यूहन्‍ना 11:44 - नेवाः बाइबल

⁴⁴ अले सीम्‍ह लाजरस पिहां वल। वयात छेनंनिसें तुतिइ तक सुति कापतं हिनातःगु दु। येशूं इमित धयादिल – “कापः फ्‍यनाः वयात वनेब्‍यु।”

यूहन्‍ना 11:44 ပူးပေါင်းရင်းမြစ်များ

उत्‍पत्ति 1:3

परमेश्‍वरं धयादिल, “तुयुगु जः दयेमा।” अले तुयुगु जः दत।

भजनसंग्रहया सफू 33:9

वय्‌कलं धयादिसेंलि संसारया सृष्‍टि जुल। वय्‌कःया उजं दयेवं फुक्‍कं खनेदयावल।

होशे 13:14

“जिं इमित चिहानया शक्तिपाखें मू पुलाः त्‍वतके ला? जिं इमित मृत्‍युपाखें छुत्‍कारा याये ला? अय् मृत्‍यु, छंगु ग्‍यानापुगु ल्‍वय् गन दु? अय् मृत-लोक छंगु नाश यायेगु शक्ति गन दु? “छाय्‌धाःसा जिं इमित दया याये मखुत।

मर्कूस 5:43

वय्‌कलं इमित थ्‍व खँ सुयातं कने मते धकाः उजं बियादिल। मचायात छुं नयेगु नकि धकाः नं धयादिल।

लूका 19:20

“मेम्‍ह च्‍यलं वयाः थथे धाल – ‘मालिक, छिं बिया थकादीगु असर्फि जिके हे दनि। छि खनाः ग्‍याःगुलिं जिं थ्‍व असर्फियात रुमालय् प्‍वःचिनाः स्‍वथना तया।

लूका 7:15

अले ला सीम्‍ह मनुखं दनाः न्‍ववात। अले वय्‌कलं वयात वया मांयात लःल्‍हाना बिल।

यूहन्‍ना 10:30

जि व जिम्‍ह बाः छम्‍ह हे खः।”

यूहन्‍ना 11:39

वय्‌कलं धयादिल – “ल्‍वहं चीकि।” लाजरसया तता मार्थां वय्‌कःयात धाल – “प्रभु, आः ला नवये धुंकल जुइ, सीगु हे प्‍यन्‍हु मछि दये धुंकल।”

यूहन्‍ना 11:43

थुलि धयाः वय्‌कलं तस्‍सलं सःतादिल – “अय् लाजरस, पिहां वा।”

यूहन्‍ना 19:40

निम्‍हय्‌सिनं वय्‌कःयागु सीम्‍हयात क्‍वकयाः यहूदीतय्‌गु चलन कथं भिंगु सुति कापतय् मसला ह्वलाः सीम्‍हयात हीन।

यूहन्‍ना 20:5

क्‍वछुनाः दुने स्‍वःबलय् वं सूती कापः अनसं तुं दुगु खन। अय्‌जूसां व दुहां मवं।

यूहन्‍ना 20:7

वय्‌कःयागु छेनय् हिनातःगु रुमाल धाःसा सूती कापः नाप मदु, तर मेथाय् हे छग्‍वारा चिनाः तयातःगु खन।

यूहन्‍ना 5:21

गथे बाःनं सीपिन्‍त म्‍वाकाः जीवन बियादी, अथे हे काय्‌यात यःपिन्‍त नं काय्‌नं जीवन बियादी।

यूहन्‍ना 5:25

“जिं छिमित खःगु खँ धाये – ई वयाच्‍वंगु दु, अले व ई थ्‍व हे खः – सीपिन्‍संनापं परमेश्‍वरया काय्‌यागु सः ताइ, अले सुनां न्‍यनी, इपिं म्‍वाइ।

फिलिप्‍पी 3:21

वय्‌कलं फुक्‍कयात थःगु ल्‍हातय् कयादी फु। थ्‍व हे शक्तिं वय्‌कलं झीगु थ्‍व बमलाःगु व सिनावनीगु म्‍हयात वय्‌कःयागु थें सिना मवनीगु यानादी।

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।

१ शमूएल 2:6

“परमप्रभुं स्‍यायेगु व जीवन बियेगु नितां यानादी, वय्‌कलं हे मनूतय्‌त पातालय् छ्वयादी अले इमित हाकनं म्‍वाकादी।