यूहन्‍ना 11:41 - नेवाः बाइबल

⁴¹ अले इमिसं ल्‍वहं चीकल। वय्‌कलं च्‍वय् स्‍वयाः धयादिल – “बाः, जिं छितः सुभाय् बी। जिगु खँ छिं न्‍यनादीगु दु।

यूहन्‍ना 11:41 ပူးပေါင်းရင်းမြစ်များ

भजनसंग्रहया सफू 123:1

हे स्‍वर्गया सिंहासनय् च्‍वनादीम्‍ह परमप्रभु, जिं छिपाखे थःगु मिखा ब्‍वये।

मत्ती 11:25

अबलय् येशूं धयादिल – “हे परमेश्‍वर बाः, स्‍वर्ग व पृथ्‍वीया प्रभु, जिं छितः सुभाय् बी, छाय्‌धाःसा छिं थ्‍व खँ सःस्‍यू व थू धाइपिन्‍त न्‍यंका मदिसे छुं मस्‍यूपिं मस्‍तय्‌त न्‍यंकादिल।

मत्ती 11:26

बाः छितः थ्‍व हे भिं ताल।”

मत्ती 27:60

थःगु निंतिं धकाः म्‍हुयातःगु चिहानय् यनाः अन तयाबिल। थुलि याये धुंकाः वं छगः तग्‍वःगु ल्‍वहं ग्‍वारातुइकाः चिहानयागु प्‍वाः तिनाः अनं वन।

मर्कूस 15:46

अले वं भिंगु सुतीकापः न्‍याना हयाः सीम्‍ह येशूयात क्‍वकयाः कापतं हिनाबिल। अले पहाड ह्वखनाः दय्‌कातःगु चिहानय् यंकाः तयाबिल। थुलि यानाः छगः तग्‍वःगु ल्‍वहं गुलु तुइकाः चिहानया प्‍वाः तिनाबिल।

लूका 10:21

अबलय् हे पवित्र आत्‍मां जायाः वय्‌कलं लय्‌तायाः धयादिल – “हे परमेश्‍वर बाः, स्‍वर्ग व पृथ्‍वीया प्रभु, जिं छितः सुभाय् बी, छाय्‌धाःसा छिं थ्‍व खँ सःस्‍यू व थू धाइपिन्‍त न्‍यंका मदिसे छुं मस्‍यूपिं मस्‍तय्‌त न्‍यंकादिल। धात्‍थें हे खः बाः, छितः थ्‍व हे भिं ताल।”

लूका 18:13

“कर काइम्‍ह मनुखं धाःसा तापाकं हे दनाः स्‍वर्गय् तकं थस्‍वये मफयाः नुगः मछिंकाः थथे धाल – ‘परमेश्‍वर, जि पापीयात दया यानादिसँ।’”

लूका 24:2

अन थ्‍यंबलय् इमिसं चिहानयागु लुखा प्‍वाः तिनातःगु ल्‍वहं चीकातःगु खन।

यूहन्‍ना 11:22

आः तक नं छिं परमेश्‍वरयाके न्‍ह्यागु हे फ्‍वंसां छितः बियादी धकाः जिं स्‍यू।”

यूहन्‍ना 17:1

थुलि धयादी धुंकाः येशूं स्‍वर्गय् थस्‍वयाः धयादिल – “बाः, ई वये धुंकल, छि काय्‌यात तःधंकादिसँ, अले काय्‌नं नं छितः तःधंकी।

यूहन्‍ना 20:1

आइतबार खुन्‍हु मरियम मग्‍दलिनी सुथ न्‍हापां खिउँ खिउँ धाःनिबलय् येशूयात तया तःथाय् स्‍वःवंबलय् प्‍वाः तिनातःगु ल्‍वहं चीकातःगु खन।

प्रेरित 7:55

स्‍तिफनसं धाःसा पवित्र आत्‍मां जायाः स्‍वर्गय् थस्‍वःबलय् जल्‍ल थीम्‍ह परमेश्‍वर व वय्‌कःयागु जवय् येशू दनाच्‍वनादीगु खनाः

फिलिप्‍पी 4:6

छुं खँय् नं पीर काये मते। छिमित माःगु खँ प्रार्थना यानाः सुभाय् बियाः परमेश्‍वरयात बिन्‍ति या।