यूहन्‍ना 10:30 - नेवाः बाइबल

³⁰ जि व जिम्‍ह बाः छम्‍ह हे खः।”

यूहन्‍ना 10:30 ပူးပေါင်းရင်းမြစ်များ

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

यूहन्‍ना 10:29

इपिं जितः बियादीम्‍ह जिमि बाः दकलय् तःधंम्‍ह खः। बाःयागु ल्‍हातिं सुनानं इमित लाकायंके फइ मखु।

यूहन्‍ना 10:36

बाःनं ल्‍ययाः थःम्‍ह हे यानाः संसारय् छ्वया हयादीम्‍हय्‌सित परमेश्‍वरयात क्‍वह्यंकल धकाः छिकपिन्‍सं धयादीया ला, छाय्‌धाःसा जिं ‘जि परमेश्‍वरया काय् खः’ धकाः धया?

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

यूहन्‍ना 14:9

वय्‌कलं धयादिल – “फिलिप, थुलिमछि दये धुंकल छ जि नाप जूगु, आः तक नं छं जितः म्‍हसीके मफुनि ला? सुनां जितः खन, वं बाःयात नं खने धुंकल धासेंलि हानं ‘जिमित बाः छकः क्‍यँ’ धकाः धायेमानि ला?

यूहन्‍ना 16:15

बाःयाके दुगु फुक्‍कं जिगु हे खः। अय्‌जूगुलिं जिं जिगु खँयात कयाः सत्‍य आत्‍मां छिमित कनादी धकाः धयागु खः।”

यूहन्‍ना 17:10

जिगु फुक्‍कं छिगु खः, छिगु फुक्‍कं जिगु खः। थुकथं इमिसं यानाः जि तःधं जूगु खः।

यूहन्‍ना 5:17

अथेसां वय्‌कलं इमित धयादिल – “जिमि बाःनं न्‍ह्याबलें ज्‍या यानादी, उकिं जिं नं ज्‍या यानाच्‍वने।”

यूहन्‍ना 5:23

अय्‌जूगुलिं गथे बाःयात फुक्‍कसिनं मानय् याः अथे हे काय्‌यात नं फुक्‍कसिनं मानय् यायेमाः। काय्‌यात मानय् मयाःम्‍हय्‌सिनं काय्‌यात छ्वयाहःम्‍ह बाःयात नं मानय् मयाःगु जुइ।

यूहन्‍ना 8:58

वय्‌कलं इमित लिसः बियादिल – “जिं छिकपिन्‍त खःगु खँ धाये – अब्राहाम स्‍वयाः न्‍हापांनिसें हे जि दु।”

व्‍यवस्‍था 6:4

हे इस्राएल न्‍यँ! परमप्रभु झी परमेश्‍वर छम्‍ह हे जक दु।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

१ यूहन्‍ना 5:7

येशू परमेश्‍वरया काय् खः धकाः थ्‍व स्‍वतां बांलाक क्‍यं – पवित्र आत्‍मा, लः व हि।