यूहन्‍ना 10:34 - नेवाः बाइबल

³⁴ वय्‌कलं लिसः बियादिल – “छिकपिनिगु व्‍यवस्‍थाय् नं थथे च्‍वयातःगु, मदु ला– ‘परमेश्‍वरं धयादिल – “छिपिं फुक्‍कं द्यः खः?”’

यूहन्‍ना 10:34 ပူးပေါင်းရင်းမြစ်များ

भजनसंग्रहया सफू 138:1

हे परमप्रभु, जिं दुनुगलंनिसें छिगु प्रशंसा याये। द्यःतय् न्‍ह्यःने जिं छिगु प्रशंसा याये।

भजनसंग्रहया सफू 82:1

परमेश्‍वर स्‍वर्गया सभाया नायः जुयादी, द्यःतय् दथुइ वय्‌कलं फैसला यानादी।

प्रस्‍थान 22:28

“परमेश्‍वरयात क्‍वह्यंके मते, अले छिमि मनूतय् शासकतय्‌त नं सराः बी मते।

प्रस्‍थान 4:16

वं छंगुपाखें मनूतनापं खँ ल्‍हाइ, व छंगु निंतिं म्‍हुतु थें जुइ अले छ वया निंतिं परमेश्‍वर थें जुइ।

प्रस्‍थान 7:1

अले परमप्रभुं मोशायात धयादिल, “स्‍व, जिं छन्‍त फारोया निंतिं परमेश्‍वर थें यानागु दु, अले छिमि दाजु हारून छंगुपाखें न्‍ववाइम्‍ह जुइ।

यूहन्‍ना 10:35

सुनां परमेश्‍वरयागु वचन न्‍यना काइ, वयात वय्‌कलं द्यः धकाः धयादी। थथे धाल धकाः धर्मशास्‍त्र मानय् मयाःगु जुइ मखु।

यूहन्‍ना 12:34

अले यक्‍व मनूतय्‌सं थथे धाल – “जिमिसं मुक्ति बीम्‍ह ख्रीष्‍ट न्‍ह्याबलें म्‍वानाच्‍वनी धकाः व्‍यवस्‍थाय् च्‍वयातःगु न्‍यनागु दु। छिं मनूया काय्‌यात यख्‍खाइ तिनि धकाः गुकथं धयादियागु? थ्‍व मनूया काय् धाःम्‍ह सु खः?”

यूहन्‍ना 15:25

व्‍यवस्‍थाय् थथे च्‍वयातःगु खँ पूवंकेत हे थथे जूगु खः – ‘छुं म्‍वाय्‌क हे इमिसं जितः हेला यात।’

यूहन्‍ना 8:17

छिकपिनिगु व्‍यवस्‍थाय् नं निम्‍हय्‌सिनं ब्‍यूगु साक्षी सत्‍य खः धकाः च्‍वयातःगु दु।

१ कोरिन्‍थी 14:21

धर्मशास्‍त्रय् नं थथे च्‍वयातःगु दु – “मथूगु भाय् ल्‍हाइपिं मनूतय्‌गु म्‍हुतुं व परदेशीतय्‌गु म्‍हुतुं जिं थः मनूतनापं खँ ल्‍हाये। अय्‌नं इमिसं जिगु खँ न्‍यनी मखु।”