यूहन्‍ना 11:26 - नेवाः बाइबल

²⁶ अले म्‍वानाच्‍वंपिं मनूतय्‌सं जितः विश्‍वास याःसा गुबलें हे सी मखु। छिं थ्‍व खँय् विश्‍वास यानादिया ला?”

यूहन्‍ना 11:26 ပူးပေါင်းရင်းမြစ်များ

मत्ती 26:53

जिं ग्‍वाहालि फ्‍वन धाःसा जिमि बाःनं झिंनिगू पल्‍टन स्‍वयाः अप्‍वः स्‍वर्गदूतत छ्वयाहया मदी ला? छिमिसं छु ताय्‌का?

मत्ती 9:28

वय्‌कः छेँ थ्‍यने धुंकाः इपिं नं वय्‌कःयाथाय् वल। अले वय्‌कलं इमिके न्‍यनादिल – “जिं छिमित लाय्‌काबी फु धकाः छिमित विश्‍वास दु ला?” अले इमिसं लिसः बिल – “दु, प्रभु।”

मर्कूस 9:23

अले वय्‌कलं धयादिल – “जिं याये फु धकाः छं विश्‍वास याःसा मजी माःगु छु दु धकाः? विश्‍वास याःपिन्‍त ला फुक्‍कं जुइ।”

यूहन्‍ना 10:28

इमित जिं अनन्‍त जीवन बी। इपिं गुबलें नाश जुइ मखु। जिगु ल्‍हातं इमित सुनानं लाकायंकी मखु।

यूहन्‍ना 14:10

जि बाःयाके, अले बाः जिके दी धकाः छं विश्‍वास मयाना ला? जिं छिमित गुलि नं धया, व जिगुपाखें हे धयागु मखु, बरु जिके दीम्‍ह बाःनं हे थःगु ज्‍या यानादी।

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

यूहन्‍ना 5:24

“जिं छिमित खःगु खँ धाये – जिगु खँ न्‍यनाः जितः छ्वया हःम्‍हय्‌सित सुनां विश्‍वास याइ, वयात अनन्‍त जीवन दइ। थज्‍याःम्‍ह मनूयागु न्‍याय जुइ मखु, बरु सीम्‍वाय्‌क अनन्‍त जीवन दये धुंकी।”

यूहन्‍ना 6:47

“जिं छिमित खःगु खँ धाये, सुनां विश्‍वास याइ, वयाके अनन्‍त जीवन दइ।

यूहन्‍ना 9:35

व मनूयात फरिसीतय्‌सं पितिना हल धयागु न्‍यनाः येशूं वयात नाप लानाः थथे धयादिल – “छं मनूया काय्‌यात विश्‍वास यानादिया ला?”

रोमी 8:13

छिमिसं शरीरयात यःथें याना जुया च्‍वंसा छिपिं सी। शरीरयात यःथें याना मजुसे बरु परमेश्‍वरया आत्‍मायात यःथें याना जूसा छिपिं म्‍वाइ। अथे याना जूसा आत्‍मां छिमिगु यत्‍थेंज्‍याःगु चालचलन त्‍वःतकादी।