यूहन्‍ना 1:47 - नेवाः बाइबल

⁴⁷ नथानेलयात थःथाय् वयाच्‍वंगु खनाः येशूं वयात धयादिल – “छ ला छम्‍ह तसकं स्‍वजाम्‍ह इस्राएली खः।”

यूहन्‍ना 1:47 ပူးပေါင်းရင်းမြစ်များ

भजनसंग्रहया सफू 32:2

धन्‍य खः व मनू, गुम्‍हय्‌सिगु मभिंगु ज्‍या यात परमप्रभुं दोष मबिल। अले गुम्‍हय्‌सिगु मति मभिं मजू।

भजनसंग्रहया सफू 73:1

इस्राएलया निंतिं व शुद्ध नुगः दुपिनिगु निंतिं, परमेश्‍वर धात्‍थें हे भिंम्‍ह खः।

यूहन्‍ना 2:25

सुनानं वय्‌कःयात थ्‍व मनू थज्‍याःम्‍ह धकाः धयाच्‍वने म्‍वाः। मनूतय्‌गु नुगलय् छु दु धकाः वय्‌कलं हे स्‍यू।

यूहन्‍ना 4:16

वय्‌कलं वयात धयादिल – “वा, छं थः भाःतयात थन सःता हिँ।”

यूहन्‍ना 8:31

येशूं थःत विश्‍वास याःपिं यहूदीतय्‌त धयादिल – “जिं धया थें छिपिं च्‍वंसा छिपिं धात्‍थें जिम्‍ह चेला जुइ।

यूहन्‍ना 8:39

इमिसं वय्‌कःयात लिसः बिल – “अब्राहाम जिमि तापाःबाज्‍या खः।” अले वय्‌कलं धयादिल – “छिकपिं अब्राहामया सन्‍तान खः धयागु जूसा अब्राहामं यानाः वं थें छिकपिन्‍सं नं यानादी माःगु खः।

रोमी 9:4

छाय्‌धाःसा इपिं परमेश्‍वरं ल्‍ययातःपिं जातियापिं खः। वय्‌कलं इमित थः हे काय्‌पिं यानाः इमिगु दथुइ च्‍वनाः वय्‌कःयागु तःधंगु शक्ति क्‍यनादिल। इपिं नाप बाचा चिनाः व्‍यवस्‍था नं बियादिल। वय्‌कःया आराधना यायेगु स्‍यनादिल, अले बचं नं बियादिल।

रोमी 9:6

यहूदी जातयापिन्‍सं थौं तकं ख्रीष्‍टयात विश्‍वास मयाःसां परमेश्‍वरं बाचा चिनाः धयादीगु वचन सितिं वंगु जुइ मखु। छाय्‌धाःसा यहूदी जातय् बूपिं सकलें परमेश्‍वरया मनूत मखु।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

१ पत्रुस 2:1

अय्‌जूगुलिं आवंनिसें छिपिं मभिंपिं मनूत जुइ मते। सुयातं थगय् याये मते, निपाः ख्‍वाःपाः दुपिं जुइ मते, कर्पिन्‍त डाहा याये मते, अले मेपिन्‍त मभिंकाः खँ ल्‍हाये मते।

१ पत्रुस 2:22

“वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”

प्रकाश 14:5

इमिगु म्‍हुतुइ मखुगु खँ धयागु मदु, इमिगु नुगः यचुसे च्‍वं।