यूहन्‍ना 11:2 - नेवाः बाइबल

² थ्‍व हे मरियमं प्रभुयागु तुतिइ भिंगु नस्‍वाःगु चिकनं बुकाः थःगु सं हुया ब्‍यूगु खः। तसकं मफय्‌का च्‍वंम्‍ह लाजरस वया किजा खः।

यूहन्‍ना 11:2 ပူးပေါင်းရင်းမြစ်များ

मर्कूस 14:3

छन्‍हु येशू बेथानियाय् सिमोन कोह्रियागु छेँय् भ्‍वय् नयेत झाःबलय् छम्‍ह मिसा दुरुल्‍वहंयागु थलय् शुद्धगु तसकं थिकेगु व नस्‍वाःगु चिकं ज्‍वनाः वल। अले थलयाःगु पुसा चायेकाः वं चिकनं येशूया छेनय् लुनाबिल।

लूका 7:13

व मिसायात खनाः प्रभुयात माया वन। अले स्‍वये मफयाः वय्‌कलं धयादिल – “ख्‍वये मते।”

लूका 7:19

थ्‍व खँ न्‍यनाः वं निम्‍ह चेलातय्‌त प्रभुयात थथे धाय्‌के छ्वल – “झायादी माःम्‍ह छि हे खः ला कि जिमिसं मेम्‍हय्‌सिगु लँ स्‍वयाच्‍वने मानि?”

यूहन्‍ना 11:21

मार्थां येशूयात धाल – “प्रभु, छि थन दीगु जूसा जिमि किजा सी मखुगु।

यूहन्‍ना 11:3

उकिं मार्था व मरियमं वय्‌कःयात थथे धाय्‌के छ्वयाहल – “प्रभु, छिं माया यानादीम्‍ह जिमि किजा तसकं मफय्‌का च्‍वन।”

यूहन्‍ना 11:32

थुकथं मरियम वय्‌कः दीथाय् थ्‍यन, अले वय्‌कःयात खनेवं वय्‌कःयागु पालिइ भ्‍वपुयाः थथे धाल – “प्रभु, छि थन दीगु जूसा जिमि किजा सी मखुगु।”

यूहन्‍ना 12:3

मरियमं तसकं नस्‍वाःगु व थिकेगु जटामसीया बागू लिटर चिकनं येशूयागु पालिइ थाकाः थःगु सं वय्‌कःयागु पालि हुयाबिल। चिकनं यानाः छेँ छखां हे मगमग नस्‍वाः वल।

यूहन्‍ना 13:13

छिमिसं जितः प्रभु व गुरु धकाः धाःगु ठीक हे खः, छाय्‌धाःसा जि प्रभु नं खः, अले गुरु नं खः।

यूहन्‍ना 13:14

छिमि गुरु व प्रभु जुयाः नं जिं छिमिगु तुति सिलाबिया धाःसा छिमिसं नं थःथवय् छम्‍हं मेम्‍हय्‌सिगु तुति सिला बीमाः।