यूहन्‍ना 10:36 - नेवाः बाइबल

³⁶ बाःनं ल्‍ययाः थःम्‍ह हे यानाः संसारय् छ्वया हयादीम्‍हय्‌सित परमेश्‍वरयात क्‍वह्यंकल धकाः छिकपिन्‍सं धयादीया ला, छाय्‌धाःसा जिं ‘जि परमेश्‍वरया काय् खः’ धकाः धया?

यूहन्‍ना 10:36 ပူးပေါင်းရင်းမြစ်များ

भजनसंग्रहया सफू 2:2

पृथ्‍वीया जुजुत व शासकत परमप्रभुया विरोधय् व वय्‌कलं अभिषेक याःम्‍ह मनूयागु विरोधय् दं वइ, अले शासकत जानाः जाः ग्‍वयाजुइ।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 42:3

तज्‍याःगु तिंकथि वं त्‍वथुली मखु, अले पाल्‍चाय् पिलि-पिलि च्‍यानाच्‍वंगु मतः वं स्‍याइ मखु, वं सत्‍यताकथं न्‍याय याइ।

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

यर्मिया 1:5

“जिं छन्‍त छिमि मांया प्‍वाथय् दय्‌के न्‍ह्यः हे म्‍हस्‍यू। छ बुइ न्‍ह्यः हे जिं छन्‍त अलग याना। जिं छन्‍त जाति जातितय्‌त अगमवाणी न्‍यंकेत ल्‍यया।”

मत्ती 27:43

थ्‍वं परमेश्‍वरयात विश्‍वास यानाः – ‘जि परमेश्‍वरया काय् खः’ धयाजुल। थ्‍व खनाः परमेश्‍वर धात्‍थें हे लय्‌ताः धयागु जूसा वय्‌कलं हे थ्‍वयात बचय् यानादी।”

मत्ती 27:54

थथे भ्‍वखाय् ब्‍वःगु व अन जूगु फुक्‍कं खनाः येशूयात पिवाः च्‍वंपिं कप्‍तान व सिपाइँत फुक्‍कं ग्‍यात। अले थथे धाल – “धात्‍थें हे व ला परमेश्‍वरया काय् खः।”

लूका 1:35

अले स्‍वर्गदूतं वयात लिसः बिल – “पवित्र आत्‍मा हे छंके झायादी। दकलय् तःधंम्‍ह परमेश्‍वरयागु शक्तिं बूम्‍ह मचा पवित्रम्‍ह जुइ, अले परमेश्‍वरया काय् धकाः नां जाइ।

यूहन्‍ना 10:35

सुनां परमेश्‍वरयागु वचन न्‍यना काइ, वयात वय्‌कलं द्यः धकाः धयादी। थथे धाल धकाः धर्मशास्‍त्र मानय् मयाःगु जुइ मखु।

यूहन्‍ना 17:18

छिं जितः संसारय् छ्वया हयादीथें तुं जिं नं इमित संसारय् छ्वया।

यूहन्‍ना 17:21

इपिं नं छप्‍पँ जुयाच्‍वनेमा। यःम्‍ह बाः, गथे छि जिके, अले जि छिके दु, अथे हे इपिं नं झीके छप्‍पँ जुयाच्‍वनेमा। थुकथं जूसा जक छिं जितः छ्वयाहःगु खः धकाः संसारं विश्‍वास याइ।

यूहन्‍ना 17:8

छिं जितः बियादीगु खँ जिं इमित बी धुन। अले इमिसं नं ग्रहण यात। जि छिथासं वयागु खः धकाः इमिसं बांलाक सीके धुंकल, अले छिं जितः छ्वयाहयादीगु खः धकाः नं इमिसं विश्‍वास यानाच्‍वंगु दु।

यूहन्‍ना 19:7

यहूदीतय्‌सं पिलातसयात लिसः बिल – “जिमिके नं व्‍यवस्‍था दु, थ्‍व व्‍यवस्‍थाकथं थ्‍वयात स्‍याये हे माः, छाय्‌धाःसा थ्‍वं थःत परमेश्‍वरया काय् धकाः धयाजुल।”

यूहन्‍ना 20:28

अले थोमां वय्‌कःयात धाल – “जिम्‍ह प्रभु, जिम्‍ह परमेश्‍वर।”

यूहन्‍ना 20:31

अय्‌नं छिमिसं येशू परमेश्‍वरया काय्, मुक्ति बीम्‍ह ख्रीष्‍ट हे खः धकाः विश्‍वास याये फयेमा, अले विश्‍वास यानाः वय्‌कःयागु नामय् छिमित जीवन दयेमा धकाः थ्‍व च्‍वयातःगु खः।

यूहन्‍ना 3:17

परमेश्‍वरं संसारयात न्‍याय यायेत थःकाय्‌यात छ्वयाहयादीगु मखु, बरु वय्‌कःयापाखें संसार बचय् जुइमा धकाः खः।

यूहन्‍ना 3:34

परमेश्‍वरं छ्वया हःम्‍हय्‌सिनं हे जक परमेश्‍वरयागु वचन नवाइ, छाय्‌धाःसा वय्‌कःयात पवित्र आत्‍मां जाय्‌कादीगु दु।

यूहन्‍ना 5:30

“थथःम्‍हं जिं छुं नं याये मफु, बाःनं जितः धयादी थें जिं न्‍याय जक यायेगु खः। अय्‌जूगुलिं जिं न्‍याय यानागु ठीक जू, छाय्‌धाःसा जितः यःथें जिं न्‍याय यायेगु मखु, बरु जितः छ्वया हःम्‍हय्‌सित यःथें यायेगु खः।”

यूहन्‍ना 6:27

सितिं वनीगु नसायागु निंतिं ज्‍या याये मते, बरु मनूया काय्‌नं बीगु अनन्‍त जीवन तक दयाच्‍वनीगु नसायागु निंतिं ज्‍या या। परमेश्‍वर बाःनं जितः थ्‍व हे ज्‍या यायेत छ्वयाहयादीगु खः।”

यूहन्‍ना 6:38

जि जिगु इच्‍छा मखु बरु जितः छ्वया हयादीम्‍हय्‌सित इच्‍छा पूवंकेत स्‍वर्गं वयाम्‍ह खः।

यूहन्‍ना 6:57

जितः छ्वयाहयादीम्‍ह बाः गथे न्‍ह्याबलें म्‍वानाच्‍वनी, अथे हे बाःनं यानाः जि नं न्‍ह्याबलें म्‍वानाच्‍वनी। थुकथं जितः नःम्‍ह मनू नं जिं यानाः म्‍वानाच्‍वनी।

यूहन्‍ना 6:69

उकिं जिमिसं विश्‍वास यानाः परमेश्‍वरं छ्वयाहयादीम्‍ह पवित्रम्‍ह मनू छि हे खः धकाः नं सीके धुन।”

यूहन्‍ना 8:42

वय्‌कलं धयादिल – “परमेश्‍वर छिकपिनि बाः खः धयागु जूसा छिकपिन्‍सं जितः माया यानादी माःगु खः, छाय्‌धाःसा जितः वय्‌कलं छ्वया हयादीगुलिं जि वयाच्‍वनागु खः। जि थःगु हे इच्‍छां वयागु मखु, बरु वय्‌कलं हे जितः छ्वयाहयादीगु खः।

रोमी 1:4

अले पवित्र आत्‍मायागु शक्तिं वय्‌कः म्‍वाना तुं वयाः परमेश्‍वरया काय् खः धकाः क्‍यनादिल।

रोमी 8:3

झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

रोमी 9:5

ख्रीष्‍टया तापाःबाज्‍यापिं इमि नं तापाःबाज्‍यापिं खः। ख्रीष्‍ट थः नं इपिं थें थ्‍व हे जातय् बूगु खः। वय्‌कः दक्‍वसित राज्‍य यानादीम्‍ह परमेश्‍वर खः, वय्‌कः सदां तःधनेमा। आमेन।

गलाती 4:4

परमेश्‍वरं धयादीगु ई वयेवं परमेश्‍वरं वय्‌कःया काय्‌यात छ्वयाहयादिल। वय्‌कः मिसाम्‍हय्‌सिगु क्‍वखं बुल। अले यहूदीतय्‌गु व्‍यवस्‍था मानय् यानाः च्‍वनादिल।