यूहन्‍ना 12:16 - नेवाः बाइबल

¹⁶ न्‍हापां ला वय्‌कःया चेलातय्‌संनापं थ्‍व खँ थुइके मफु। येशू सिनाः म्‍वानाः स्‍वर्गय् झाये धुंकाः तिनि इमिसं धर्मशास्‍त्रय् च्‍वयातःगु थ्‍व खँ व लसकुस याःगुया अर्थ थुल।

यूहन्‍ना 12:16 ပူးပေါင်းရင်းမြစ်များ

मर्कूस 16:19

थथे इपिं नाप खँ ल्‍हाये धुंकाः प्रभु येशूयात स्‍वर्गय् थत यंकल। अले वय्‌कः परमेश्‍वरयागु जवय् च्‍वनादिल।

मर्कूस 9:32

इमिसं धाःसा वय्‌कलं धयादीगु खँ बांलाक मथू, अय्‌सां न्‍यनेत ग्‍यात।

लूका 18:34

वय्‌कलं धयादीगु खँ इमिसं छुं हे थुइके मफुत। इमिगु नुगलय् छुं हे खँ दुहां वने मफुत। उकिं इमिसं वय्‌कःयागु खँ थुइके मफुत।

लूका 24:25

अले वय्‌कलं धयादिल – “छिपिं ला मूर्ख मनूत जुयाच्‍वन खनी। अगमवक्तातय्‌सं धाःगु फुक्‍क खँय् विश्‍वास यायेत छिमिसं थाकु चायाच्‍वन।

लूका 24:45

अले धर्मशास्‍त्र थुइके फय्‌केत इमिगु नुगः चाय्‌काः

लूका 9:45

वय्‌कलं अथे धयादीगु इमिसं थुइके मफुत। थुइके मफयेमा धकाः हे थ्‍व खँ त्‍वपुयातःगु खः। अय्‌नं इमिसं वय्‌कःयाके थ्‍व खँ न्‍यनेत ग्‍यात।

यूहन्‍ना 12:23

अले वय्‌कलं इमित लिसः बियादिल – “मनूया काय्‌यात तःधंकीगु ई वल।

यूहन्‍ना 14:26

छिमित ग्‍वाहालि याइम्‍ह पवित्र आत्‍मायात जिगु नामय् बाःनं छ्वयाहयादी। वय्‌कलं हे छिमित माक्‍व खँ स्‍यनादी। अले जिं धयागु फुक्‍क खँ छिमित लुमंकाबी।

यूहन्‍ना 16:4

इमिसं थथे याइ धकाः जिं धयागु खँ छिमिसं लुमंकेमा धकाः जिं थ्‍व खँ धयाच्‍वनागु खः। न्‍हापांनिसें हे जि छिपिंलिसे दुगुलिं जिं थ्‍व खँ मकनागु खः।”

यूहन्‍ना 17:5

बाः, गथे संसार दये न्‍ह्यः छिलिसे दुबलय् छिं जितः तःधंकादिल, आः नं अथे हे तःधंकादिसँ।”

यूहन्‍ना 2:22

वय्‌कः सिनाः हानं म्‍वाना वये धुंकाः चेलातय्‌सं थ्‍व खँ लुमंकल। थथे जूगुलिं इमिसं धर्मशास्‍त्र व येशूं नवानादीगु वचनय् विश्‍वास यात।

यूहन्‍ना 7:39

वय्‌कलं पवित्र आत्‍मायागु खँ धयादीगु खः। वय्‌कःयात विश्‍वास याःपिन्‍त आत्‍मा बियादी। वय्‌कलं आः तक सीम्‍ह म्‍वाका मदीनि सुयातं आत्‍मा बियादीगु मदुनि।

प्रेरित 2:33

परमेश्‍वर बाःनं नं वय्‌कःयात थःगु जवय् तयाः तःधंकादिल। अले परमेश्‍वरं बियादी धकाः धयादीगु पवित्र आत्‍मा वय्‌कःयात बियादिल। थथे वय्‌कलं हे जिमित नं पवित्र आत्‍मा बियादिल। छिकपिन्‍सं ताःगु व खंगु फुक्‍कं पवित्र आत्‍मायागु हे ज्‍या खः।

प्रेरित 2:36

“उकिं छिकपिन्‍सं यख्‍खानाः स्‍याःम्‍ह येशूयात हे परमेश्‍वरं प्रभु व मुक्ति बीम्‍ह ख्रीष्‍ट यानादिल धयागु खँ फुक्‍क इस्राएलीतय्‌सं सीकेमाः।”

प्रेरित 3:13

झी तापाःबाज्‍यापिं अब्राहाम, इसहाक व याकूबया परमेश्‍वरं वय्‌कःया सेवक येशूयात तःधंकादिल। न्‍हापा थ्‍व हे येशूयात छिकपिन्‍सं ज्‍वंकल। अले पिलातसं त्‍वःतेत्‍यंबलय् त्‍वःतके मब्‍यूसे स्‍याये यंकि धकाः धाल।

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।

हिब्रू 8:1

जिमिसं धयाच्‍वनागु मू खँ थ्‍व हे खः – झीके थज्‍याःम्‍ह दकलय् तःधंम्‍ह पुजाहारी दु, गुम्‍ह स्‍वर्गय् परमेश्‍वरया सिंहासनया जवपाखे च्‍वनादी।