यूहन्‍ना 10:21 - नेवाः बाइबल

²¹ मेपिन्‍सं थथे धाल – “भूत दुब्‍यूम्‍ह मनुखं थज्‍याःगु खँ ल्‍हाइ मखु। कांम्‍ह मनूयागु मिखा भूत दुब्‍यूम्‍ह मनुखं चाय्‌काबी फइ ला?”

यूहन्‍ना 10:21 ပူးပေါင်းရင်းမြစ်များ

भजनसंग्रहया सफू 146:8

परमप्रभुं मिखां मखंपिन्‍त मिखां खंकादी, परमप्रभुं ग्‍वतुलाच्‍वंपिन्‍त थनादी। परमप्रभुं भिंपिं मनूतय्‌त माया यानादी।

भजनसंग्रहया सफू 94:9

छिमित न्‍हाय्‌पं ब्‍यूम्‍हय्‌सिनं मताइ ला? छिमित मिखा ब्‍यूम्‍हय्‌सिनं मखनी ला?

प्रस्‍थान 4:11

परमप्रभुं वयात धयादिल, “मनूतय्‌गु म्‍हुतु सुनां दय्‌कल? मनूतय्‌त लाता व ख्‍वाँय् सुनां याइ? मनूतय्‌त स्‍वये फुम्‍ह व कां सुनां याइ? छु जि परमप्रभुं हे, मखु ला?

प्रस्‍थान 8:19

अले जादु क्‍यनिपिन्‍सं फारोयात धाल, “थुकी ला परमेश्‍वरयागु हे ल्‍हाः दु।” अय्‌नं परमप्रभुं धयादी थें हे फारोया नुगः छानाच्‍वन। वं इमिगु खँ मन्‍यन।

हितोपदेश 20:12

न्‍यनेत न्‍हाय्‌पं व स्‍वयेत मिखा नितां परमप्रभुं बियादीगु खः।

मत्ती 11:5

कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत हानं म्‍वानावल, अले चीमिपिन्‍सं भिंगु खँ न्‍यन।

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

यूहन्‍ना 10:22

थुबलय् चिकुला खः। अले यरूशलेमयागु देगः देछाय्‌गु नखः खः।

यूहन्‍ना 9:6

थथे धयाः वय्‌कलं बँय् ई फानाः चा न्‍हायाः कांम्‍हय्‌सिगु मिखाय् इलादिल।