17 थ्व खँ छिमिसं सीकाः यात धाःसा छिपिं धन्यपिं जुइ।
नोआं परमेश्वरं धाःथें फुक्कं यात।
हे परमप्रभु! थुकिं जि छिकपिनि दासयात ज्ञां बी। थुकियात मानय् यानाः जितः तःधंगु सिरपाः दत।
मोशां फुक्क ज्या परमप्रभुं वयात उजं बियादीगुकथं हे यात।
परमेश्वरं क्यंगु लँय् मजूपिं मनूत यःयःथें जुइ। परमेश्वरया व्यवस्था मानय् याइपिं मनूत धन्य जुइ।
परमप्रभुं जितः धयादिल, “यहूदाया फुक्क शहर व यरूशलेमया गल्लि गल्लिइ वनाः थथे धाधां थ्व फुक्क वचन न्यंकि– छिमिसं थ्व बाचाया शर्त ध्यान बियाः न्यँ, अले उकियात पालन या!
अले जिगु आज्ञा पालन याकेत व जिगु नियमत बांलाक मानय् याकेत, जिं जिगु आत्मा छिमिके तयाबी
छाय्धाःसा सुनां स्वर्गय् च्वनादीम्ह जिमि बाःनं धाःथें याना जुइ व हे जिमि किजा, जिमि केहेँ व जिमि मां खः।”
अले वय्कलं लिसः बियादिल – “अथे मखु, परमेश्वरयागु वचन न्यनाः व थें याइम्ह हे धन्यम्ह खः।”
जिगु आज्ञा मानय् याःसा छिपिं धात्थें हे जिमि पासापिं खत।
परमेश्वरया न्ह्यःने व्यवस्था न्यँ जक न्यनीपिं मनूत धर्मी जुइ मखु, व्यवस्थाय् च्वया तः थें याइपिं हे जक धर्मी जुइ।
झीपिं ख्रीष्टनाप मिलय् जुइ धुन धाःसा म्हय् चिं तःसां मतःसां छुं नं पाइ मखु। झीत माःगु ला विश्वास खः। थ्व हे विश्वासं यानाः झीसं माया याये फइ।
सुनां मुक्ति बीगु सिद्धगु परमेश्वरयागु व्यवस्था ब्वनाः थुइकाः अथे हे याइ, अले ल्वःमंकी मखु, व हे धन्यम्ह खः। वं याःगु फुक्क ज्याय् परमेश्वरं आशिष बियादी।
अय्जूगुलिं सीक सीकं नं भिंगु ज्याखँ मयाइम्ह मनूयात पाप लाइ।
थथःगु वसः हियाः यचुसे च्वंक च्वना च्वनीपिं धन्यपिं खः। जीवनयागु सिमाय् सःगु फल इमिसं नयेखनी, अले इपिं ध्वाखां दुने शहरय् नं वने खनी।
