यूहन्‍ना 10:10 - नेवाः बाइबल

¹⁰ खुँ खुइत, स्‍यंकेत व स्‍यायेत जक वइ। तर जि इमित जीवन दयेमा, अले व यक्‍व जीवन दयेमा धकाः वयागु खः।

यूहन्‍ना 10:10 ပူးပေါင်းရင်းမြစ်များ

यशैया 56:11

इपिं नये पित्‍याःपिं खिचात थें खः। इपिं गुबलें नये लुमधंपिं खः। इपिं मथूपिं जवाःत खः। इपिं फुक्‍क थथःगु हे लँपुइ जुयाच्‍वंगु दु। इमिसं थःत जक भिं यायेत स्‍वयाच्‍वनी।

होशे 7:1

जिं इस्राएलयात लाय्‌काबीबलय् एफ्राइमया दुष्‍टता, व सामरियाया दुष्‍ट ज्‍या खनेदः वइ। इमिसं मेपिन्‍त ध्‍वंलानां तुं च्‍वनी खुँतय्‌सं छेँ स्‍यंकी, खुयायंकी, डाँखुतय्‌सं लँय् लुतय् याइ।

मत्ती 18:10

“उकिं जिमि मस्‍त सुं छम्‍हय्‌सित नं क्‍वह्यंके मते, छाय्‌धाःसा जिं छिमित धयाच्‍वना – मस्‍तय्‌त सुसाःकुसाः याइपिं स्‍वर्गदूतत स्‍वर्गय् च्‍वनादीम्‍ह जिमि बाःयागु न्‍ह्यःने हे दु।

मत्ती 18:11

अथे जूगुलिं हे मनूया काय् तनाच्‍वंपिन्‍त बचय् यायेत वःगु खः।

मत्ती 20:28

मनूया काय्‌नं सेवा याकेत मखु, बरु सेवा यायेत व यक्‍वसित मुक्ति बीत व सीत वःगु खः।”

मत्ती 21:13

अले इमित धयादिल – “धर्मशास्‍त्रय् थथे च्‍वयातःगु दु – ‘जिगु छेँ प्रार्थना यायेगु छेँ खः।’ छिमिसं ला थुकियात खुँ दाखुँतय्‌गु छेँ धकाः यानाच्‍वन।”

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

मर्कूस 11:17

वय्‌कलं इमित थथे धयाः स्‍यनादिल – “थ्‍व खँ च्‍वयातःगु, मस्‍यू ला? ‘जिगु छेँ फुक्‍क मनूतय् प्रार्थना याइगु छेँ खः।’ छिमिसं ला थुकियात खुँ व दाखुँतय्‌गु छेँ धकाः यानाच्‍वन।”

लूका 19:10

मनूया काय् तनाच्‍वंपिन्‍त मालेत व उद्धार यायेत वःगु खः।”

यूहन्‍ना 10:1

“जिं छिकपिन्‍त खःगु खँ धाये – फैगलय् लुखां दुहां मवसे मेथासं वइम्‍ह मनू खुँ व दाखुँ खः।

यूहन्‍ना 10:11

“जि भिंम्‍ह फैजवाः खः। भिंम्‍ह फैजवालं फैतय्‌गु निंतिं सीत तकं लिफः स्‍वइ मखु।

यूहन्‍ना 12:47

सुनानं जिं धयागु वचन न्‍यँ जक न्‍यनाः धया थें मयात धाःसा जिं वयात न्‍याय याये मखु, छाय्‌धाःसा जि संसारयात न्‍याय यायेत वयागु मखु, बरु बचय् यायेत वयागु खः।

यूहन्‍ना 12:6

वं थथे धाःगु नये मखंपिन्‍त माया याना मखु, बरु खुँ जूगुलिं खः। धिबाया म्‍हिचा ज्‍वनाजुइम्‍ह जुइगुलिं वं म्‍हिचाय् च्‍वंगु धिबा कायेगु नं याः।

यूहन्‍ना 3:17

परमेश्‍वरं संसारयात न्‍याय यायेत थःकाय्‌यात छ्वयाहयादीगु मखु, बरु वय्‌कःयापाखें संसार बचय् जुइमा धकाः खः।

यूहन्‍ना 5:40

अय्‌नं छिपिं जिथाय् अनन्‍त जीवन कायेत वइ मखु।

यूहन्‍ना 6:33

स्‍वर्गं क्‍वहां वयाः मनूतय्‌त अनन्‍त जीवन बीम्‍ह हे परमेश्‍वरं बियादीगु मरि खः।”

यूहन्‍ना 6:51

स्‍वर्गं वःगु अनन्‍त जीवन दुगु मरि जि हे खः। थ्‍व मरि सुनानं नल धाःसा व न्‍ह्याबलें म्‍वानाच्‍वनी। संसारयात जिं बीत्‍यनागु अनन्‍त जीवन बीगु मरि जिगु म्‍ह खः।”

रोमी 2:21

थथे मेपिन्‍त स्‍यना जुइ सःपिं छिमिसं थःपिन्‍सं हे छाय् सय्‌काकाये मफुत? हानं मेपिन्‍त खुइ मज्‍यू धकाः न्‍यंके सःपिं छिमिसं खुयाकाये ज्‍यू ला?

१ तिमोथी 1:15

पापीतय्‌त मुक्ति बीत ख्रीष्‍ट येशू थ्‍व संसारय् झायादीगु धात्‍थें हे खः धयागु खँ फुक्‍कसिनं मानय् याये हे माः। पापीत मध्‍ये नं जि तसकं पापीम्‍ह खः।

हिब्रू 6:17

परमेश्‍वरं बी धकाः धयादीपिं मनूतय्‌त थःम्‍हं बी धकाः धयादीगु खँ पाइ मखु धकाः नं पाफयादिल।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

२ पत्रुस 1:11

अले झीत मुक्ति बियादीम्‍ह झी प्रभु येशू ख्रीष्‍टयागु न्‍ह्याबलें दयाच्‍वनीगु राज्‍यय् छिपिं नं दुहां वने दइ।