यूहन्‍ना 12:10 - नेवाः बाइबल

¹⁰ उकिं तःधंपिं पुजाहारीतय्‌सं लाजरसयात नं स्‍यायेगु ग्‍वसाः ग्‍वल,

यूहन्‍ना 12:10 ပူးပေါင်းရင်းမြစ်များ

प्रस्‍थान 10:3

उकिं मोशा व हारूनं वनाः फारोयात धाल, “हिब्रूतय् परमप्रभु परमेश्‍वरं थथे धयादी, ‘गुबलय् तक छ जिगु खँ मन्‍यंसे च्‍वनेगु? जिमि मनूतय्‌त जिगु आराधना यायेत वनेब्‍यु।

उपदेशक 9:3

थ्‍व संसारय् याइगु फुक्‍क ज्‍याय् मभिंगु दु। फुक्‍कसिगु छगू हे कथं नाश जुइ। जिवंकाछि हे मनूतय्‌गु नुगलय् मभिंगु व वँय्‌यागु खँ जायाच्‍वनी। अले इपिं सी धुंकूपिंनापं हे मिलय् जू वनी।

मत्ती 12:14

फरिसीतय्‌सं अनं वनाः वय्‌कःयात स्‍यायेगु ग्‍वसाः ग्‍वल।

मत्ती 2:16

ज्‍योतिषीतय्‌सं थथे झंगःलाःगु सीकाः हेरोद तमं मि जुल। अले ज्‍योतिषीतय्‌पाखें नगु खनेदुगु ई सीकातःगु दुगुलिं व हे स्‍वयाः हेरोदं बेथलेहेमय् व वया जःखः च्‍वंगु थासय् च्‍वंपिं निदँ व निदं क्‍वय्‌यापिं मिजंमस्‍तय्‌त स्‍याकेबिल।

लूका 16:31

अले अब्राहामं हानं धाल – ‘मोशायागु व्‍यवस्‍था व अगमवक्तातय्‌गु सफूयात हे इमिसं वास्‍ता मयाःसा सीम्‍ह मनुखं म्‍वाना वनाः धाःगु खँ नं इमिसं विश्‍वास याइ मखु।’”

यूहन्‍ना 11:57

तःधंपिं पुजाहारीत व फरिसीतय्‌सं येशूयात सुनानं खंसा इमित वयाः कं धकाः मनूतय्‌त उजं बियातःगु दु। इमिसं वय्‌कः थन दी धकाः सीवं वनाः ज्‍वनेत थथे याःगु खः।

यूहन्‍ना 12:11

छाय्‌धाःसा वं यानाः यक्‍व हे यहूदीतय्‌सं इमित त्‍वःताः येशूयात विश्‍वास यात।

यूहन्‍ना 12:9

येशू अन दी धकाः सीकाः यक्‍व हे यहूदीत अन वल। इपिं अन वय्‌कः स्‍वयेत जक वःगु मखु, बरु वय्‌कलं म्‍वाकूम्‍ह लाजरसयात नं स्‍वयेत वःगु खः।