “प्रभु खः” धकाः न्‍यंकागु खः। अय्‌जूगुलिं येशूयागु निंतिं जिपिं छिमि दासत थें जुयाच्‍वनागु दु।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

प्रकाश 2:23

वया मस्‍तय्‌त जिं स्‍यानाबी। मनूतय्‌गु मन व नुगः वातुवालाः स्‍वइम्‍ह जि हे खः धकाः अले जक फुक्‍क मण्‍डलीं सीका काइ। छिमिसं याना जूगु ज्‍या स्‍वयाः जिं नं छिमित माःगु याये।