यूहन्‍ना 12:13 - नेवाः बाइबल

¹³ उकिं इमिसं ताय्‌गः सिमाया कचामचा ज्‍वनाः– “होसन्‍ना, इस्राएलयाम्‍ह जुजु परमप्रभुयागु नामं झाःम्‍हय्‌सिया जयजय जुइमा” धकाः हा हां वय्‌कःयात लसकुस याः वन।

यूहन्‍ना 12:13 ပူးပေါင်းရင်းမြစ်များ

यशैया 44:6

इस्राएलया जुजु व उद्धार यानादीम्‍ह, दक्‍व शक्ति दुम्‍ह परमप्रभुं थथे धयादी – “जि हे शुरु व अन्‍त खः। जि बाहेक मेपिं सुं नं परमेश्‍वर मदु।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

लेवी 23:40

न्‍हापांगु दिं छिमिसं थःथाय् सःगु भिंभिंगु फल, बल्‍चा दय्‌केत ताय्‌गः सिमाया कचा, ततःमागु सिमाया कचा, लहरे पिपलया कचा ज्‍वनाः न्‍हय्‌न्‍हु तक परमप्रभु छिमि परमेश्‍वरया न्‍ह्यःने लय्‌ताया च्‍वँ।

सपन्‍याह 3:15

परमप्रभुं छंगु सजाँय चीकादीगु दु, वय्‌कलं छिमि शत्रुतय्‌त नं लितछ्वःगु दु। इस्राएलया जुजु, परमप्रभु छनापं दु। आः छ विपत्ति खनाः गुबलें ग्‍याये म्‍वा।

मत्ती 23:39

जिं छिमित धाये – आवंलि छिमिसं प्रभुया नामं झाःम्‍हय्‌सित तःमधंकुतले जितः खनी मखु।”

मत्ती 27:42

“थ्‍वं मेपिन्‍त ला बचय् यात, थःत धाःसा बचय् याये मफुत। इस्राएलीतय् जुजु खः धयागु जूसा क्रूसं क्‍वहां वयाक्‍यँ। अले जिमिसं विश्‍वास याये।

यूहन्‍ना 1:49

वं लिसः बिल – “गुरुजु, छि ला परमेश्‍वरया हे काय् खः। छि ला इस्राएलया जुजु हे खः।”

यूहन्‍ना 12:14

छम्‍ह मचाम्‍ह गधा लुइकाः वय्‌कः उकी हे गयाः झाल। थ्‍व खँ थथे च्‍वयातःगु दु –

यूहन्‍ना 12:15

“हे सियोनया शहरय् च्‍वपिं, ग्‍याये मते, छिमि जुजु गधाया मचा गयाः झायाच्‍वंगु दु।”

यूहन्‍ना 19:15

अले इपिं फुक्‍कं तस्‍सलं हाला हल – “वयात स्‍याये यंकि, वयात स्‍याये यंकि, वयात क्रूसय् यख्‍खानाः स्‍यानाछ्व।” पिलातसं इमित धाल – “छु छिमि जुजुयात जिं क्रूसय् यख्‍खायेगु ला?” अले तःधंपिं पुजाहारीतय्‌सं लिसः बिल – “कैसर स्‍वया जिमि मेम्‍ह जुजु मदु।”

प्रकाश 15:3

परमेश्‍वरया दास मोशां च्‍वयातःगु म्‍ये व चीधिकःम्‍ह भ्‍याःचायागु छपु म्‍ये इमिसं थुकथं हाल – “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु ज्‍या तसकं तःधं व अजू चायापु। जाति जातिया जुजु, छिगु लँपु सत्‍य व पाय्‌छि जु।

प्रकाश 19:16

वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”

प्रकाश 7:9

थुलि जुइ धुंकाः जिं स्‍वयाबलय् जात जातियापिं मनूत, कुल कुलयापिं मनूत व फुक्‍क देश देशयापिं मनूत, थीथी भाषां नवाइपिं मनूत तुयुगु वसतं पुनाः ल्‍हातिइ ताय्‌गः सिमायागु कचा ज्‍वनाः सिंहासन व चीधिकःम्‍ह भ्‍याःचाया न्‍ह्यःने दनाच्‍वंगु जिं खना।