यूहन्‍ना 13:1 - नेवाः बाइबल

¹ छुत्‍काराया नखः न्‍ह्यः येशूं थ्‍व संसारं बाःयाथाय् वनेगु ई वल धकाः सीकाः संसारय् च्‍वंपिं थः चेलातय्‌त माया यानादिल। वय्‌कलं अन्‍ततक हे इमित माया यानादिल।

यूहन्‍ना 13:1 ပူးပေါင်းရင်းမြစ်များ

हितोपदेश 8:31

जि वय्‌कःया संसारय् लय्‌तायाच्‍वना, अले वय्‌कःया मनूतलिसे लय्‌तायाच्‍वना।

यर्मिया 31:3

परमप्रभु पुलांगु इलय् थथे धाधां झीथाय् खनेदय्‌कः झाल, “जिं छन्‍त न्‍ह्याबलें दयाच्‍वनीगु मायां माया यानागु दु। उकिं जिं छन्‍त करुणा यानाः थःथाय् हयागु दु।

मत्ती 26:45

अले वय्‌कलं इमिथाय् झायाः धयादिल – “छिपिं आः तक द्यना च्‍वनातिनि ला? मनूया काय्‌यात पापीतय्‌सं ज्‍वनीगु ई वये धुंकल।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

लूका 22:53

न्‍हियान्‍हिथं छिकपिं नाप देगलय् दुबलय् धाःसा छिकपिन्‍सं जितः मज्‍वं। तर थ्‍व छिकपिनिगु ई खः, अले खिउँया शक्तियागु राज्‍य खः।”

लूका 9:51

स्‍वर्गय् वनेगु ई त्‍यःगुलिं येशू यरूशलेमपाखे वनेगु क्‍वःछिनादिल।

यूहन्‍ना 11:55

अबलय् यहूदीतय्‌गु छुत्‍काराया नखः न्‍ह्यःने थ्‍यंकः वःगुलिं नखः न्‍ह्यः हे थःथपिन्‍त च्‍वख यायेत यक्‍व हे मनूत गां गामं यरूशलेमय् वन।

यूहन्‍ना 12:23

अले वय्‌कलं इमित लिसः बियादिल – “मनूया काय्‌यात तःधंकीगु ई वल।

यूहन्‍ना 13:29

यहूदायाके धिबायागु म्‍हिचा दुगुलिं वयात नखःयात माःगु ज्‍वलं न्‍याके छ्वःगु जुइ, कि मखुसा नये मखंपिन्‍त छुं बी यंकि धकाः धयादीगु जुइ धकाः इपिं मध्‍ये गुम्‍ह गुम्‍हय्‌सिनं मतिइ तल।

यूहन्‍ना 13:3

बाःनं फुक्‍कं वय्‌कःयागु ल्‍हातय् बियादीगु दु, अले वय्‌कः परमेश्‍वरयाथासं झाःगु खः, अले परमेश्‍वरयाथाय् तुं वने त्‍यइन धकाः वय्‌कलं स्‍यू।

यूहन्‍ना 13:34

छगू न्‍हूगु आज्ञा जिं छिमित बीत्‍यना। छिपिं थःथवय् माया याना च्‍वँ। गथे जिं छिमित माया यानागु खः, अथे हे छिमिसं थःथवय् माया यानाच्‍वनेमाः।

यूहन्‍ना 14:28

‘जि वनाः हानं छिमिथाय् तुं वये’ धकाः जिं धयागु खँ ला छिमिसं न्‍यंगु हे दु। छिमिसं जितः माया यानागु खःसा जि बाःयाथाय् वने धकाः धयागु खँ न्‍यनाः, छिपिं लय्‌ताय् माःगु खः, छाय्‌धाःसा बाः जि स्‍वयाः तःधं।

यूहन्‍ना 14:31

जिं बाःयात माया यानाच्‍वनागु दु धकाः संसारं सीमा धकाः बाःनं आज्ञा यानादी थें जिं यानाच्‍वनागु खः। दँ, आः झी थनं वनेनु।”

यूहन्‍ना 16:28

बाःया थासं जि थ्‍व संसारय् वयागु खः। आः थ्‍व संसारयात त्‍वःताः जि हानं बाःयाथाय् तुं लिहां वनेत्‍यना।”

यूहन्‍ना 17:1

थुलि धयादी धुंकाः येशूं स्‍वर्गय् थस्‍वयाः धयादिल – “बाः, ई वये धुंकल, छि काय्‌यात तःधंकादिसँ, अले काय्‌नं नं छितः तःधंकी।

यूहन्‍ना 17:16

गथे जि संसारयाम्‍ह मखु, अथे हे इपिं नं संसारयापिं मखुत।

यूहन्‍ना 17:26

जिं इमित छिगु नां म्‍हसीके बिया। अझ नं जिं सीके बीतिनि। छिं जितः माया यानादी थें इमिसं नं याये फयेमा, अले जि इमिके च्‍वने फयेमा।”

यूहन्‍ना 17:5

बाः, गथे संसार दये न्‍ह्यः छिलिसे दुबलय् छिं जितः तःधंकादिल, आः नं अथे हे तःधंकादिसँ।”

यूहन्‍ना 18:4

वय्‌कलं जुइत्‍यंगु फुक्‍क खँ सीकाः पिहां झायाः इमित धयादिल – “छिमिसं सुयात माला च्‍वनागु?”

यूहन्‍ना 19:28

थुलि जुइ धुंकाः धर्मशास्‍त्रय् च्‍वयातःगु फुक्‍कं खँ पूवने धुंकल धकाः सीकाः येशूं “जितः प्‍याः चाल” धकाः धयादिल।

यूहन्‍ना 2:13

यहूदीतय्‌गु छुत्‍काराया नखः न्‍ह्यःने थ्‍यंगुलिं येशू यरूशलेमय् झाल।

यूहन्‍ना 6:4

थुबलय् यहूदीतय्‌गु छुत्‍काराया नखः न्‍ह्यःने थ्‍यनाच्‍वंगु खः।

यूहन्‍ना 7:30

थ्‍व न्‍यनाः इमिसं वय्‌कःयात ज्‍वनेत स्‍वल। तर सुनानं ज्‍वने मफुत, छाय्‌धाःसा वय्‌कःयागु ई मवःनि।

यूहन्‍ना 7:6

उकिं वय्‌कलं इमित थथे धयादिल – “जिगु ई आः तक मवःनि। छिमिगु लागि न्‍ह्यागु ई नं ठीक जू।

यूहन्‍ना 8:20

थ्‍व खँ वय्‌कलं देगलय् स्‍यनेकने यानादीबलय् भेटी तइगु बाकसया न्‍ह्यःने धयादीगु खः। वय्‌कःयात सुनानं मज्‍वं, छाय्‌धाःसा वय्‌कःयागु ई मवःनि।

रोमी 8:37

अय्‌नं झीसं दुःखकष्‍ट सी माःसां झीत माया यानादीम्‍हय्‌सिनं यानाः झीपिं त्‍याका वःपिं स्‍वयाः नं तःधंपिं खः।

१ कोरिन्‍थी 1:8

झी प्रभु येशू ख्रीष्‍ट झायादीबलय् तक परमेश्‍वरं छिमित विश्‍वासय् क्‍वात्तुकाः द्वं मदुम्‍ह यानातयादी।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

हिब्रू 3:6

ख्रीष्‍ट धाःसा परमेश्‍वरयागु छेँय् अधिकार दुम्‍ह काय् थें विश्‍वास याये बहःम्‍ह जुयादिल। झीसं आशा याना थें उत्‍थें साहस व भरोसा तयाच्‍वन धाःसा झीपिं हे परमेश्‍वरया छेँ जुइ।

हिब्रू 6:11

थुकथं हे छिमिसं मन तयाः लिपा तकं कुतः यानाच्‍वनी धकाः जिमिसं मनं तुनाच्‍वना। अले छिमिगु आशा नं पूवनी।

१ पत्रुस 1:13

अथे जूगुलिं छिमिसं थःगु मन थातय् लाकाः होश‍ यानाच्‍वँ। येशू ख्रीष्‍ट झायादीबलय् बी तिनिगु परमेश्‍वरयागु आशिषय् पूरा भरोसा तया च्‍वँ।

१ यूहन्‍ना 4:19

परमेश्‍वरं झीत न्‍हापालाक माया यानादीगुलिं झीसं नं वय्‌कःयात माया यानागु खः।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।