यूहन्‍ना 10:41 - नेवाः बाइबल

⁴¹ यक्‍व मनूतय्‌सं वय्‌कःयाथाय् वयाः थथे धाल – “यूहन्‍नां छुं नं चिं क्‍यना मवं, अय्‌नं यूहन्‍नां कंगु खँ फुक्‍कं थ्‍व मनूलिसे पाय्‌छि जू वः।”

यूहन्‍ना 10:41 ပူးပေါင်းရင်းမြစ်များ

मत्ती 14:2

थः भारदारतय्‌त धाल – “थ्‍व मनू ला बप्‍तिस्‍मा बीम्‍ह यूहन्‍ना हे जुइमाः। व सिनाः हानं म्‍वानावःगु जुइमाः, उकिं ला वं ततःधंगु अजू चायापुगु ज्‍या याये फत।”

मर्कूस 1:37

अले वय्‌कःयात लुइकाः थथे धाल – “फुक्‍कसिनं छितः मालाच्‍वंगु दु।”

लूका 12:1

अबलय् अन द्वलंद्वः मनूत कात्तुकाक्‍क मुं वयाच्‍वन। वय्‌कलं चेलातय्‌त धयादिल – “बांलाक होश या। निपाः ख्‍वाःपाः दुपिं फरिसीतय्‌गु सोडापाखें बचय् जुयाच्‍वँ।

लूका 5:1

छन्‍हु येशू गनेसरेत धाःगु समुद्र सिथय् दना च्‍वनादीबलय् ग्‍वाः ग्‍वाः मनूत धित्तुधिनाः परमेश्‍वरयागु वचन न्‍यनेत वय्‌कःयाथाय् वल।

यूहन्‍ना 1:27

जि स्‍वयाः लिपा झायादीम्‍ह वय्‌कः हे खः। वय्‌कःयागु लाकां पुतु फ्‍यनेत तकं जि मल्‍वः।”

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।