यूहन्‍ना 11:36 - नेवाः बाइबल

³⁶ वय्‌कः थथे ख्‍वयादीगुलिं मनूतय्‌सं धाल – “स्‍व, वय्‌कलं वयात गपाय्‌सकं माया यानादी।”

यूहन्‍ना 11:36 ပူးပေါင်းရင်းမြစ်များ

यूहन्‍ना 11:19

यक्‍व हे यहूदीत मार्था व मरियमपिन्‍थाय् इमि किजा सीगुलिं बिचाः वयाच्‍वंगु दु।

यूहन्‍ना 11:3

उकिं मार्था व मरियमं वय्‌कःयात थथे धाय्‌के छ्वयाहल – “प्रभु, छिं माया यानादीम्‍ह जिमि किजा तसकं मफय्‌का च्‍वन।”

एफिसी 5:2

ख्रीष्‍ट येशूं झीत माया यानादी थें छिमिसं नं थःथवय् माया यानाः च्‍वनेगु यायेमाः। ख्रीष्‍टं झीत माया यानाः नस्‍वाःगु देछा व बलिकथं थःत परमेश्‍वरयाथाय् छायादिल।

एफिसी 5:25

ख्रीष्‍ट येशूं मण्‍डलीयात थःगु प्राण बिया तकं माया यानादिल। अथे हे मिजंतय्‌सं नं थः कलाःयात माया यायेमाः।

१ यूहन्‍ना 3:1

स्‍व, परमेश्‍वर बाःनं झीत गुलि माया यानादीगु दु। उकिं हे झीत परमेश्‍वरया सन्‍तान धकाः धाःगु खः, धात्‍थें खः नं खः। अय्‌जूगुलिं हे थ्‍व संसारयापिं मनूतय्‌सं झीत म्‍हमस्‍यूगु, छाय्‌धाःसा इमिसं वय्‌कःयात म्‍हमस्‍यू।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।