यूहन्‍ना 10:18 - नेवाः बाइबल

¹⁸ जितः सुनानं स्‍याये फइ मखु, बरु जि थःयसें सिना बीत्‍यनागु खः। जि थथःम्‍हं तुं सीगु नं व हानं म्‍वाना वयेगु नं जिके अधिकार दु। जितः जिमि बाःनं बियादीगु आज्ञा नं थ्‍व हे खः।”

यूहन्‍ना 10:18 ပူးပေါင်းရင်းမြစ်များ

यूहन्‍ना 10:11

“जि भिंम्‍ह फैजवाः खः। भिंम्‍ह फैजवालं फैतय्‌गु निंतिं सीत तकं लिफः स्‍वइ मखु।

यूहन्‍ना 10:15

गथे बाःनं जितः म्‍हस्‍यू, अथे हे जिं नं बाःयात म्‍हस्‍यू। अले फैतय्‌गु निंतिं जि थः हे तुं सिना बी।

यूहन्‍ना 10:17

“जि हानं म्‍वाना वयेगु कथं सी त्‍यनागुलिं बाःनं जितः तसकं माया यानादी।

यूहन्‍ना 14:31

जिं बाःयात माया यानाच्‍वनागु दु धकाः संसारं सीमा धकाः बाःनं आज्ञा यानादी थें जिं यानाच्‍वनागु खः। दँ, आः झी थनं वनेनु।”

यूहन्‍ना 15:10

जिगु आज्ञा मानय् याःसा छिपिं जिगु मायाय् च्‍वनाच्‍वंनी, गथे जिं नं बाःयागु आज्ञा मानय् यानाः वय्‌कःयागु मायाय् च्‍वनाच्‍वना।

यूहन्‍ना 19:11

वय्‌कलं वयात लिसः बियादिल – “छितः थ्‍व अधिकार च्‍वय्‌नं मब्‍यूगु जूसा छिं जितः छुं नं याये फइ मखु। अय्‌जूगुलिं सुनां जितः ज्‍वनाः छिथाय् हल, वयात हे अप्‍वः पाप लाइ।”

यूहन्‍ना 5:26

परमेश्‍वर बाः जीवनया मुहान खः, अथे हे वय्‌कलं थःकाय्‌यात नं जीवनया मुहान यानादिल।

यूहन्‍ना 5:30

“थथःम्‍हं जिं छुं नं याये मफु, बाःनं जितः धयादी थें जिं न्‍याय जक यायेगु खः। अय्‌जूगुलिं जिं न्‍याय यानागु ठीक जू, छाय्‌धाःसा जितः यःथें जिं न्‍याय यायेगु मखु, बरु जितः छ्वया हःम्‍हय्‌सित यःथें यायेगु खः।”

यूहन्‍ना 6:38

जि जिगु इच्‍छा मखु बरु जितः छ्वया हयादीम्‍हय्‌सित इच्‍छा पूवंकेत स्‍वर्गं वयाम्‍ह खः।

प्रेरित 2:24

अय्‌नं परमेश्‍वरं वय्‌कःयात कालयागु पन्‍जां त्‍वःतकाः म्‍वाकादिल। वय्‌कःयात कालं ज्‍वना तयेगु ला जुइ हे फइ मखुगु खँ खः।

प्रेरित 2:32

“थ्‍व हे येशूयात परमेश्‍वरं म्‍वाकादिल। जिपिं थुकिया हे साक्षी खः।

प्रेरित 3:15

छिकपिन्‍सं जीवन बीम्‍हय्‌सित स्‍याना छ्वःसां परमेश्‍वरं वय्‌कःयात हानं म्‍वाकादिल। जिपिं थ्‍वया साक्षी खः।

तीतस 2:14

झीत झीगु पापं छुतय् यायेत वय्‌कः थः हे सिनादिल। थुकथं वय्‌कलं झीत थः मनू यानाः पवित्र यानादिल, अले भिंगु ज्‍या यायेत साहस बियादिल।

हिब्रू 2:9

अथेसां झीसं वय्‌कःयात थुकथं हे खनाच्‍वना, गुम्‍हय्‌सित छुं ईया लागि स्‍वर्गदूतत स्‍वयाः भचा चिधं यानादीगु खः। अले परमेश्‍वरयागु दया मायां यानाः वय्‌कः फुक्‍क मनूतय्‌गु निंतिं सिनादिल। थथे सिनादीगुलिं वय्‌कःयात तःधंकाः च्‍वय् तयादिल।