यूहन्‍ना 10:38 - नेवाः बाइबल

³⁸ जिं परमेश्‍वरयागु ज्‍या यानाच्‍वनागु दुसा जितः विश्‍वास मयाःसां जिं यानागु ज्‍या यात विश्‍वास यानादिसँ। उकिं जिके बाः दी, अले जि बाःयाके दु धकाः छिकपिन्‍सं सीकादिसँ, थुइकादिसँ।”

यूहन्‍ना 10:38 ပူးပေါင်းရင်းမြစ်များ

यूहन्‍ना 10:25

वय्‌कलं लिसः बियादिल – “जिं छिकपिन्‍त धया नं छिकपिन्‍सं विश्‍वास यानामदी। जिमि बाःयागु नामं जिं यानाच्‍वनागु अजू चायापुगु ज्‍यां हे जिगु साक्षी बी।

यूहन्‍ना 10:30

जि व जिम्‍ह बाः छम्‍ह हे खः।”

यूहन्‍ना 11:4

थ्‍व न्‍यनाः वय्‌कलं धयादिल – “थ्‍व ल्‍वचं लाजरस सी मखु। परमेश्‍वरयागु महिमाया निंतिं व परमेश्‍वरया काय्‌यात तःधंकेत व थथे म्‍हंमफुगु खः।”

यूहन्‍ना 14:20

उबलय् हे जक जि बाःयाके, छिपिं जिके, अले जि छिमिके दु धकाः छिमिसं सी।

यूहन्‍ना 17:11

जि आः छिथाय् वयेत्‍यनागुलिं थ्‍व संसारय् दइ मखुत, थुपिं धाःसा थ्‍व संसारय् च्‍वनाच्‍वनी। पवित्रम्‍ह बाः, छिं जितः बियादीपिन्‍त छिगु हे नांयागु निंतिं बचय् यानातयादिसँ। झीपिं थें तुं इपिं नं छप्‍पँ जुयाच्‍वनेमा।

यूहन्‍ना 3:2

छन्‍हु चान्‍हय् व येशूयाथाय् वयाः धाल – “गुरुजु, छि परमेश्‍वरं छ्वयाहयादीम्‍ह गुरु खः धकाः जिमिसं स्‍यू। परमेश्‍वर छिनाप दीगुलिं सुनानं याये मफुगु चिं छिं यानादी फु।”

यूहन्‍ना 5:36

तर यूहन्‍नां ब्‍यूगु साक्षी स्‍वयाः तःधंगु साक्षी जिके दु। बाःनं जितः पूवंकेत बियादीगु ज्‍या व जिं यानाच्‍वनागु ज्‍यां हे जितः बाःनं छ्वयाहयादीगु खः धकाः सी दु।

प्रेरित 2:22

“अय् इस्राएली दाजुकिजापिं, जिं धायेत्‍यनागु खँ न्‍यनादिसँ – परमेश्‍वरं हे छिकपिनिगु न्‍ह्यःने नासरतयाम्‍ह येशूयात ततःधंगु व अजू चायापुगु ज्‍या व चिं याकाः छिकपिन्‍त नं क्‍यनादिल। थ्‍व खँ ला छिकपिन्‍सं सि हे स्‍यू।

१ यूहन्‍ना 3:24

परमेश्‍वरयागु आज्ञा मानय् यानाच्‍वंम्‍ह मनू वय्‌कः नाप दइ, अले वय्‌कः व नाप दइ। झीगु नुगलय् पवित्र आत्‍मा तयादीगुलिं झीसं थ्‍व स्‍यू।