यूहन्‍ना 12:44 - नेवाः बाइबल

⁴⁴ येशूं तस्‍सलं धयादिल – “जितः विश्‍वास याःपिन्‍सं जितः जक विश्‍वास याःगु मखु, बरु जितः छ्वया हयादीम्‍हय्‌सित विश्‍वास याःगु खः।

यूहन्‍ना 12:44 ပူးပေါင်းရင်းမြစ်များ

हितोपदेश 1:20

बुद्धि सतकय् सतकय् च्‍वनाः चिल्‍लाय् दनाच्‍वंगु दु। चुकय् चुकय् च्‍वनाः वं सः तयाच्‍वंगु दु।

हितोपदेश 8:1

न्‍यँ, बुद्धिं सःताच्‍वंगु दु, लिग्‍यानं थःगु सः तस्‍सः यानाच्‍वंगु दु।

मत्ती 10:40

“छिमित दुकाःम्‍हय्‌सिनं जितः दुकाःगु जुइ। जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु जुइ।

मर्कूस 9:23

अले वय्‌कलं धयादिल – “जिं याये फु धकाः छं विश्‍वास याःसा मजी माःगु छु दु धकाः? विश्‍वास याःपिन्‍त ला फुक्‍कं जुइ।”

मर्कूस 9:37

“सुनां जिगु नामय् थज्‍याःम्‍ह मचायात लसकुस याइ, वं जितः हे लसकुस याःगुति ग्‍यनी। सुनां जितः लसकुस याइ वं जितः लसकुस याःगु मखु, जितः छ्वया हःम्‍हय्‌सित लसकुस याःगु खः।”

यूहन्‍ना 11:43

थुलि धयाः वय्‌कलं तस्‍सलं सःतादिल – “अय् लाजरस, पिहां वा।”

यूहन्‍ना 13:20

जिं छिमित खःगु खँ धाये – जिं छ्वया हयाम्‍हय्‌सित दुकाःम्‍हय्‌सिनं जितः हे दुकाःगु ति ग्‍यनी। अथे हे जितः दुकाःम्‍हय्‌सिनं जितः छ्वया हयादीम्‍हय्‌सित दुकाःगु ति ग्‍यनी।”

यूहन्‍ना 5:24

“जिं छिमित खःगु खँ धाये – जिगु खँ न्‍यनाः जितः छ्वया हःम्‍हय्‌सित सुनां विश्‍वास याइ, वयात अनन्‍त जीवन दइ। थज्‍याःम्‍ह मनूयागु न्‍याय जुइ मखु, बरु सीम्‍वाय्‌क अनन्‍त जीवन दये धुंकी।”

यूहन्‍ना 7:28

देगलय् स्‍यनादीबलय् येशूं तस्‍सलं थथे धयादिल – “छिकपिन्‍सं जितः म्‍हस्‍यू, जि गनयाम्‍ह धकाः नं छिकपिन्‍सं स्‍यू। जि थःयसें वयागु मखु, जितः छ्वयाहयादीम्‍ह सत्‍य परमेश्‍वर खः, छिकपिन्‍सं धाःसा वय्‌कःयात म्‍हमस्‍यू।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।